Samfylkingin í Grindavík hefur tekið afstöðu gagnvart fyrningarleið 19. maí 2010 21:39 Hið nýja stjórnmálaafl í Grindavík, G-listinn, sendi í dag frá sér fréttatilkynningu þar sem að þeir undra sig á afstöðuleysi annarra flokka í bænum gagnvart fyrningarleiðinni svonefndu. Þessi tilkynning þeirra er að mörgu leyti góð og gild en er engu að síður það fyrsta sem kemur frá þeim herbúðum um þetta stóra hagsmunamál okkar Grindvíkinga. Kannski að þeir hafi kveikt á perunni varðandi þessi mál eftir mjög upplýsandi fundi með útgerðarmönnum á undanförnum dögum. Við Samfylkingarfólk í Grindavík höfum aldrei farið leynt með það að við höfnum þessari leið og teljum hana algert feigðarflan. Við sem erum í fararbroddi fyrir framboðslistann í komandi sveitarstjórnarkosingum höfum hafnað henni bæði í ræðu og í riti. Við teljum að með henni sé vegið mjög alvarlega að þeim góðu fyrirtækjum sem hér eru rekin og hafa haldið uppi atvinnustiginu áratugum saman. Þann 6. maí á síðasta ári komu útgerðarmenn í Grindavík til fundar við bæjaryfirvöld og lýstu yfir þungum áhyggjum af fiskveiðistefnu stjórnvalda vegna fyrningarleiðar. Bæjarstjórn mætti öll á fund bæjarráðs og þakkaði útgerðarmönnum fyrir mjög upplýsandi umræður um málefnið. Á þessum fundi var eftirfarandi ályktun bókuð og samþykkt af öllum bæjarstjórnarmönnum: ,,Bæjaryfirvöld í Grindavík eru sammála um að fyrningarleiðin sé ekki ásættanleg fyrir byggðina og hafna því harðlega að hún verði farin núna. Bæjarbúar í Grindavík hafa alltaf verið sammála um að sjávarútvegur sé lífæðin og grundvallaratvinnugrein byggðarinnar. Grindvíkingar hafa oftar en einu sinni verið settir í óvissu vegna umræðu innan stjórnmálaflokka um breytingar á fiskveiðistjórnunarkerfinu. Mikilvægt er að skapa ró um sjávarútveg og fiskvinnslu þannig að horfa megi til lengri tíma. Í Grindavík hafa menn lagt sig alla fram um að skapa atvinnu og halda fyrirtækjum gangandi. Það á að vera keppikefli allra að byggja áfram á grunnstoðum sjávarútvegsins. Fiskveiðar og vinnsla hafa verið okkar haldreipi í gegnum tíðina, eins og hefur sýnt sig best í verstu kreppu sem riðið hefur yfir þjóðina. Þess vegna ber að halda kvóta í heimabyggð og sækja fram á við, hvað sem á dynur. Sterk fyrirtæki í Grindavík gagnast öðrum sveitarfélögum, eins og hefur sýnt sig. Atvinnulífið í Grindavík er með því besta sem gerist á landinu í dag. Bæjaryfirvöld standa umfram allt vörð um hagsmuni bæjarbúa og vara við því að hrykkt verði í þeim styrkum stoðum atvinnulífsins sem sjávarútvegurinn er." Í okkar huga er þessi ályktun góð og gild og ekkert hefur breyst sem hefur fengið okkur til að skipta um skoðun hvað þetta mikla hagsmunamál okkar Grindvíkinga varðar nema síður sé. Við viljum einnig benda á þá staðreynd að Grindavíkurbær eitt bæjarfélaga á Íslandi hefur markað sér auðlindastefnu og það er eitthvað sem allir sem ætla að koma að stjórnun bæjarins í framtíðinni ættu að kynna sér. Auðlindastefnan er mjög mikilvægur áfangi sem við Grindvíkingar höfum náð. Stefnan felur í sér að við nýtum á skynsamlegan og ábyrgan hátt auðlindirnar í víðasta skilningi þess orðs í umhverfi Grindavíkur. Stöðugt þarf að leggja mat á það hvernig við nýtum þær með sem mestum ávinningi fyrir okkur jafnt sem komandi kynslóðir. Ríkisstjórn Íslands og landsmenn skilja vonandi að þrátt fyrir einhverja óánægju með kvótakerfið þá er alls ekki rétti tíminn að hrófla við þessu kerfi sem útgerðin hefur aðlagað sig að síðustu ár. Hjarta sjávarútvegsins slær ört í Grindavík, við samþykkjum ekki að skorið verði á slagæð þessara atvinnugreinar. Fyrirtæki eins og Einhamar, Gjögur, Stakkavík, Vísir og Þorbjörn, Þróttur og mörg smærri fyrirtæki í Grindavík eru gríðarlega vel rekin. Fyrirtæki sem Grindvíkingar eru stoltir af. Innan þessara fyrirtækja eru einstaklingar með víðtæka sérfræðiþekkingu og margra áratuga reynslu sem spannar allt atvinnusvið útvegsins frá veiðafæragerð, veiðum og vinnslu að markaðsmálum. Íslendingar verða átta sig á að um er að ræða undirstöðu atvinnugrein landsins sem við eigum svo mikið undir. Við hljótum að geta náð sátt um fiskveiðistjórnina á heildstæðan og skynsamlegan hátt þegar það þjónar hagsmunum samfélagsins best. Lifið heil frambjóðendur Samfylkingarinnar í Grindavík. Viltu birta grein á Vísi? Sendu okkur póst. Senda grein Skoðanir Skoðun Tengdar fréttir G-listinn gegn fyrningarleiðinni Listi Grindvíkinga leggst alfarið gegn fyrningarleið í sjávarútvegi í núverandi mynd sem ríkisstjórnin leggur til að farin verði í haust samkvæmt tilkynningu frá listanum. 19. maí 2010 17:20 Mest lesið Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun Villtur lax eða villt græðgi – sveitin í skotlínu Jóhann Helgi Stefánsson Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun Hanna Katrín og Co, koma til bjargar Björn Ólafsson Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir Skoðun Bókin er minn óvinur, en mig langar samt í verknám! Davíð Bergmann Skoðun Hvað er að frétta af humrinum? Jónas Páll Jónasson Skoðun Ilmurinn af jarðolíu er svo lokkandi Sævar Helgi Lárusson Skoðun Sigrar og raunir íslenska hestsins Elín Íris Fanndal Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun Skoðun Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar Skoðun Bókin er minn óvinur, en mig langar samt í verknám! Davíð Bergmann skrifar Skoðun Ilmurinn af jarðolíu er svo lokkandi Sævar Helgi Lárusson skrifar Skoðun Hvað er að frétta af humrinum? Jónas Páll Jónasson skrifar Skoðun Þeir greiða sem njóta, eða hvað? Jóhannes Þór Skúlason,Pálmi Viðar Snorrason skrifar Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar Skoðun Sigrar og raunir íslenska hestsins Elín Íris Fanndal skrifar Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar Skoðun Góðir grannar Landsvirkjunar og við hin Kjartan Ágústsson skrifar Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar Skoðun Mikilvægi orkuspáa Ingvar Júlíus Baldursson skrifar Skoðun Þegar innflutningurinn ræður ríkjum Anton Guðmundsson skrifar Skoðun Vladímír Pútín: Hvað er að marka hann? Steinar Björgvinsson skrifar Skoðun Örlög Úkraínu varða frið og öryggi á Íslandi Þorgerður Katrín Gunnarsdóttir skrifar Skoðun Vegamál á tímum skattahækkana og vantrausts Benedikt S. Benediktsson skrifar Skoðun Konur og menntun Sigríður Ingibjörg Ingadóttir,Steinunn Bragadóttir skrifar Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar Skoðun Hanna Katrín og Co, koma til bjargar Björn Ólafsson skrifar Skoðun Villtur lax eða villt græðgi – sveitin í skotlínu Jóhann Helgi Stefánsson skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Fyrst flúðu þau Reykjavíkurborg… Diljá Mist Einarsdóttir skrifar Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Sjá meira
Hið nýja stjórnmálaafl í Grindavík, G-listinn, sendi í dag frá sér fréttatilkynningu þar sem að þeir undra sig á afstöðuleysi annarra flokka í bænum gagnvart fyrningarleiðinni svonefndu. Þessi tilkynning þeirra er að mörgu leyti góð og gild en er engu að síður það fyrsta sem kemur frá þeim herbúðum um þetta stóra hagsmunamál okkar Grindvíkinga. Kannski að þeir hafi kveikt á perunni varðandi þessi mál eftir mjög upplýsandi fundi með útgerðarmönnum á undanförnum dögum. Við Samfylkingarfólk í Grindavík höfum aldrei farið leynt með það að við höfnum þessari leið og teljum hana algert feigðarflan. Við sem erum í fararbroddi fyrir framboðslistann í komandi sveitarstjórnarkosingum höfum hafnað henni bæði í ræðu og í riti. Við teljum að með henni sé vegið mjög alvarlega að þeim góðu fyrirtækjum sem hér eru rekin og hafa haldið uppi atvinnustiginu áratugum saman. Þann 6. maí á síðasta ári komu útgerðarmenn í Grindavík til fundar við bæjaryfirvöld og lýstu yfir þungum áhyggjum af fiskveiðistefnu stjórnvalda vegna fyrningarleiðar. Bæjarstjórn mætti öll á fund bæjarráðs og þakkaði útgerðarmönnum fyrir mjög upplýsandi umræður um málefnið. Á þessum fundi var eftirfarandi ályktun bókuð og samþykkt af öllum bæjarstjórnarmönnum: ,,Bæjaryfirvöld í Grindavík eru sammála um að fyrningarleiðin sé ekki ásættanleg fyrir byggðina og hafna því harðlega að hún verði farin núna. Bæjarbúar í Grindavík hafa alltaf verið sammála um að sjávarútvegur sé lífæðin og grundvallaratvinnugrein byggðarinnar. Grindvíkingar hafa oftar en einu sinni verið settir í óvissu vegna umræðu innan stjórnmálaflokka um breytingar á fiskveiðistjórnunarkerfinu. Mikilvægt er að skapa ró um sjávarútveg og fiskvinnslu þannig að horfa megi til lengri tíma. Í Grindavík hafa menn lagt sig alla fram um að skapa atvinnu og halda fyrirtækjum gangandi. Það á að vera keppikefli allra að byggja áfram á grunnstoðum sjávarútvegsins. Fiskveiðar og vinnsla hafa verið okkar haldreipi í gegnum tíðina, eins og hefur sýnt sig best í verstu kreppu sem riðið hefur yfir þjóðina. Þess vegna ber að halda kvóta í heimabyggð og sækja fram á við, hvað sem á dynur. Sterk fyrirtæki í Grindavík gagnast öðrum sveitarfélögum, eins og hefur sýnt sig. Atvinnulífið í Grindavík er með því besta sem gerist á landinu í dag. Bæjaryfirvöld standa umfram allt vörð um hagsmuni bæjarbúa og vara við því að hrykkt verði í þeim styrkum stoðum atvinnulífsins sem sjávarútvegurinn er." Í okkar huga er þessi ályktun góð og gild og ekkert hefur breyst sem hefur fengið okkur til að skipta um skoðun hvað þetta mikla hagsmunamál okkar Grindvíkinga varðar nema síður sé. Við viljum einnig benda á þá staðreynd að Grindavíkurbær eitt bæjarfélaga á Íslandi hefur markað sér auðlindastefnu og það er eitthvað sem allir sem ætla að koma að stjórnun bæjarins í framtíðinni ættu að kynna sér. Auðlindastefnan er mjög mikilvægur áfangi sem við Grindvíkingar höfum náð. Stefnan felur í sér að við nýtum á skynsamlegan og ábyrgan hátt auðlindirnar í víðasta skilningi þess orðs í umhverfi Grindavíkur. Stöðugt þarf að leggja mat á það hvernig við nýtum þær með sem mestum ávinningi fyrir okkur jafnt sem komandi kynslóðir. Ríkisstjórn Íslands og landsmenn skilja vonandi að þrátt fyrir einhverja óánægju með kvótakerfið þá er alls ekki rétti tíminn að hrófla við þessu kerfi sem útgerðin hefur aðlagað sig að síðustu ár. Hjarta sjávarútvegsins slær ört í Grindavík, við samþykkjum ekki að skorið verði á slagæð þessara atvinnugreinar. Fyrirtæki eins og Einhamar, Gjögur, Stakkavík, Vísir og Þorbjörn, Þróttur og mörg smærri fyrirtæki í Grindavík eru gríðarlega vel rekin. Fyrirtæki sem Grindvíkingar eru stoltir af. Innan þessara fyrirtækja eru einstaklingar með víðtæka sérfræðiþekkingu og margra áratuga reynslu sem spannar allt atvinnusvið útvegsins frá veiðafæragerð, veiðum og vinnslu að markaðsmálum. Íslendingar verða átta sig á að um er að ræða undirstöðu atvinnugrein landsins sem við eigum svo mikið undir. Við hljótum að geta náð sátt um fiskveiðistjórnina á heildstæðan og skynsamlegan hátt þegar það þjónar hagsmunum samfélagsins best. Lifið heil frambjóðendur Samfylkingarinnar í Grindavík.
G-listinn gegn fyrningarleiðinni Listi Grindvíkinga leggst alfarið gegn fyrningarleið í sjávarútvegi í núverandi mynd sem ríkisstjórnin leggur til að farin verði í haust samkvæmt tilkynningu frá listanum. 19. maí 2010 17:20
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun
Skoðun Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir skrifar
Skoðun Samskiptasáttmáli; skúffuskjal eða stórgott verkfæri Helena Katrín Hjaltadóttir,Íris Helga G. Baldursdóttir skrifar
Skoðun Reykjavíkurborg á flestar félagslegar íbúðir en Garðabær rekur lestina Heimir Már Pétursson skrifar
Skoðun Hittumst á rauðum sokkum 1. maí Finnbjörn A. Hermannsson,Kolbrún Halldórsdóttir,Magnús Þór Jónsson,Sonja Ýr Þorbergsdóttir skrifar
Skoðun Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris skrifar
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Hollar skólamáltíðir fyrir loftslagið og líðan barna Laufey Steingrímsdóttir,Anna Sigríður Ólafsdóttir Skoðun
Aðför ríkisstjórnar Kristrúnar Frostadóttur að flóttafólki Hópur stjórnarkvenna í Solaris Skoðun
Reykjavíkurborg á flestar félagslegar íbúðir en Garðabær rekur lestina Heimir Már Pétursson Skoðun