Folaldið Aska kom í heiminn í öskufallinu

Þetta öskugráa folald kom í heiminn aðfaranótt mánudagsins og var nefnt Aska. Eigandi þess er Freyr Arnarson, kvikmyndatökumaður hjá RÚV, sem hefur staðið vaktina við kvikmyndatökur á Kirkjubæjarklaustri allt frá því um helgina.

Freyr segist telja að merin hafi kastað folaldinu í Brekku í Biskupstungum aðfaranótt mánudagsins. „Mér bárust fregnir af því á mánudagsmorgninum," segir Freyr. Gosið hafði þá staðið yfir í einn og hálfan sólarhring.

Freyr segir ekkert öskufall hafa verið þar sem folaldinu var kastað. „En eigandinn var á kafi í öskufallinu," segir Freyr.