Sex ára strákur skaut samnemendur sína

Sex ára strákur slasaði sjálfan sig og þrjú önnur börn þegar skot hljóp úr byssu sem hann var með í grunnskóla í Texas. Hann hafði tekið byssuna með sér í skólann en missti hana fyrir slysni úr vasa sínum. Við fallið hljóp skot úr byssunni með ofangreindum afleiðingum.

Börnin fengu skurði og sár á fótleggina. Ekkert þeirra er í lífshættu. Þegar þau voru borin út úr skólanum sátu þau upprétt á börunum og virtust vera að spjalla við heilbrigðisstarfsfólkið.