Dæmi um að grunnskólabörn selji sig á vefnum Hafsteinn Hauksson skrifar 17. maí 2011 18:35 Kynferðisbrotum gegn börnum sem rekja má til samskipta á Netinu hefur fjölgað um helming á síðustu fjórum árum. Forstöðumaður Barnahúss veit um sex alvarleg vændismál þar sem grunnskólabörn hafa selt sig eldri mönnum á vefnum. Börn allt niður í átta ára aldur hafa orðið fyrir kynferðisbrotum af hálfu geranda sem þau kynntust í gegnum netið, en í því tilfelli var brotið á barninu í gegnum vefmyndavél. Undanfarin ár hefur fjöldi mála á borði Barnahúss þar sem ókunnugur gerandi kynnist þolanda í gegnum netið farið stigvaxandi. Í fyrra voru þau alls tuttugu talsins, en þeim hafði þá fjölgað um meira en helming frá árinu 2007. Ólöf Ásta Farestveit, forstöðumaður Barnahúss, telur að rekja megi fjölgunina til aukinnar netnotkunar, og hér sé um nýja leið gerenda til að nálgast þolendur að ræða. Hún taki eftir að gerendur hafi fært sig af MSN spjallforritinu og yfir á Facebook samskiptavefinn, en börnin sem eru í mestri hættu séu á aldrinum 13 til 15 ára. Þau hafi ómótaða sjálfsmynd, ólíkt eldri unglingum, og treysti því sem þau sjá og heyra á vefnum. „Þá er þetta oft svona ákveðin blekking; viðkomandi fullorðni einstaklingur hefur þá einhverja aðra mynd heldur en af sjálfum sér, eða jafnvel enga mynd," segir Ólöf. „Þetta byrjar þá yfirleitt í formi spjalls á spjallvefnum á Facebook. Svo er ákveðið að hittast og síðan kemur kannski í ljós að viðkomandi er mun eldri en barnið heldur. Einnig er stundum um að ræða 19 eða 20 ára einstaklinga sem ekki villa á sér heimildir, og úr því verður brot." Ólöf veit auk þess til þess að fullorðið fólk leiti að barnavændi í gegnum vefinn. „Við höfum séð nokkur alvarleg vændismál hér á Íslandi þar sem börn á aldrinum 13 til 15 ára hafa verið að selja líkama sinn fullorðnum. Það hefur verið sérstaklega með því að auglýsa á Einkamál.is. Þau eru jafnvel með sér síma fyrir þessa vændisþjónustu. Við höfum séð, áætla ég, svona sex mjög alvarleg slík mál síðastliðin tvö ár." Ólöf segist telja að mál af þessum toga komist þó ekki alltaf upp þar sem börnin segi hugsanlega síður frá, því þeim finnst þau þekkja gerandann eftir að hafa verið í sambandi við hann á vefnum. Auk þess líði þeim stundum eins og þau hafi brotið gegn reglum eða viðvörunum sem þeim hafi verið settar, og því þori þau ekki að segja frá. Þetta þurfi foreldrar að hafa í huga við fræðslu. „Þess vegna er svolítið mikilvægt að þegar foreldrar eru að fræða börnin sín, þá upplýsi þau börnin á almennan hátt um hvað er mögulegt í gegnum netið, svo börnin eigi auðveldara með að segja frá seinna meir." Mest lesið Öflugar gufusprengingar hafi orðið í Hveradölum Innlent Eyðilögðum tjöldum pakkað saman á gervigrasinu Innlent Lýsa eftir Kolbeini Vopna Innlent Starmer heldur neyðarfund vegna óeirðanna Erlent Hljóp til að bjarga lífi sínu undan fljúgandi brettum á brennunni Innlent Á bólakafi í Hólmsá Innlent Kennedy yngri losaði sig við