Unnið alla helgina við að bjarga All Saints Jón Hákon Halldórsson skrifar 24. apríl 2011 22:25 All Saints hefur glímt við rekstrarvanda að undanförnu. Æðstu stjórnendur All Saints tískuvöruverslunarinnar segja að þeir hafi fundið nýja fjárfesta inn í félagið. Nýju fjárfestarnir munu koma í veg fyrir að félagið fari í greiðslustöðvun. Þetta er fullyrt á vef Daily Mail. Stephen Craig, forstjóri All Saints, hefur verið að vinna hörðum höndum um páskana að því að ná samningum við nýja fjárfesta. Talið er að það séu fjárfestingasjóðirnir Sun Capital og Lion Capital. Fjárfestarnir munu taka yfir hlut MD fjárfestingafélagsins. „Ég er sannfærður um að við munum ná samningi á næstu tveimur vikum. Þetta er ungt fyrirtæki sem hefur stækkað mikið og er arðbært. Framtíðin er björt ef við fáum fjármagn,” hefur Daily Mail eftir Craig. Daily Mail segir hins vegar líka að Lloyds Banking Group, einn helsti lánadrottinn All Saints, hafi gefið félaginu frest til þriðjudags til að endurfjármagna sig. Að öðrum kosti yrði félagið sett í greiðslustöðvun. Craig neitar því að honum hafi verið settir þessir afarkostir. Þá hafa líka verið sögusagnir um að Philip Green, fyrrum viðskiptafélagi Jóns Ásgeirs Jóhannessonar, hafi áform um að kaupa skuldir félagsins og reka fyrirtækið ásamt Kevin Stanford. Sá síðarnefndi er stofnandi All Saints. Philip Green hefur ekki staðfest þessar sögur. Skilanefndir Glitnis og Kaupþings eiga stóran hlut í All Saints eftir að Baugur Group fór í þrot. Skilanefndirnar hafa fengið Ernst & Young til að selja hlut þeirra. Búist er við því að fjárfestingasjóðurinn Goode Partners muni kaupa þann hlut. Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Ósáttur við að fyrrum eigandi Skagans 3X standi í vegi endurreisnar Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Æðstu stjórnendur All Saints tískuvöruverslunarinnar segja að þeir hafi fundið nýja fjárfesta inn í félagið. Nýju fjárfestarnir munu koma í veg fyrir að félagið fari í greiðslustöðvun. Þetta er fullyrt á vef Daily Mail. Stephen Craig, forstjóri All Saints, hefur verið að vinna hörðum höndum um páskana að því að ná samningum við nýja fjárfesta. Talið er að það séu fjárfestingasjóðirnir Sun Capital og Lion Capital. Fjárfestarnir munu taka yfir hlut MD fjárfestingafélagsins. „Ég er sannfærður um að við munum ná samningi á næstu tveimur vikum. Þetta er ungt fyrirtæki sem hefur stækkað mikið og er arðbært. Framtíðin er björt ef við fáum fjármagn,” hefur Daily Mail eftir Craig. Daily Mail segir hins vegar líka að Lloyds Banking Group, einn helsti lánadrottinn All Saints, hafi gefið félaginu frest til þriðjudags til að endurfjármagna sig. Að öðrum kosti yrði félagið sett í greiðslustöðvun. Craig neitar því að honum hafi verið settir þessir afarkostir. Þá hafa líka verið sögusagnir um að Philip Green, fyrrum viðskiptafélagi Jóns Ásgeirs Jóhannessonar, hafi áform um að kaupa skuldir félagsins og reka fyrirtækið ásamt Kevin Stanford. Sá síðarnefndi er stofnandi All Saints. Philip Green hefur ekki staðfest þessar sögur. Skilanefndir Glitnis og Kaupþings eiga stóran hlut í All Saints eftir að Baugur Group fór í þrot. Skilanefndirnar hafa fengið Ernst & Young til að selja hlut þeirra. Búist er við því að fjárfestingasjóðurinn Goode Partners muni kaupa þann hlut.
Mest lesið Kaupum meira og meira þrátt fyrir mikla verðbólgu Neytendur Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Öllu starfsfólki kollagenvinnslu í Grindavík sagt upp Viðskipti innlent Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Ósáttur við að fyrrum eigandi Skagans 3X standi í vegi endurreisnar Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira