Aron Pálmarsson: Er að rifna úr stolti Eiríkur Stefán Ásgeirsson skrifar 5. júní 2010 10:00 Evrópumeistararnir Aron og Alfreð saman með bikarinn góða. Fréttablaðið/Sascha Klein Leiktímabilið sem senn er á enda hefur verið ótrúlegt hjá Aroni Pálmarssyni. Fyrir einu og hálfu ári samdi hann við eitt allra stærsta félag heims en hann var þá að spila með FH í N1-deildinni. Nú er hann Evrópumeistari með Kiel og getur í dag bætt öðrum meistaratitli í safnið - þeim þýska. Þá má ekki gleyma bronsinu sem hann vann með íslenska landsliðinu á EM í Austurríki í janúar síðastliðnum. Aron er nítján ára gamall og hefur verið hampað sem efnilegasta leikmanni heims. „Þetta var vægast sagt mögnuð upplifun," segir Aron um sigurinn á Barcelona í úrslitaleik Meistaradeildarinnar um síðustu helgi. „Ég hef ekki upplifað betri tilfinningu á mínum ferli."Risavaxið stökk Aron hafði áður unnið einn titil með meistaraflokki karla. Það var þegar FH vann 1. deildina fyrir tveimur árum. Aron hefur því tekið risastórt stökk á stuttum tíma. „Þegar ég samdi við Kiel vissi ég að ég væri að fara í lið sem stefndi á að vinna alla titla. En það hvarflaði ekki að mér að einu og hálfu ári síðar myndi ég vakna einn daginn með tvö gull og eitt brons um hálsinn. Það hefur verið draumi líkast bara að fá að taka sjálfur þátt í þessu ævintýri og ég er fyrst núna byrjaður að átta mig á árangrinum," segir Aron. Flestir bjuggust við að Aron myndi hafa hægt um sig á fyrsta árinu hjá Kiel og það voru þau skilaboð sem hann fékk sjálfur - að hann þyrfti að fá tíma til að aðlagast. En félagið missti marga sterka leikmenn, bæði í meiðsli og til annarra félaga og því hefur Aron fengið að spila mun meira en nokkur gat búist við. Og hann hefur svo sannarlega staðið undir þeim væntingum sem gerðar voru til hans. „Mér finnst sjálfum að mér hafi tekist ágætlega að koma mér inn í handboltann hér. Ég hef verið í hópnum í öllum leikjum og eiginlega fengið að spila í þeim öllum, með heimsklassaleikmenn bæði mér við hlið og á móti mér. Ég neita því ekki að ég er að rifna úr stolti enda verður þetta ekki mikið stærra í handboltanum. Ef við löndum líka titlinum í dag get ég farið afar glaður og ánægður í sumarfríið."Aron er hæfileikaríkari en ég Svíarnir Stefan Lövgren og Marcus Ahlm lofuðu fyrir stuttu Aron í hástert í þýskum fjölmiðlum. „Aron er hæfileikaríkari en ég," sagði Lövgren sem vann nánast allt sem hægt var að vinna með Kiel og sænska landsliðinu. Hann er af mörgum talinn einn allra besti leikmaður sögunnar. „Hann getur orðið sá allra besti í heimi," sagði Ahlm sem er í dag fyrirliði Kiel. „Já, ég asnaðist nú til að lesa þetta," segir Aron spurður um þessi ummæli. „Það er auðvitað frábært að fá að heyra svona lagað. Ahlm fer fyrir besta liði í Evrópu í dag og Lövgren er goðsögn í handboltanum. Ég hef fengið að heyra það áður að ég þyki efnilegur og allt það. en ég held að maður fái ekki jafn mikið hrós og frá þessum tveimur - þá sérstaklega Lövgren." Hann hefur þó ekki áhyggjur af því að ummæli sem þessi stígi honum til höfuðs. „Nei, alls ekki. Þetta mun frekar hjálpa mér. Ég er með gott fólk í kringum mig sem heldur mér á jörðinni. Ég hef sjálfur ágætt hugarfar og ég mun frekar nota þetta til að hvetja mig áfram. Þetta verður örugglega til þess að ég mæti oftar í ræktina í sumar." Bæði Ahlm og Lövgren bentu þó á að mikil vinna væri fram undan hjá Aroni ef hann á að standa undir þessum væntingum. „Ég er vanur því að leggja mikið á mig. Ég hef lagt hart að mér síðustu 2-3 ár enda er ég ekki í Kiel að ástæðulausu. Ég tel að það þurfi meira en bara hæfileika til að ná langt. Það þarf rétt hugarfar, góðar aðstæður og góða aðstoð annarra. Ég tel mig hafa þetta allt - ég er með frábæran þjálfara, í frábæru umhverfi hjá besta liði í Evrópu og mjög gott fólk sem hjálpar mér mikið bæði innan vallar sem utan. Ég hef allt til alls til að ná sem lengst og það er klárlega stefnan," segir Aron.Alfreð er ekki pabbi minn Hinn Íslendingurinn í Kiel er þjálfarinn Alfreð Gíslason. Hann hafði veg og vanda af því að fá Aron til félagsins og henda honum strax út í djúpu laugina. „Hann lítur á mig eins og hvern annan leikmann," segir Aron spurður um samband þeirra. „En jú, auðvitað hefur það sitt að segja að við erum báðir Íslendingar. Bæði hann og Kara Guðrún, eiginkona hans, hafa hjálpað mér mikið utan vallar enda tekur það tíma að kynnast nýrri menningu og tungumáli. En á æfingum kemur hann eins fram við mig og alla aðra leikmenn. Hann er ekki pabbi minn," segir hann og hlær. Alfreð hefur náð ótrúlegum árangri með Kiel. Fyrir tímabilið fóru sterkir leikmenn á borð við Nikola Karabatic frá félaginu og margir lykilmenn áttu við meiðsli að stríða í vetur. En þrátt fyrir breytingarnar er Kiel á góðri leið með að verja Þýskalandsmeistaratitilinn og hefur nú þegar bætt Evrópumeistaratitlinum í safnið.Sýndum að Kiel er ennþá Kiel „Eins og Alfreð sagði við okkur í vikunni þá hefði enginn spáð þessu fyrir mánuði. Í febrúar töpuðum við stórt fyrir Gummersbach í bikarnum og stuttu síðar fyrir Barcelona í Meistaradeildinni. Við vorum þar að auki skrefinu á eftir Hamburg í deildinni," segir Aron. „Menn héldu að það væri eitthvað að klikka hjá Kiel eftir að hafa unnið titilinn fimm ár í röð. En okkur tókst að afsanna allt þetta og sýna umfram allt að Kiel er enn þá Kiel." Kiel endurheimti toppsæti þýsku úrvalsdeildarinnar fyrir tveimur vikum þegar liðið vann tveggja marka sigur á Hamburg í uppgjöri toppliðanna. Það var mikill persónulegur sigur fyrir Alfreð. „Það var gríðarlega sætur sigur og ekki minni en sigurinn í Meistaradeildinni. Það hefur verið aðalatriðið fyrir félagið að vinna þýsku deildina og nánast litið á það sem bónus að vinna Meistaradeildina þótt það sé sterkasta deild heims. En að vinna tvöfalt er lyginni líkast," segir Aron. Kiel getur náð þeim áfanga með því að vinna Grosswallstadt á útivelli í lokaumferð þýsku úrvalsdeildarinnar í dag.Jicha og Karabatic bestir Tékkinn Filip Jicha hefur farið á kostum með Kiel í vetur og hann var valinn leikmaður ársins á dögunum. Spurður hvort Jicha sé sá besti í heimi segir Aron að svarið sé einfalt. „Já. Hann og [Nikola] Karabatic eru bestir í heiminum og með nokkra yfirburði yfir aðra að ég tel. Jicha hefur verið ótrúlegur allt tímabilið og ég þekki hvernig það er að spila gegn Karabatic þegar hann sýnir allar sínar bestu hliðar," segir Aron. Eftir leikinn í dag er Aron kominn í sumarfrí - í það minnsta hjá Kiel. Við taka verkefni hjá íslenska landsliðinu sem mætir Dönum hér heima og Brasilíu ytra á næstu vikum. „Ég þarf svo að vera mættur aftur hingað 11. júlí og fæ því svo sem ekki langt frí. En ég stefni á að eyða því á Íslandi þar sem ég fæ vonandi að sleikja sólina og vera með fjölskyldu og vinum." Fyrr en varir verða átök nýs tímabils hafin og segir Aron að þrátt fyrir árangur tímabilsins sem senn er að ljúka eigi hann ýmislegt eftir. „Það er allavega bikarinn eftir hér í Þýskalandi og svo að vinna eitthvað með landsliðinu. Eigum við ekki að segja að það verði komið hjá mér fyrir þrítugt. Þá get ég farið að hugsa um að hætta og kannski samið við lið í Dúbaí," segir hann og hlær. Íslenski handboltinn Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn „Við höfum ekki þekkst lengi en það gengur vel“ Sport Ancelotti gæti gefið leikmönnum sínum frí á miðju tímabili Fótbolti Þrír