DV ætlar ekki að skila trúnaðarupplýsingum til sýslumanns Boði Logason skrifar 22. mars 2011 18:37 Frá skrifstofu DV. DV mun ekki skila trúnaðarupplýsingum um fjárfestingafélagið Horn til sýslumannsins í Reykjavík fyrir klukkan tólf á morgun, segir í yfirlýsingu frá ritstjórum DV. Sýslumaðurinn í Reykjavík úrskurðaði í dag að blaðinu sé óheimilt að fjalla frekar um félagið en blaðið hefur trúnaðargögn um félagið undir höndum. Jafnframt var blaðinu gert að skila inn trúnaðarupplýsingum inn til sýslumannsins yfir klukkan tólf á morgun. „Almenningur á fullan rétt á upplýsingum um svo mikilvæg mál sem framferði bankanna í viðskiptum með stærstu fyrirtæki landsins eru. Bankar munu kannski seint læra af hruninu, en það hyggjast fjölmiðlar og almenningur svo sannarlega gera. Ritstjórn DV mun berjast gegn því ranglæti sem við blasir," segir í yfirlýsingunni. Fjárfestingafélagið Horn, er dótturfélag Landsbankans og er Steinþór Pálsson, bankastjóri Landsbankans, stjórnarformaður félagsins.Yfirlýsing DV í heild sinni: „Ritstjórar DV fordæma þann úrskurð sýslumannsins í Reykjavík að fjölmiðli sé gert að skila inn gögnum sem liggja til grundvallar fréttum af Horni, dótturfélagi Landsbankans. Sá úrskurður er fráleitur í ljósi þess að hugsanleg gögn gætu vísað á heimildarmenn DV. Umræddum gögnum verður því ekki skilað. Í heild sinni er úrskurðurinn hneyksli. Kröfur um lögbann á umfjöllun fjölmiðla sem fjalla um vinnubrögð bankanna í meðferð yfirtekinna fyrirtækja eru forskastanlegar. Annaðhvort hafa forsvarsmenn Landsbankans ekki heyrt kröfur bæði alþingismanna og almennings um gegnsærri vinnubrögð í bankakerfinu eða þeir kjósa að hundsa þær. Varla voru þetta skilaboðin sem stjórnendur Landsbankans fengu frá almenningi í nýlegri fundaherferð sinni um landið. Að það þurfi minni upplýsingagjöf um hvernig farið sé með fyrirtæki sem bankinn tekur yfir? Promens er fyrirtæki sem stofnað var á Dalvík. Þúsundir hluthafa töpuðu öllu sínu þegar móðurfélag þess varð gjaldþrota. Margir þeirra töldu að Landsbankinn hefði gengið of hart fram í kjölfar nauðasamninga. Þeir töldu að bankinn hefði tekið til sín verðmætar eignir á brunaútsölu og hygðist stórgræða á öllu saman. Það eru því ríkar ástæður til að fylgjast með því hvað verður um þessi fyrirtæki og hverjir eru fengnir til að stjórna þeim. Eðlilegt er að nú sé spurt hvort það sé ný stefna bankamanna að ögra þjóðinni. Fyrst hækkanir ofurlauna og nú þessi lögbannskrafa. Hér er gengið þvert gegn kröfum um innleiðingu nýrra siða í bankakerfinu. Lögbannskrafa Landsbankans varpar enn fremur ljósi á brýna þörf fyrir ákvæði um uppljóstraravernd (whistleblower-protection) í íslensk lög. Lög sem vernda þá sem leka trúnaðargögnum í fjölmiðla til að varpa ljósi á vafasama viðskiptahætti og ólöglega. Lengi hefur verið rætt um að setja slík lög hér á landi eins og tíðkast í flestum öðrum löndum. Ekki veitir af enda er leyndarhyggja landlægur fjandi og virðist viðskiptalífið gegnsýrt af henni. Hvaða gjörðir eru það sem ekki þola dagsljósið? Nýlegar uppljóstranir í samkeppnismálum sýna enn fremur að forystumönnum viðskiptalífsins er ekki treystandi til að segja satt, jafnvel þó að þeir séu spurðir í fjölmiðlum. Það verður að treysta á getu fjölmiðla til að afla upplýsinga eftir öðrum leiðum og fjölmiðlar sem eiga sífellt yfir sér ógn peningaaflanna og lögfræðinga þeirra geta ekki sinnt þessu hlutverki sínu. Ógnunum viðskiptalífsins í garð fjölmiðla verður að linna. Lögbannskrafa á lánabók Kaupþings fyrst og á fundargerðir Landsbankans nú sýna svo ekki verður um villst að bönkunum er ekki treystandi til að endurhæfa sjálfa sig - hvað sem öllum siðasáttmálum og ímyndarherferðum líður. Skora verður á Landsbankann að draga lögbannskröfu sína gegn DV til baka, ellegar er bankinn í raun að segja sig úr lögum við samfélagið sem hann segist vilja þjóna. DV mun hvergi hvika undan slíkum ógnunum. DV þjónar eingöngu lesendum sínum og áskrifendum. Almenningur á fullan rétt á upplýsingum um svo mikilvæg mál sem framferði bankanna í viðskiptum með stærstu fyrirtæki landsins eru. Bankar munu kannski seint læra af hruninu, en það hyggjast fjölmiðlar og almenningur svo sannarlega gera. Ritstjórn DV mun berjast gegn því ranglæti sem við blasir.“ Mest lesið Heimilið algjörlega í rúst þegar þau komu heim eftir Þjóðhátíð Innlent Rússar lýsa yfir neyðarástandi Erlent Myndi fara stystu leið upp í sveit Innlent Ekki góð forgangsröðun að verja fjármunum til efnameiri foreldra Innlent Á hækjum eftir tæklingu í brekkunni á Þjóðhátíð Innlent Sleginn í rot í hópslagsmálum í miðbænum Innlent Gerðu loftárás á skóla í nótt Erlent Flugvél með 62 innanborðs brotlenti í Brasilíu Erlent Aflýsir fundi eftir viðvörun um mögulegan ofurskjálfta Erlent Umdeilt kosningamyndband Höllu „bara í gríni gert“ Innlent Fleiri fréttir Sleginn í rot í hópslagsmálum í miðbænum Myndi fara stystu leið upp í sveit Heimilið algjörlega í rúst þegar þau komu heim eftir Þjóðhátíð Ekki góð forgangsröðun að verja fjármunum til efnameiri foreldra Á hækjum eftir tæklingu í brekkunni á Þjóðhátíð Rússar lýsa yfir neyðarástandi og nýtt rafskútufyrirtæki Brutu rúður í strætóskýlum í Mjódd Engin fíkniefni reyndust um borð í bátnum Einn slasaður eftir aftanákeyrslu í Mosfellsbæ Tveir yfirheyrðir og enn óvissa um refsiverða háttsemi Fær ekki hjólastólana sína vegna sumarleyfa Mikið álag sem bitnar mest á bráðamóttökunni Fjögur sóttu um embætti yfirdýralæknis Ný aðgerðaáætlun um sýklalyfjaónæmi staðfest Umferðartafir vegna áreksturs Sparkaði í meðvitundarlausan mann og skar annan í andlitið Titringurinn á Sundhnúksgígaröðinni heldur áfram að magnast Hraðskreiður skemmtibátur á sænskum fána tengist rannsókninni Patrik biðst afsökunar Lögregla heldur þétt að sér spilunum og Bolt mætir til leiks í Reykjavík Grunur um innflutning á fíkniefnum kviknaði við eftirlit Umfangsmiklar breytingar í menntakerfinu framundan Blöskrar græðgi á kostnað gæða Þakka skilningsríkum foreldrum og gætu leitað réttar síns Eðlilegt að setja hálfan milljarð í framkvæmdir í Grindavík Dæla vatni úr Bláa lóninu á margföldum krafti Ekki boðlegt að börn séu í „gettó-umhverfi“ Veislan tekin af dagskrá FM957 „Gettó“ í Ármúla og hryðjuverkaógnin í Vínarborg Setja 470 milljónir í viðgerð í Grindavík Sjá meira
DV mun ekki skila trúnaðarupplýsingum um fjárfestingafélagið Horn til sýslumannsins í Reykjavík fyrir klukkan tólf á morgun, segir í yfirlýsingu frá ritstjórum DV. Sýslumaðurinn í Reykjavík úrskurðaði í dag að blaðinu sé óheimilt að fjalla frekar um félagið en blaðið hefur trúnaðargögn um félagið undir höndum. Jafnframt var blaðinu gert að skila inn trúnaðarupplýsingum inn til sýslumannsins yfir klukkan tólf á morgun. „Almenningur á fullan rétt á upplýsingum um svo mikilvæg mál sem framferði bankanna í viðskiptum með stærstu fyrirtæki landsins eru. Bankar munu kannski seint læra af hruninu, en það hyggjast fjölmiðlar og almenningur svo sannarlega gera. Ritstjórn DV mun berjast gegn því ranglæti sem við blasir," segir í yfirlýsingunni. Fjárfestingafélagið Horn, er dótturfélag Landsbankans og er Steinþór Pálsson, bankastjóri Landsbankans, stjórnarformaður félagsins.Yfirlýsing DV í heild sinni: „Ritstjórar DV fordæma þann úrskurð sýslumannsins í Reykjavík að fjölmiðli sé gert að skila inn gögnum sem liggja til grundvallar fréttum af Horni, dótturfélagi Landsbankans. Sá úrskurður er fráleitur í ljósi þess að hugsanleg gögn gætu vísað á heimildarmenn DV. Umræddum gögnum verður því ekki skilað. Í heild sinni er úrskurðurinn hneyksli. Kröfur um lögbann á umfjöllun fjölmiðla sem fjalla um vinnubrögð bankanna í meðferð yfirtekinna fyrirtækja eru forskastanlegar. Annaðhvort hafa forsvarsmenn Landsbankans ekki heyrt kröfur bæði alþingismanna og almennings um gegnsærri vinnubrögð í bankakerfinu eða þeir kjósa að hundsa þær. Varla voru þetta skilaboðin sem stjórnendur Landsbankans fengu frá almenningi í nýlegri fundaherferð sinni um landið. Að það þurfi minni upplýsingagjöf um hvernig farið sé með fyrirtæki sem bankinn tekur yfir? Promens er fyrirtæki sem stofnað var á Dalvík. Þúsundir hluthafa töpuðu öllu sínu þegar móðurfélag þess varð gjaldþrota. Margir þeirra töldu að Landsbankinn hefði gengið of hart fram í kjölfar nauðasamninga. Þeir töldu að bankinn hefði tekið til sín verðmætar eignir á brunaútsölu og hygðist stórgræða á öllu saman. Það eru því ríkar ástæður til að fylgjast með því hvað verður um þessi fyrirtæki og hverjir eru fengnir til að stjórna þeim. Eðlilegt er að nú sé spurt hvort það sé ný stefna bankamanna að ögra þjóðinni. Fyrst hækkanir ofurlauna og nú þessi lögbannskrafa. Hér er gengið þvert gegn kröfum um innleiðingu nýrra siða í bankakerfinu. Lögbannskrafa Landsbankans varpar enn fremur ljósi á brýna þörf fyrir ákvæði um uppljóstraravernd (whistleblower-protection) í íslensk lög. Lög sem vernda þá sem leka trúnaðargögnum í fjölmiðla til að varpa ljósi á vafasama viðskiptahætti og ólöglega. Lengi hefur verið rætt um að setja slík lög hér á landi eins og tíðkast í flestum öðrum löndum. Ekki veitir af enda er leyndarhyggja landlægur fjandi og virðist viðskiptalífið gegnsýrt af henni. Hvaða gjörðir eru það sem ekki þola dagsljósið? Nýlegar uppljóstranir í samkeppnismálum sýna enn fremur að forystumönnum viðskiptalífsins er ekki treystandi til að segja satt, jafnvel þó að þeir séu spurðir í fjölmiðlum. Það verður að treysta á getu fjölmiðla til að afla upplýsinga eftir öðrum leiðum og fjölmiðlar sem eiga sífellt yfir sér ógn peningaaflanna og lögfræðinga þeirra geta ekki sinnt þessu hlutverki sínu. Ógnunum viðskiptalífsins í garð fjölmiðla verður að linna. Lögbannskrafa á lánabók Kaupþings fyrst og á fundargerðir Landsbankans nú sýna svo ekki verður um villst að bönkunum er ekki treystandi til að endurhæfa sjálfa sig - hvað sem öllum siðasáttmálum og ímyndarherferðum líður. Skora verður á Landsbankann að draga lögbannskröfu sína gegn DV til baka, ellegar er bankinn í raun að segja sig úr lögum við samfélagið sem hann segist vilja þjóna. DV mun hvergi hvika undan slíkum ógnunum. DV þjónar eingöngu lesendum sínum og áskrifendum. Almenningur á fullan rétt á upplýsingum um svo mikilvæg mál sem framferði bankanna í viðskiptum með stærstu fyrirtæki landsins eru. Bankar munu kannski seint læra af hruninu, en það hyggjast fjölmiðlar og almenningur svo sannarlega gera. Ritstjórn DV mun berjast gegn því ranglæti sem við blasir.“
Mest lesið Heimilið algjörlega í rúst þegar þau komu heim eftir Þjóðhátíð Innlent Rússar lýsa yfir neyðarástandi Erlent Myndi fara stystu leið upp í sveit Innlent Ekki góð forgangsröðun að verja fjármunum til efnameiri foreldra Innlent Á hækjum eftir tæklingu í brekkunni á Þjóðhátíð Innlent Sleginn í rot í hópslagsmálum í miðbænum Innlent Gerðu loftárás á skóla í nótt Erlent Flugvél með 62 innanborðs brotlenti í Brasilíu Erlent Aflýsir fundi eftir viðvörun um mögulegan ofurskjálfta Erlent Umdeilt kosningamyndband Höllu „bara í gríni gert“ Innlent Fleiri fréttir Sleginn í rot í hópslagsmálum í miðbænum Myndi fara stystu leið upp í sveit Heimilið algjörlega í rúst þegar þau komu heim eftir Þjóðhátíð Ekki góð forgangsröðun að verja fjármunum til efnameiri foreldra Á hækjum eftir tæklingu í brekkunni á Þjóðhátíð Rússar lýsa yfir neyðarástandi og nýtt rafskútufyrirtæki Brutu rúður í strætóskýlum í Mjódd Engin fíkniefni reyndust um borð í bátnum Einn slasaður eftir aftanákeyrslu í Mosfellsbæ Tveir yfirheyrðir og enn óvissa um refsiverða háttsemi Fær ekki hjólastólana sína vegna sumarleyfa Mikið álag sem bitnar mest á bráðamóttökunni Fjögur sóttu um embætti yfirdýralæknis Ný aðgerðaáætlun um sýklalyfjaónæmi staðfest Umferðartafir vegna áreksturs Sparkaði í meðvitundarlausan mann og skar annan í andlitið Titringurinn á Sundhnúksgígaröðinni heldur áfram að magnast Hraðskreiður skemmtibátur á sænskum fána tengist rannsókninni Patrik biðst afsökunar Lögregla heldur þétt að sér spilunum og Bolt mætir til leiks í Reykjavík Grunur um innflutning á fíkniefnum kviknaði við eftirlit Umfangsmiklar breytingar í menntakerfinu framundan Blöskrar græðgi á kostnað gæða Þakka skilningsríkum foreldrum og gætu leitað réttar síns Eðlilegt að setja hálfan milljarð í framkvæmdir í Grindavík Dæla vatni úr Bláa lóninu á margföldum krafti Ekki boðlegt að börn séu í „gettó-umhverfi“ Veislan tekin af dagskrá FM957 „Gettó“ í Ármúla og hryðjuverkaógnin í Vínarborg Setja 470 milljónir í viðgerð í Grindavík Sjá meira