Tveir gistu fangageymslur á Akureyri

Nóttin var erilsöm hjá lögreglunni á Akureyri en fjöldi lagði leið sína í bæinn og sat að sumbli fram á morgun. Tveir gistu fangageymslur og var einn tekinn fyrir ölvunarakstur. Þá komu nokkur fíkniefnamál inn á borð lögreglu.

Skemmtanahald fór vel fram á höfuðborgarsvæðinu í nótt en þar voru fimm ökumenn stöðvaðir fyrir að keyra undir áhrifum áfengis og aðrir fimm gistu fangageymslur lögreglunnar. Nóttin var að öðru leyti róleg hjá lögregluembættum landsins.