leikmenn Marseille með vafasama fortíð Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Leiktímabilið sem senn er á enda hefur verið ótrúlegt hjá Aroni Pálmarssyni. Fyrir einu og hálfu ári samdi hann við eitt allra stærsta félag heims en hann var þá að spila með FH í N1-deildinni. Nú er hann Evrópumeistari með Kiel og getur í dag bætt öðrum meistaratitli í safnið - þeim þýska. Þá má ekki gleyma bronsinu sem hann vann með íslenska landsliðinu á EM í Austurríki í janúar síðastliðnum. Aron er nítján ára gamall og hefur verið hampað sem efnilegasta leikmanni heims. „Þetta var vægast sagt mögnuð upplifun," segir Aron um sigurinn á Barcelona í úrslitaleik Meistaradeildarinnar um síðustu helgi. „Ég hef ekki upplifað betri tilfinningu á mínum ferli."Risavaxið stökk Aron hafði áður unnið einn titil með meistaraflokki karla. Það var þegar FH vann 1. deildina fyrir tveimur árum. Aron hefur því tekið risastórt stökk á stuttum tíma. „Þegar ég samdi við Kiel vissi ég að ég væri að fara í lið sem stefndi á að vinna alla titla. En það hvarflaði ekki að mér að einu og hálfu ári síðar myndi ég vakna einn daginn með tvö gull og eitt brons um hálsinn. Það hefur verið draumi líkast bara að fá að taka sjálfur þátt í þessu ævintýri og ég er fyrst núna byrjaður að átta mig á árangrinum," segir Aron. Flestir bjuggust við að Aron myndi hafa hægt um sig á fyrsta árinu hjá Kiel og það voru þau skilaboð sem hann fékk sjálfur - að hann þyrfti að fá tíma til að aðlagast. En félagið missti marga sterka leikmenn, bæði í meiðsli og til annarra félaga og því hefur Aron fengið að spila mun meira en nokkur gat búist við. Og hann hefur svo sannarlega staðið undir þeim væntingum sem gerðar voru til hans. „Mér finnst sjálfum að mér hafi tekist ágætlega að koma mér inn í handboltann hér. Ég hef verið í hópnum í öllum leikjum og eiginlega fengið að spila í þeim öllum, með heimsklassaleikmenn bæði mér við hlið og á móti mér. Ég neita því ekki að ég er að rifna úr stolti enda verður þetta ekki mikið stærra í handboltanum. Ef við löndum líka titlinum í dag get ég farið afar glaður og ánægður í sumarfríið."Aron er hæfileikaríkari en ég Svíarnir Stefan Lövgren og Marcus Ahlm lofuðu fyrir stuttu Aron í hástert í þýskum fjölmiðlum. „Aron er hæfileikaríkari en ég," sagði Lövgren sem vann nánast allt sem hægt var að vinna með Kiel og sænska landsliðinu. Hann er af mörgum talinn einn allra besti leikmaður sögunnar. „Hann getur orðið sá allra besti í heimi," sagði Ahlm sem er í dag fyrirliði Kiel. „Já, ég asnaðist nú til að lesa þetta," segir Aron spurður um þessi ummæli. „Það er auðvitað frábært að fá að heyra svona lagað. Ahlm fer fyrir besta liði í Evrópu í dag og Lövgren er goðsögn í handboltanum. Ég hef fengið að heyra það áður að ég þyki efnilegur og allt það. en ég held að maður fái ekki jafn mikið hrós og frá þessum tveimur - þá sérstaklega Lövgren." Hann hefur þó ekki áhyggjur af því að ummæli sem þessi stígi honum til höfuðs. „Nei, alls ekki. Þetta mun frekar hjálpa mér. Ég er með gott fólk í kringum mig sem heldur mér á jörðinni. Ég hef sjálfur ágætt hugarfar og ég mun frekar nota þetta til að hvetja mig áfram. Þetta verður örugglega til þess að ég mæti oftar í ræktina í sumar." Bæði Ahlm og Lövgren bentu þó á að mikil vinna væri fram undan hjá Aroni ef hann á að standa undir þessum væntingum. „Ég er vanur því að leggja mikið á mig. Ég hef lagt hart að mér síðustu 2-3 ár enda er ég ekki í Kiel að ástæðulausu. Ég tel að það þurfi meira en bara hæfileika til að ná langt. Það þarf rétt hugarfar, góðar aðstæður og góða aðstoð annarra. Ég tel mig hafa þetta allt - ég er með frábæran þjálfara, í frábæru umhverfi hjá besta liði í Evrópu og mjög gott fólk sem hjálpar mér mikið bæði innan vallar sem utan. Ég hef allt til alls til að ná sem lengst og það er klárlega stefnan," segir Aron.Alfreð er ekki pabbi minn Hinn Íslendingurinn í Kiel er þjálfarinn Alfreð Gíslason. Hann hafði veg og vanda af því að fá Aron til félagsins og henda honum strax út í djúpu laugina. „Hann lítur á mig eins og hvern annan leikmann," segir Aron spurður um samband þeirra. „En jú, auðvitað hefur það sitt að segja að við erum báðir Íslendingar. Bæði hann og Kara Guðrún, eiginkona hans, hafa hjálpað mér mikið utan vallar enda tekur það tíma að kynnast nýrri menningu og tungumáli. En á æfingum kemur hann eins fram við mig og alla aðra leikmenn. Hann er ekki pabbi minn," segir hann og hlær. Alfreð hefur náð ótrúlegum árangri með Kiel. Fyrir tímabilið fóru sterkir leikmenn á borð við Nikola Karabatic frá félaginu og margir lykilmenn áttu við meiðsli að stríða í vetur. En þrátt fyrir breytingarnar er Kiel á góðri leið með að verja Þýskalandsmeistaratitilinn og hefur nú þegar bætt Evrópumeistaratitlinum í safnið.Sýndum að Kiel er ennþá Kiel „Eins og Alfreð sagði við okkur í vikunni þá hefði enginn spáð þessu fyrir mánuði. Í febrúar töpuðum við stórt fyrir Gummersbach í bikarnum og stuttu síðar fyrir Barcelona í Meistaradeildinni. Við vorum þar að auki skrefinu á eftir Hamburg í deildinni," segir Aron. „Menn héldu að það væri eitthvað að klikka hjá Kiel eftir að hafa unnið titilinn fimm ár í röð. En okkur tókst að afsanna allt þetta og sýna umfram allt að Kiel er enn þá Kiel." Kiel endurheimti toppsæti þýsku úrvalsdeildarinnar fyrir tveimur vikum þegar liðið vann tveggja marka sigur á Hamburg í uppgjöri toppliðanna. Það var mikill persónulegur sigur fyrir Alfreð. „Það var gríðarlega sætur sigur og ekki minni en sigurinn í Meistaradeildinni. Það hefur verið aðalatriðið fyrir félagið að vinna þýsku deildina og nánast litið á það sem bónus að vinna Meistaradeildina þótt það sé sterkasta deild heims. En að vinna tvöfalt er lyginni líkast," segir Aron. Kiel getur náð þeim áfanga með því að vinna Grosswallstadt á útivelli í lokaumferð þýsku úrvalsdeildarinnar í dag.Jicha og Karabatic bestir Tékkinn Filip Jicha hefur farið á kostum með Kiel í vetur og hann var valinn leikmaður ársins á dögunum. Spurður hvort Jicha sé sá besti í heimi segir Aron að svarið sé einfalt. „Já. Hann og [Nikola] Karabatic eru bestir í heiminum og með nokkra yfirburði yfir aðra að ég tel. Jicha hefur verið ótrúlegur allt tímabilið og ég þekki hvernig það er að spila gegn Karabatic þegar hann sýnir allar sínar bestu hliðar," segir Aron. Eftir leikinn í dag er Aron kominn í sumarfrí - í það minnsta hjá Kiel. Við taka verkefni hjá íslenska landsliðinu sem mætir Dönum hér heima og Brasilíu ytra á næstu vikum. „Ég þarf svo að vera mættur aftur hingað 11. júlí og fæ því svo sem ekki langt frí. En ég stefni á að eyða því á Íslandi þar sem ég fæ vonandi að sleikja sólina og vera með fjölskyldu og vinum." Fyrr en varir verða átök nýs tímabils hafin og segir Aron að þrátt fyrir árangur tímabilsins sem senn er að ljúka eigi hann ýmislegt eftir. „Það er allavega bikarinn eftir hér í Þýskalandi og svo að vinna eitthvað með landsliðinu. Eigum við ekki að segja að það verði komið hjá mér fyrir þrítugt. Þá get ég farið að hugsa um að hætta og kannski samið við lið í Dúbaí," segir hann og hlær.
Íslenski handboltinn Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn „Við höfum ekki þekkst lengi en það gengur vel“ Sport Ancelotti gæti gefið leikmönnum sínum frí á miðju tímabili Fótbolti Þrír leikmenn Marseille með vafasama fortíð Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira