Cesc Fabregas verður ekki með á móti Porto

Cesc Fabregas, fyrirliði Arsenal, verður fjarri góðu gamni á móti Porto í seinni leik liðanna í sextán liða úrslitum Meistaradeildarinnar.

Fabregas tognaði aftan í læri í leiknum á móti Burnley á laugardaginn og í dag varð það endanlega ljóst að Arsenal þarf að vinna upp 1-2 tap án fyrirliðans. Fabregas gat ekki æft í dag og er úr leik á morgun.

„Við getum ekki einu sinni tekið áhættuna með hann. Hann verður ekki með," sagði Arsene Wenger, stjóri Arsenal.