bjarnarhúnshræ í Central Park Erlent Báru eld að miðstöð fyrir hælisleitendur Erlent Ekið á búfé og keyrt ofan í læk Innlent Beðið eftir eldgosi: Allar vefmyndavélarnar á einum stað Innlent Fleiri fréttir „Brá verulega að heyra að fangaverðir hefðu slasast“ Lýsa eftir Kolbeini Vopna Dómsmálaráðherra brugðið og umferðin eftir Verslunarmannahelgi Öflugar gufusprengingar hafi orðið í Hveradölum Eyðilögðum tjöldum pakkað saman á gervigrasinu Ekið á búfé og keyrt ofan í læk Helgin fór prýðilega fram í Eyjum Óánægja með ætlað niðurrif á sögulegu húsi á Húsavík Fimm hundruð í Herjólfshöll í nótt og óöld í Bangladess Starbucks kemur ekki til Íslands Ofurölvi vistaður í fangaklefa Ólafur Vignir píanóleikari látinn Á bólakafi í Hólmsá Ekkert tilkynnt kynferðisbrot og minna af fíkniefnum Talsverð rigning í kvöld en styttir upp á morgun Óveður um land allt og óeirðir í Bretlandi Hljóp til að bjarga lífi sínu undan fljúgandi brettum á brennunni Öllum sama um sóðaskap í Reykjavík Helgi er fundinn heill á húfi Séra Frank M. Halldórsson sóknarprestur látinn Aurskriðuhætta og allt að fjörutíu metrar á sekúndu í hviðum „Ég skammast mín ekkert fyrir að tala upp nýsköpun“ Þyrla Landhelgisgæslunnar kölluð út til aðstoðar við leitina Björgunarbátur ræstur út til leitar að Þjóðhátíðargesti Halda sínu striki þrátt fyrir veðrið Sérsveitin sat um hús í Mosfellsbæ í þrjá tíma Biskup og umhverfisráðherra í Sprengisandi Lögregla lýsir eftir Helga Laus úr haldi eftir hnífsstungu á Akureyri Kom úr sundi að brotnu tjaldinu Sjá meira
Kynferðisbrotum gegn börnum sem rekja má til samskipta á Netinu hefur fjölgað um helming á síðustu fjórum árum. Forstöðumaður Barnahúss veit um sex alvarleg vændismál þar sem grunnskólabörn hafa selt sig eldri mönnum á vefnum. Börn allt niður í átta ára aldur hafa orðið fyrir kynferðisbrotum af hálfu geranda sem þau kynntust í gegnum netið, en í því tilfelli var brotið á barninu í gegnum vefmyndavél. Undanfarin ár hefur fjöldi mála á borði Barnahúss þar sem ókunnugur gerandi kynnist þolanda í gegnum netið farið stigvaxandi. Í fyrra voru þau alls tuttugu talsins, en þeim hafði þá fjölgað um meira en helming frá árinu 2007. Ólöf Ásta Farestveit, forstöðumaður Barnahúss, telur að rekja megi fjölgunina til aukinnar netnotkunar, og hér sé um nýja leið gerenda til að nálgast þolendur að ræða. Hún taki eftir að gerendur hafi fært sig af MSN spjallforritinu og yfir á Facebook samskiptavefinn, en börnin sem eru í mestri hættu séu á aldrinum 13 til 15 ára. Þau hafi ómótaða sjálfsmynd, ólíkt eldri unglingum, og treysti því sem þau sjá og heyra á vefnum. „Þá er þetta oft svona ákveðin blekking; viðkomandi fullorðni einstaklingur hefur þá einhverja aðra mynd heldur en af sjálfum sér, eða jafnvel enga mynd," segir Ólöf. „Þetta byrjar þá yfirleitt í formi spjalls á spjallvefnum á Facebook. Svo er ákveðið að hittast og síðan kemur kannski í ljós að viðkomandi er mun eldri en barnið heldur. Einnig er stundum um að ræða 19 eða 20 ára einstaklinga sem ekki villa á sér heimildir, og úr því verður brot." Ólöf veit auk þess til þess að fullorðið fólk leiti að barnavændi í gegnum vefinn. „Við höfum séð nokkur alvarleg vændismál hér á Íslandi þar sem börn á aldrinum 13 til 15 ára hafa verið að selja líkama sinn fullorðnum. Það hefur verið sérstaklega með því að auglýsa á Einkamál.is. Þau eru jafnvel með sér síma fyrir þessa vændisþjónustu. Við höfum séð, áætla ég, svona sex mjög alvarleg slík mál síðastliðin tvö ár." Ólöf segist telja að mál af þessum toga komist þó ekki alltaf upp þar sem börnin segi hugsanlega síður frá, því þeim finnst þau þekkja gerandann eftir að hafa verið í sambandi við hann á vefnum. Auk þess líði þeim stundum eins og þau hafi brotið gegn reglum eða viðvörunum sem þeim hafi verið settar, og því þori þau ekki að segja frá. Þetta þurfi foreldrar að hafa í huga við fræðslu. „Þess vegna er svolítið mikilvægt að þegar foreldrar eru að fræða börnin sín, þá upplýsi þau börnin á almennan hátt um hvað er mögulegt í gegnum netið, svo börnin eigi auðveldara með að segja frá seinna meir."
Mest lesið Öflugar gufusprengingar hafi orðið í Hveradölum Innlent Eyðilögðum tjöldum pakkað saman á gervigrasinu Innlent Lýsa eftir Kolbeini Vopna Innlent Starmer heldur neyðarfund vegna óeirðanna Erlent Hljóp til að bjarga lífi sínu undan fljúgandi brettum á brennunni Innlent Á bólakafi í Hólmsá Innlent Kennedy yngri losaði sig við bjarnarhúnshræ í Central Park Erlent Báru eld að miðstöð fyrir hælisleitendur Erlent Ekið á búfé og keyrt ofan í læk Innlent Beðið eftir eldgosi: Allar vefmyndavélarnar á einum stað Innlent Fleiri fréttir „Brá verulega að heyra að fangaverðir hefðu slasast“ Lýsa eftir Kolbeini Vopna Dómsmálaráðherra brugðið og umferðin eftir Verslunarmannahelgi Öflugar gufusprengingar hafi orðið í Hveradölum Eyðilögðum tjöldum pakkað saman á gervigrasinu Ekið á búfé og keyrt ofan í læk Helgin fór prýðilega fram í Eyjum Óánægja með ætlað niðurrif á sögulegu húsi á Húsavík Fimm hundruð í Herjólfshöll í nótt og óöld í Bangladess Starbucks kemur ekki til Íslands Ofurölvi vistaður í fangaklefa Ólafur Vignir píanóleikari látinn Á bólakafi í Hólmsá Ekkert tilkynnt kynferðisbrot og minna af fíkniefnum Talsverð rigning í kvöld en styttir upp á morgun Óveður um land allt og óeirðir í Bretlandi Hljóp til að bjarga lífi sínu undan fljúgandi brettum á brennunni Öllum sama um sóðaskap í Reykjavík Helgi er fundinn heill á húfi Séra Frank M. Halldórsson sóknarprestur látinn Aurskriðuhætta og allt að fjörutíu metrar á sekúndu í hviðum „Ég skammast mín ekkert fyrir að tala upp nýsköpun“ Þyrla Landhelgisgæslunnar kölluð út til aðstoðar við leitina Björgunarbátur ræstur út til leitar að Þjóðhátíðargesti Halda sínu striki þrátt fyrir veðrið Sérsveitin sat um hús í Mosfellsbæ í þrjá tíma Biskup og umhverfisráðherra í Sprengisandi Lögregla lýsir eftir Helga Laus úr haldi eftir hnífsstungu á Akureyri Kom úr sundi að brotnu tjaldinu Sjá meira