Rannsaka umfangsmestu fjársvik í sögu Danmerkur 15. apríl 2011 13:40 Danskur sérfræðingur í fjársvikamálum segist aldrei séð annað eins. Málið snýst um 24 ákærða einstaklinga, milljóna fjársvik hjá mörgum af stærstu fyrirtækjum Danmerkur og eignaupptöku á þyrlu, vopnum og dýrum bílum. Þetta er upphaf fréttar í Jyllands Posten undir fyrirsögninni: Fjársvik af áður óþekktu umfangi. Fyrrgreind upptalning nær aðeins yfir hluta af því sem gekk á þegar klíka 24 einstaklinga skipulagði og framkvæmdi fjársvik sem stóðu yfir árum saman í Danmörku. Kim K. Jeppesen lektor við Viðskipaháskóla Kaupmannahafnar og sérfræðingur í fjársvikum segir að hann hafi aldrei séð mál af þessari stærðargráðu áður. Kerfið sem klíkan notaði við fjársvikin hafi einnig verið mjög óvenjulegt. Klíkan hafi byrjað smátt en síðan hafi svikin hlaðist upp eftir því sem þau stóðu lengur. Meðal þeirra fyrirtækja sem urðu fyrir barðinu á klíkunni má nefna Topdanmark, Novo Nordisk og Lundbeck. Samkvæmt upplýsingum frá lögreglunni snérust fjársvikin m.a. um að reikningar voru sendir inn til átta stórfyrirtækja fyrir vörum sem ekki voru til. Þessir reikningar voru svo samþykktir af lykilpersónum í viðkomandi fyrirtækjum, persónum sem tilheyrðu klíkunni. Jeppesen segir að þessi svik hafi getað staðið árum saman vegna samvinnu birgja sem seldu „vörurnar“ og þeirra sem tóku á móti reikningunum fyrir þær. Erfitt geti verið fyrir endurskoðendur að komast til botns í málum sem þessum þegar slík samvinna er til staðar. Lögreglan vill ekki gefa upp hverjir einstaklingarnir 24 eru en stór hluti þeirra á sér sameiginlega fortíð sem fyrrum starfsmenn gjaldþrota fyrirtækis . Þar að auki er stór hluti hópsins með sömu menntun frá sama skóla. Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Ritúalið verður að Skjóli Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Danskur sérfræðingur í fjársvikamálum segist aldrei séð annað eins. Málið snýst um 24 ákærða einstaklinga, milljóna fjársvik hjá mörgum af stærstu fyrirtækjum Danmerkur og eignaupptöku á þyrlu, vopnum og dýrum bílum. Þetta er upphaf fréttar í Jyllands Posten undir fyrirsögninni: Fjársvik af áður óþekktu umfangi. Fyrrgreind upptalning nær aðeins yfir hluta af því sem gekk á þegar klíka 24 einstaklinga skipulagði og framkvæmdi fjársvik sem stóðu yfir árum saman í Danmörku. Kim K. Jeppesen lektor við Viðskipaháskóla Kaupmannahafnar og sérfræðingur í fjársvikum segir að hann hafi aldrei séð mál af þessari stærðargráðu áður. Kerfið sem klíkan notaði við fjársvikin hafi einnig verið mjög óvenjulegt. Klíkan hafi byrjað smátt en síðan hafi svikin hlaðist upp eftir því sem þau stóðu lengur. Meðal þeirra fyrirtækja sem urðu fyrir barðinu á klíkunni má nefna Topdanmark, Novo Nordisk og Lundbeck. Samkvæmt upplýsingum frá lögreglunni snérust fjársvikin m.a. um að reikningar voru sendir inn til átta stórfyrirtækja fyrir vörum sem ekki voru til. Þessir reikningar voru svo samþykktir af lykilpersónum í viðkomandi fyrirtækjum, persónum sem tilheyrðu klíkunni. Jeppesen segir að þessi svik hafi getað staðið árum saman vegna samvinnu birgja sem seldu „vörurnar“ og þeirra sem tóku á móti reikningunum fyrir þær. Erfitt geti verið fyrir endurskoðendur að komast til botns í málum sem þessum þegar slík samvinna er til staðar. Lögreglan vill ekki gefa upp hverjir einstaklingarnir 24 eru en stór hluti þeirra á sér sameiginlega fortíð sem fyrrum starfsmenn gjaldþrota fyrirtækis . Þar að auki er stór hluti hópsins með sömu menntun frá sama skóla.
Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Ritúalið verður að Skjóli Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira