Össur: Sigurjón er „hvapholda í andliti“ Þorbjörn Þórðarson skrifar 14. apríl 2010 20:04 Konráð Jónsson, lögfræðingur, framkvæmdi tilraun til að staðreyna hvort hægt væri að gleypa hálfan snúð í einum bita eins og Sigurjón Þ. Árnason á að hafa gert samkvæmt vitnisburði Össurar Skarphéðinssonar. Konráð komst að því að þetta væri ómögulegt og ritaði Össuri bréf í kjölfarið. Össur svaraði Konráð, gerir athugasemdir við aðferðafræði hans og segist standa við orð sín sem vitnað er til í skýrslunni. Í vitnisburðum manna fyrir rannsóknarnefnd Alþingis eru margar skrautlegar lýsingar og óhætt að skýrslan hafi farið fram úr björtustu vonum margra í þeim efnum. Í vitnisburði Össurar Skarphéðinssonar utanríkisráðherra fyrir nefndinni þar sem hann lýsir atburðarrásinni í ráðherrabústaðnum helgina örlagaríku fyrir setningu neyðarlaganna í október 2008, þegar forsvarsmenn Landsbankans reyndu að sannfæra stjórnvöld um að enn væri hægt væri að bjarga íslenska bankakerfinu með því að sameina Landsbankann og Glitni, segir Össur: „Svo var þessi fundur búinn, Sigurjón var þarna, það voru snúðar á borðunum, skornir í tvennt, stórir snúðar. Sigurjón er nú munnstór maður og mikill og þegar þeir voru farnir út og hann var einn eftir þá tók hann svona hálfan snúð, tróð honum upp í andlitið á sér og skaut undan snúðnum þessari setningu: Ég hef ekki trú á þessu, ég hef ekki trú á þessu. Þá kom svona hönd með gullúri og kippti honum út." Konráð Jónssyni, lögfræðingi, fannst þetta ótrúleg lýsing og framkvæmdi tilraun þar sem hann kannaði hvort þetta væri yfirleitt hægt. Niðurstaða Konráðs var að þetta væri ómögulegt, en hann tók tilraunina upp á myndband sem sést að hluta í myndskeiði með fréttinni. Konráð sendi Össuri Skarphéðinssyni bréf í kjölfarið með tengli á myndbandið með tilrauninni. Í bréfi sínu spyr Konráð hvort Össur standi við orð sín í ljósi niðurstöðunnar. Össur, sem er með doktorspróf í líffræði, svaraði Konráð. Hann gerði athugasemdir við aðferðafræði Konráðs og vitnaði til bókarinnar „Vísindi byggð á tilraunum" sem lengi hafi verið kennd við íslenskar menntastofnanir. Því næst rekur Össur í bréfi sínu að Sigurjón sé höfuðstærri, hlutfallslega miklu munnstærri en Konráð og auk þess hvapholda í andliti, sem geri andlit Sigurjóns teygjanlegra. Síðan segir Össur í bréfinu til Konráðs: „Svo sé ég ekki betur en þú sért rauðbirkinn og áralangar rannsóknir austan og vestan hafs hafa leitt óyggjandi í ljós að slíður vöðvafruma í munnvikjum rauðbirkinna eru miklu þykkari en á svarthöfðum og því óþjálli til teyginga," segir Össur sem kveður síðan Konráð með þessum orðum: „Ég er um það bil viss um að ég hafi aldrei sagt að hann hafi sporðrennt hálfum snúð í í einum munnbita. Hins vegar tróð hann hálfum snúðnum upp í túlann í einu. Því gleymir enginn sem séð hefur." Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Salzburg úr sögunni hjá Play Viðskipti innlent Samherji hvetur Odd Eystein til frekari verka Viðskipti innlent Frá RÚV til Coca-Cola Viðskipti innlent Fríar skólamáltíðir séu skammgóður vermir Viðskipti innlent Að hætta að vera vandræðaleg í nýrri vinnu Atvinnulíf „Myndi alveg segja að hjartað í mér hafi verið í buxunum“ Atvinnulíf Spá sömuleiðis óbreyttum stýrivöxtum Viðskipti innlent Enginn þarf að vera giftur lánunum sínum út lánstímann Samstarf Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Konráð Jónsson, lögfræðingur, framkvæmdi tilraun til að staðreyna hvort hægt væri að gleypa hálfan snúð í einum bita eins og Sigurjón Þ. Árnason á að hafa gert samkvæmt vitnisburði Össurar Skarphéðinssonar. Konráð komst að því að þetta væri ómögulegt og ritaði Össuri bréf í kjölfarið. Össur svaraði Konráð, gerir athugasemdir við aðferðafræði hans og segist standa við orð sín sem vitnað er til í skýrslunni. Í vitnisburðum manna fyrir rannsóknarnefnd Alþingis eru margar skrautlegar lýsingar og óhætt að skýrslan hafi farið fram úr björtustu vonum margra í þeim efnum. Í vitnisburði Össurar Skarphéðinssonar utanríkisráðherra fyrir nefndinni þar sem hann lýsir atburðarrásinni í ráðherrabústaðnum helgina örlagaríku fyrir setningu neyðarlaganna í október 2008, þegar forsvarsmenn Landsbankans reyndu að sannfæra stjórnvöld um að enn væri hægt væri að bjarga íslenska bankakerfinu með því að sameina Landsbankann og Glitni, segir Össur: „Svo var þessi fundur búinn, Sigurjón var þarna, það voru snúðar á borðunum, skornir í tvennt, stórir snúðar. Sigurjón er nú munnstór maður og mikill og þegar þeir voru farnir út og hann var einn eftir þá tók hann svona hálfan snúð, tróð honum upp í andlitið á sér og skaut undan snúðnum þessari setningu: Ég hef ekki trú á þessu, ég hef ekki trú á þessu. Þá kom svona hönd með gullúri og kippti honum út." Konráð Jónssyni, lögfræðingi, fannst þetta ótrúleg lýsing og framkvæmdi tilraun þar sem hann kannaði hvort þetta væri yfirleitt hægt. Niðurstaða Konráðs var að þetta væri ómögulegt, en hann tók tilraunina upp á myndband sem sést að hluta í myndskeiði með fréttinni. Konráð sendi Össuri Skarphéðinssyni bréf í kjölfarið með tengli á myndbandið með tilrauninni. Í bréfi sínu spyr Konráð hvort Össur standi við orð sín í ljósi niðurstöðunnar. Össur, sem er með doktorspróf í líffræði, svaraði Konráð. Hann gerði athugasemdir við aðferðafræði Konráðs og vitnaði til bókarinnar „Vísindi byggð á tilraunum" sem lengi hafi verið kennd við íslenskar menntastofnanir. Því næst rekur Össur í bréfi sínu að Sigurjón sé höfuðstærri, hlutfallslega miklu munnstærri en Konráð og auk þess hvapholda í andliti, sem geri andlit Sigurjóns teygjanlegra. Síðan segir Össur í bréfinu til Konráðs: „Svo sé ég ekki betur en þú sért rauðbirkinn og áralangar rannsóknir austan og vestan hafs hafa leitt óyggjandi í ljós að slíður vöðvafruma í munnvikjum rauðbirkinna eru miklu þykkari en á svarthöfðum og því óþjálli til teyginga," segir Össur sem kveður síðan Konráð með þessum orðum: „Ég er um það bil viss um að ég hafi aldrei sagt að hann hafi sporðrennt hálfum snúð í í einum munnbita. Hins vegar tróð hann hálfum snúðnum upp í túlann í einu. Því gleymir enginn sem séð hefur."
Mest lesið Þrotabú Wok on vill tugmilljóna endurgreiðslu frá Kristjáni Viðskipti innlent Ellefu milljarða lán til að byggja upp veitukerfi og verjast loftslagsvá Viðskipti innlent Salzburg úr sögunni hjá Play Viðskipti innlent Samherji hvetur Odd Eystein til frekari verka Viðskipti innlent Frá RÚV til Coca-Cola Viðskipti innlent Fríar skólamáltíðir séu skammgóður vermir Viðskipti innlent Að hætta að vera vandræðaleg í nýrri vinnu Atvinnulíf „Myndi alveg segja að hjartað í mér hafi verið í buxunum“ Atvinnulíf Spá sömuleiðis óbreyttum stýrivöxtum Viðskipti innlent Enginn þarf að vera giftur lánunum sínum út lánstímann Samstarf Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira