Tölvupóstar geta kostað helminginn af Facebook 13. apríl 2011 09:57 Mark Zuckerberg stofnandi Facebook gæti misst helminginn af vefsíðunni í hendur fjárfestisins Paul D. Ceglia. Fjárfestirinn hefur birt opinberlega tölvupósta sem sanna helmingseignarhlut hans í Facebook. Fjallað er um málið í Jyllands Posten. Þar segir að mál þetta komi upp eftir að Zuckerberg tókst að hrista af sér kröfur þriggja samstúdenta sinna um eignarhlut í Facebook í dómsmáli sem lauk í Bandaríkjunum á mánudaginn var. Paul D. Ceglia hefur ásamt lögmönnum sínum birt tölvupóstsamskipti sín við Zuckerberg á árunum 2003 og 2004 þar sem greinilegt er að Zuckerberg veitir Ceglia 50% eignarhlut í vefsíðu sinni sem þá hét thefacebook eftir að Ceglia lánaði Zuckerberg fé til að koma vefsíðunni í gagnið. Tölvupóstarnir hafa verið birtir á vefsíðunni Business Insider. Í einum tölvupóstinum kemur fram að fyrir utan að eignast 50% hlut átti Ceglia að fá 1% í viðbót fyrir hvern dag sem útgáfu vefsíðunnar seinkaði. Þegar útgáfunni hafði seinkað um 30 daga og eignarhlutur Ceglia var kominn í 80% sendi Zuckerberg tölvupóst með beiðni um að upphaflega skiptingin, 50/50, stæði áfram. Ceglia féllst á þá beiðni í svari til Zuckerberg. Nokkrum dögum eftir að þeir tveir sammæltust um skiptinguna fór thefacebook í loftið og síðan þá hafa þeir tveir deilt um eignarhluti í henni. Facebook er metin á nær 6.000 milljarða kr. Því gæti Ceglia orðið einn af auðugustu mönnum heimsins ef dómstólar dæma honum í vil. Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Ritúalið verður að Skjóli Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Mark Zuckerberg stofnandi Facebook gæti misst helminginn af vefsíðunni í hendur fjárfestisins Paul D. Ceglia. Fjárfestirinn hefur birt opinberlega tölvupósta sem sanna helmingseignarhlut hans í Facebook. Fjallað er um málið í Jyllands Posten. Þar segir að mál þetta komi upp eftir að Zuckerberg tókst að hrista af sér kröfur þriggja samstúdenta sinna um eignarhlut í Facebook í dómsmáli sem lauk í Bandaríkjunum á mánudaginn var. Paul D. Ceglia hefur ásamt lögmönnum sínum birt tölvupóstsamskipti sín við Zuckerberg á árunum 2003 og 2004 þar sem greinilegt er að Zuckerberg veitir Ceglia 50% eignarhlut í vefsíðu sinni sem þá hét thefacebook eftir að Ceglia lánaði Zuckerberg fé til að koma vefsíðunni í gagnið. Tölvupóstarnir hafa verið birtir á vefsíðunni Business Insider. Í einum tölvupóstinum kemur fram að fyrir utan að eignast 50% hlut átti Ceglia að fá 1% í viðbót fyrir hvern dag sem útgáfu vefsíðunnar seinkaði. Þegar útgáfunni hafði seinkað um 30 daga og eignarhlutur Ceglia var kominn í 80% sendi Zuckerberg tölvupóst með beiðni um að upphaflega skiptingin, 50/50, stæði áfram. Ceglia féllst á þá beiðni í svari til Zuckerberg. Nokkrum dögum eftir að þeir tveir sammæltust um skiptinguna fór thefacebook í loftið og síðan þá hafa þeir tveir deilt um eignarhluti í henni. Facebook er metin á nær 6.000 milljarða kr. Því gæti Ceglia orðið einn af auðugustu mönnum heimsins ef dómstólar dæma honum í vil.
Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Ritúalið verður að Skjóli Viðskipti innlent Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Ósáttur við að fyrrum eigandi Skagans 3X standi í vegi endurreisnar Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira