Lítið að frétta af kjaraviðræðum

Engin niðurstaða varð af fundarhöldum Samtaka atvinnulífsins og Alþýðusambands Íslands en forystumenn þeirra hittust á fundi í hádeginu þar sem næstu skref í kjaraviðræðum voru rædd. Vilhjálmur Egilsson framkvæmdastjóri SA segir að á fundinum hafi menn borið saman bækur sínar en að engin sérstök niðurstaða hafi fengist.

Viðræðum verður haldið áfram og segist Vilhjálmur búast við því að annar fundur verði haldinn strax á morgun og að þá verði ríkisstjórnin væntanlega einnig kölluð að borðinu.