Vill að breskur konsúll kanni ástand Bradley Mannings

Móðir Bradley Mannings hefur beðið utanríkisráðherra Bretlands um að senda konsúl til sonar síns til þess að aðgæta sálrænt og líkamlegt ástand hans.

Bradley hefur verið sakaður um að leka gríðarlegu magni af trúnaðarupplýsingum bandaríska hersins til Wikileaks.

Uppljóstrun Wikileaks hefur komið illa við bandarísk yfirvöld sem hafa beitt ýmsum meðulum til þess að stöðva upplýsingaleka síðunnar, en án árangurs. Bradley sætir strangri öryggisgæslu á meðan hann bíður réttarhalda.