Leikbann Ribery stendur

Það varð endanlega ljóst í dag að Franck Ribery spilar ekki úrslitaleikinn í Meistaradeildinni gegn Inter um næstu helgi. Íþróttadómstóll í Sviss tók málið fyrir í dag og hafnaði beiðni FC Bayern um að aflétta leikbanninu.

Ribery var sendur af velli í fyrri undanúrslitaleik Bayern og Lyon. Fyrir það fékk hann þriggja leikja bann sem stendur.

Aðrir leikmenn Bayern verða því að þjappa sér saman fyrir leikinn erfiða sem aldrei þessu vant fer fram á laugardegi.