Innlent

Þjóðvegurinn lokaður milli Stóru Tjarna og Kross

Jón Hákon Halldórsson skrifar
Björgunarsveitamenn.
Björgunarsveitamenn.
Vegna ófærðar, óveðurs og umferðaróhappa er þjóðvegur 1 við Ljósavatn, milli Stóru Tjarna og Kross, lokaður og verður það líklega allt til hálf átta. Þarna hafa orðið í það minnsta þrjú umferðaróhöpp. Samkvæmt upplýsingum frá lögreglunni urðu slys á fólki en ekki er vitað hve alvarleg.

Björgunarsveitin Þingey hefur verið kölluð út til aðstoðar, lögregla á Húsavík er á vettvangi og sjúkrabíll frá Húsavík er á leið á vettvang. Þá er björgunarsveitarmaður frá Súlum á Akureyri á vettvangi.




Fleiri fréttir

Sjá meira


×