Metropolitan-óperan seldi 22,2 milljónir bíómiða 7. maí 2010 06:00 Tvær fyrstu óperurnar í Niflungahring Wagners verða á efnisskrá beinna útsendinga Metropolitan næsta vetur. Robert Lepage stýrir sviðsetningunum sem sækja myndefni sitt til Íslands. Mynd/AFP Um helgina var greint frá því að sýningar Metropolitan-óperunnar í kvikmyndahúsum um víða veröld hafa aldrei verið vinsælli en á þeirri leiktíð sem nú er lokið. Hér á landi hafa sýningarnar átt vaxandi vinsældum að fagna meðal óperuaðdáenda sem hafa sótt sýningarnar í Kringlubíói en þar er boðið upp á fullkomin gæði í beinni útsendingu frá óperunni í New York. Miðasala í ár taldi 22,2 milljónir miða og jókst aðsókn að sýningunum um 400 þúsund miða. Níu verkefni voru á útsendingarskránni og fóru til 44 landa og í yfir 1.000 sali. Síðasta útsendingin var 1. maí. Síðasta sýningin á laugardag var Armida eftir Rossini með stjörnunni Renee Fleming sópran og tenórnum Lawrence Brownlee. Hana sáu 105 þúsund í Norður-Ameríku og 84 þúsund í Evrópu og Suður-Ameríku. Með seinkuðum útsendingum í restinni af heiminum er áætlað að 250 þúsund áhorfendur hafi séð óperuna. Hágæða útsendingar Metropolitan hafa á fimm árum náð til 5 milljón gesta. Á komandi vetri verða ellefu sýningar í boði í beinum útsendingum og hafa aldrei verið fleiri: Hefst efnisskráin á Rínargulli Wagners í nýrri sviðsetningu Kvíbekk-búans Robert Lepage hinn 9. október en eins og greint var frá fyrir alllöngu í Fréttablaðinu er leikmyndin að miklu leyti byggð á íslensku myndefni. Þetta er fyrri sviðsetning Lepage á komandi vetri á Niflungahringnum en hann lýkur einnig efnisskránni: hinn 14. maí er bein útsending á Valkyrjunum. Það er meistarinn James Levine sem stjórnar þessum verkum á móti Lepage en meðal margra þekktra söngvara í meistaraverki Wagners er sá velski listamaður Bryn Terfel. Levine fagnar nú fertugasta starfsári sínu hjá Metropolitan. Hann stjórnar þessum Wagner-verkum en einnig Don Pasquale eftir Donizetti með Önnu Netrebko hinn 13. nóvember, og Il Trovatore eftir Verdi 30. apríl. Boris Godunov eftir Mussorgsky er á dagskrá 23. október og leikstýrir Peter Stein óperunni en Valery Gergiev stjórnar og Rússar í stærstu rullum: Ekaterina Semenchuk, Aleksandrs Antonenko, Oleg Balashov, Evgeny Nikitin, René Pape, Mikhail Petrenko og Vladimir Ognovenko. Annað stórstirni úr leikstjórastétt, Nick Hytner, leikhússtjóri National í London kemur og stýrir Don Carlo sem skartar Roberto Alagnia. Annar frægur tenór kemur fram í Ifigeníu í Taris eftir Cluck í febrúar, Placido Domingo. Önnur verk í útsendingarplani Met fyrir komandi vetur eru Stúlkan að vestan eftir Pucchini, Lucia di Lammermoor eftir Donizetti, Le Comte Ory eftir Rossini, Capriccio eftir Strauss og er þá allt nefnt, en þeir sem vilja sjá hvaða söngvarar verða að syngja beint í Kringlubíói á komandi vetri gera best með að vippa sér á metoperafamily.org og leita uppi dagskrána. Þar má líka kaupa aðgang að óperum í netheimum og lesa sér til um hvað verður á sviðinu vestanhafs - og að hluta til hér heima komandi vetur. Miðasala fyrir komandi vetur er á vef Sambíóanna en á vef þeirra er hún sögð hefjast þessa dagana vilji menn kaupa sér áskrift og tryggja sér númeruð sæti. pbb@frettabladid.is Mest lesið Maggie Smith er látin Lífið Ætlar í blómabað á Balí með manninum sínum Lífið Eva flutt inn í verðlaunahús Kára Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið Í hnapphelduna með krókódílamanninum Lífið Kallaður hinn íslenski Forrest Gump af stóra bróður Lífið Gaf eiginmanninum nektarmynd á stórafmælinu Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Um helgina var greint frá því að sýningar Metropolitan-óperunnar í kvikmyndahúsum um víða veröld hafa aldrei verið vinsælli en á þeirri leiktíð sem nú er lokið. Hér á landi hafa sýningarnar átt vaxandi vinsældum að fagna meðal óperuaðdáenda sem hafa sótt sýningarnar í Kringlubíói en þar er boðið upp á fullkomin gæði í beinni útsendingu frá óperunni í New York. Miðasala í ár taldi 22,2 milljónir miða og jókst aðsókn að sýningunum um 400 þúsund miða. Níu verkefni voru á útsendingarskránni og fóru til 44 landa og í yfir 1.000 sali. Síðasta útsendingin var 1. maí. Síðasta sýningin á laugardag var Armida eftir Rossini með stjörnunni Renee Fleming sópran og tenórnum Lawrence Brownlee. Hana sáu 105 þúsund í Norður-Ameríku og 84 þúsund í Evrópu og Suður-Ameríku. Með seinkuðum útsendingum í restinni af heiminum er áætlað að 250 þúsund áhorfendur hafi séð óperuna. Hágæða útsendingar Metropolitan hafa á fimm árum náð til 5 milljón gesta. Á komandi vetri verða ellefu sýningar í boði í beinum útsendingum og hafa aldrei verið fleiri: Hefst efnisskráin á Rínargulli Wagners í nýrri sviðsetningu Kvíbekk-búans Robert Lepage hinn 9. október en eins og greint var frá fyrir alllöngu í Fréttablaðinu er leikmyndin að miklu leyti byggð á íslensku myndefni. Þetta er fyrri sviðsetning Lepage á komandi vetri á Niflungahringnum en hann lýkur einnig efnisskránni: hinn 14. maí er bein útsending á Valkyrjunum. Það er meistarinn James Levine sem stjórnar þessum verkum á móti Lepage en meðal margra þekktra söngvara í meistaraverki Wagners er sá velski listamaður Bryn Terfel. Levine fagnar nú fertugasta starfsári sínu hjá Metropolitan. Hann stjórnar þessum Wagner-verkum en einnig Don Pasquale eftir Donizetti með Önnu Netrebko hinn 13. nóvember, og Il Trovatore eftir Verdi 30. apríl. Boris Godunov eftir Mussorgsky er á dagskrá 23. október og leikstýrir Peter Stein óperunni en Valery Gergiev stjórnar og Rússar í stærstu rullum: Ekaterina Semenchuk, Aleksandrs Antonenko, Oleg Balashov, Evgeny Nikitin, René Pape, Mikhail Petrenko og Vladimir Ognovenko. Annað stórstirni úr leikstjórastétt, Nick Hytner, leikhússtjóri National í London kemur og stýrir Don Carlo sem skartar Roberto Alagnia. Annar frægur tenór kemur fram í Ifigeníu í Taris eftir Cluck í febrúar, Placido Domingo. Önnur verk í útsendingarplani Met fyrir komandi vetur eru Stúlkan að vestan eftir Pucchini, Lucia di Lammermoor eftir Donizetti, Le Comte Ory eftir Rossini, Capriccio eftir Strauss og er þá allt nefnt, en þeir sem vilja sjá hvaða söngvarar verða að syngja beint í Kringlubíói á komandi vetri gera best með að vippa sér á metoperafamily.org og leita uppi dagskrána. Þar má líka kaupa aðgang að óperum í netheimum og lesa sér til um hvað verður á sviðinu vestanhafs - og að hluta til hér heima komandi vetur. Miðasala fyrir komandi vetur er á vef Sambíóanna en á vef þeirra er hún sögð hefjast þessa dagana vilji menn kaupa sér áskrift og tryggja sér númeruð sæti. pbb@frettabladid.is
Mest lesið Maggie Smith er látin Lífið Ætlar í blómabað á Balí með manninum sínum Lífið Eva flutt inn í verðlaunahús Kára Lífið Íslensk börn skorti meiri aga Lífið Kolbrún ber laxerolíu á andlitið Lífið Heldur ekki vatni yfir konunni sinni Lífið Í hnapphelduna með krókódílamanninum Lífið Kallaður hinn íslenski Forrest Gump af stóra bróður Lífið Gaf eiginmanninum nektarmynd á stórafmælinu Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira