Skólabókardæmi um góðan flóttamann - íslensk árvekni felldi hann 26. júní 2011 06:00 James "Whitey“ Bulger var innblástur fyrir persónu í óskarsverðlaunamynd. Glæpaforinginn James „Whitey" Bulger er skólabókardæmi yfir það hvernig á að forðast langan arm réttvísinnar samkvæmt lögreglumanni sem var í sérsveit sem hafði það eitt að markmiði að hafa upp á honum. Bulger hvarf árið 1995 eftir að spilltur fulltrúi alríkislögreglunnar sagði honum frá því að það stæði til að handtaka hann og ákæra. Bulger er grunaður um að hafa orðið að minnsta kosti nítján manns að bana á ævilöngum glæpaferli sínum en hann er 81 árs gamall. Þá er ótalið öll hin brotin. Bulger var foringi Winter Hill gengisins sem var í raun írska mafían í Boston. Þegar hann flýði borgina varð uppi fótur og fit innan lögreglunnar. Úr varð fjölmiðlasirkus. Alríkisfulltrúinn sem lét Bulger vita af yfirvofandi handtöku var að lokum dæmdur í 40 ára fangelsi, meðal annars fyrir aðild að morði. Sjálfur neitar hann enn sök. Fjölmiðlar í Boston urðu enn hneykslaðri þegar í ljós kom að Bulger hafði verið uppljóstrari alríkislögreglunnar í fjölmörg ár. Í raun er hann talinn hafa myrt mann eftir að hann uppgötvaði að Bulger væri uppljóstrari. Óttinn við að slíkt fréttist í undirheimum Boston var gríðarlegur enda hefði hann verið drepinn umsvifalaust af óvinum sínum. Þá lék grunur á að Bulger hefði í raun notið verndar lögreglunnar sem glæpaforingi á meðan hann var uppljóstrari og stundað glæpastarfsemi í skjóli hennar. Og ekki nóg með það, hann komst fyrst til valda óbeint með aðstoð lögreglunnar. Líklega var það ekki til þess að draga úr athygli fjölmiðlanna að bróðir Bulgers var þingmaður í fylkinu og að auki forseti þingsins í Massachuttes á sama tíma og Bulger réði lögum og lofum í undirheimum Boston. Hann hefur þó aldrei verið tengdur við glæpastarfsemi bróður síns og starfar nú sem stjórnarformaður Massachussets háskólans. Eftir að Whitey hafði verið á flótta undan réttvísinni í 16 ár ákvað sérsveitin, sem leitaði Bulgers, að reyna önnur og óhefðbundnari meðöl. Þeir voru þegar búnir að birta tölvugerðar myndir af honum eins og hann gæti litið út í dag, en allt án árangurs. Og líklega var meira álag á deildinni í ljósi þess að hryðjuverkaleiðtoginn Osama Bin Laden var myrtur í maí síðastliðnum, og það skaut Bulger upp í toppsætið á hinn alræmda lista yfir tíu mest eftirlýstustu menn Bandaríkjanna; sumir segja veraldarinnar. Lögreglan í Boston ákvað því að lýsa eftir kærustu Bulgers, Catherine Greig. Auglýsingar birtust á CNN og þar kom fram að hún væri með einstaklega hvítar tennur, þar sem hún hefði starfað sem klinka hjá tannlækni auk þess sem hún færi mikið á snyrtistofur og væri góð við dýr. Viðbrögðin létu ekki á sér standa, lögreglan fékk upplýsingar, sem sumir fjölmiðlar hafa greint frá að séu komnar frá íslenskri konu, um að Bulger væri staðsettur í Santa Monica, sem er skammt frá Los Angeles. Fjölmiðlum ber ekki saman hvernig konan tengdist Bulger. Í fjölmiðlum í Boston er greint sumstaðar frá því að hún hafi verið nágranni glæpakóngsins. Aðrir segja hana einfaldlega hafa tengingu við bæinn og hafa hitt kærustuparið, en búi á Íslandi. Aðrir greina ekki frá þjóðerni hennar þar sem lögreglan neitar að gefa upplýsingar um uppljóstrarann. Þrátt fyrir að Bulger hefði gætt að öllum smáatriðum flóttamannsins, þá var Greig ekki jafn varkár. Bærinn var í raun fullkomið yfirvarp að sögn lögreglumanna sem höfðu upp á honum. Þar bjuggu fjölmargir ellilífeyrisþegar sem vildu eyða ævikvöldinu í vinalegum bæ, og því var engin neitt sérstaklega að hnýsast um fortíð Bulgers, eins og gæti frekar gerst í rótgrónu hverfi. Þá virðist Bulger ekki hafa greitt fyrir neitt með greiðslukortum þrátt fyrir að hann átti nokkur fölsuð skírteini sem hefðu getað auðveldað honum aðgengi að slíkum kortum. Hann ók aldrei bíl af ótta við að vera stöðvaður af lögreglunni og hann spjallaði aldrei lengi við nokkurn mann. Honum var lýst sem hlýlegum eldri manni en var þó tiltölulega fjarlægur í öllum samskiptum. Og þó hann hefði gætt sín þá var ekki slíkt hið sama um kærustuna að segja. Einn nágranni parsins lýsti því þegar hann var að tala lengi og vel við Greig þegar Bulger skipar henni að hætta þessu masi og hunskast aftur inn í íbúðina. Það virðist í það minnsta hafa verið íslensk árvekni sem varð til þess að hættulegasti glæpamaður Bandaríkjanna var handtekinn að lokum. Verðlaunaféð eru tvær milljónir dollara, það gera um 200 milljónir króna. Því ætti sá sem sagði til hans ekki að þurfa að örvænta þó það sé eflaust óþægilegt að eiga slíka óvini. Bulger hefur verið kvikmyndaframleiðendum hugleikinn. Þannig er búið að greina frá því að hann var fyrirmynd glæpaforingjans í kvikmyndinni The Departed, en það var Jack Nicholson sem lék Bulger í þeirri mynd. Þá voru þættir sýndir hér á landi sem hétu Brotherhood en þeir fjölluðu um glæpaforingja og þingmann sem voru bræður og eru byggðir á persónum Bulgers og þingmannsins bróður hans. Bandaríkin James Whitey Bulger Mest lesið Fékk besta nafnið frá frú Vigdísi Innlent „Ótrúlegt“ að Halla hafi ekki verið fyrsta frétt RÚV Innlent Sakborningur í pottamálinu grunaður um tilraun til manndráps Innlent Í eðli okkar að fylgjast með náunganum Innlent Sex sérsveitarmenn í Eyjum og lagt hald á tvo hnífa Innlent Handtekin nokkrum dögum eftir að hún sagði af sér Erlent Nauðgunarbrandari Patriks féll í grýttan jarðveg Innlent Grunuð um að flytja fíkniefni til landsins með tólf ára son í för Innlent „Það er í raun og veru allur bransinn sem er í hættu“ Innlent Vildu að Navalní yrði hluti af fangaskiptunum sögulegu Erlent Fleiri fréttir Handtekin nokkrum dögum eftir að hún sagði af sér Gangast loksins við leyniþjónustufólki eftir fangaskiptin Segir Kim telja að hægt sé að semja við Trump Vildu að Navalní yrði hluti af fangaskiptunum sögulegu 550 handteknir í tengslum við ólöglegan klámhring á Taívan Lést af völdum sprengju sem var falin fyrir tveimur mánuðum Leiðtogi Hezbollah boðar „nýjan fasa“ eftir að farið var yfir „rauðar línur“ Blinken segir González réttkjörinn forseta en Maduro situr sem fastast Umfangsmestu fangaskipti frá tímum kalda stríðsins Segir setningarathöfnina traðka á mannlegri reisn Keppendur Ísrael fengu hótanir um endurtekningu á 1972 Umfangsmikil fangaskipti gætu verið á næsta leiti Nafngreina árásarmanninn til að stemma stigu við upplýsingafalsi Kom að hylla forsetann en endaði í kistu við fætur hans Segja hægt að koma í veg fyrir eða seinka um helmingi Alzheimers tilvika Yfirmaður hernaðararms Hamas sagður hafa fallið í árás Ísraela Sautján ára ákærður fyrir morðið á stúlkunum í Southport Viðvörun gefin út vegna úlfs sem beit stúlku og drap púðluhund Samkomulag í höfn við höfuðpaura hryðjuverkaárásanna 11. september Sagði Harris nýlega „orðna svarta“ Yfir hundrað handteknir í óeirðum í Lundúnum Ekki miklar líkur á meiriháttar milliríkjaátökum „Glæsilegur forystumaður sem hreif fólk með sér“ Hvalavinurinn stendur frammi fyrir allt að fimmtán ára fangelsisvist Maðurinn sem greindi frá andláti Elísabetar II játar barnaníð Drápið á Heniyeh vekur hörð viðbrögð og ótta um stigmögnun Tugir lögregluþjóna slasaðir eftir óeirðir öfgamanna í Southport Að minnsta kosti 973 börn frumbyggja létust á heimavistarskólum Fyrsti kosningafundurinn með varaforsetaefninu á þriðjudag Pólitískur leiðtogi Hamas ráðinn af dögum í Íran Sjá meira
Glæpaforinginn James „Whitey" Bulger er skólabókardæmi yfir það hvernig á að forðast langan arm réttvísinnar samkvæmt lögreglumanni sem var í sérsveit sem hafði það eitt að markmiði að hafa upp á honum. Bulger hvarf árið 1995 eftir að spilltur fulltrúi alríkislögreglunnar sagði honum frá því að það stæði til að handtaka hann og ákæra. Bulger er grunaður um að hafa orðið að minnsta kosti nítján manns að bana á ævilöngum glæpaferli sínum en hann er 81 árs gamall. Þá er ótalið öll hin brotin. Bulger var foringi Winter Hill gengisins sem var í raun írska mafían í Boston. Þegar hann flýði borgina varð uppi fótur og fit innan lögreglunnar. Úr varð fjölmiðlasirkus. Alríkisfulltrúinn sem lét Bulger vita af yfirvofandi handtöku var að lokum dæmdur í 40 ára fangelsi, meðal annars fyrir aðild að morði. Sjálfur neitar hann enn sök. Fjölmiðlar í Boston urðu enn hneykslaðri þegar í ljós kom að Bulger hafði verið uppljóstrari alríkislögreglunnar í fjölmörg ár. Í raun er hann talinn hafa myrt mann eftir að hann uppgötvaði að Bulger væri uppljóstrari. Óttinn við að slíkt fréttist í undirheimum Boston var gríðarlegur enda hefði hann verið drepinn umsvifalaust af óvinum sínum. Þá lék grunur á að Bulger hefði í raun notið verndar lögreglunnar sem glæpaforingi á meðan hann var uppljóstrari og stundað glæpastarfsemi í skjóli hennar. Og ekki nóg með það, hann komst fyrst til valda óbeint með aðstoð lögreglunnar. Líklega var það ekki til þess að draga úr athygli fjölmiðlanna að bróðir Bulgers var þingmaður í fylkinu og að auki forseti þingsins í Massachuttes á sama tíma og Bulger réði lögum og lofum í undirheimum Boston. Hann hefur þó aldrei verið tengdur við glæpastarfsemi bróður síns og starfar nú sem stjórnarformaður Massachussets háskólans. Eftir að Whitey hafði verið á flótta undan réttvísinni í 16 ár ákvað sérsveitin, sem leitaði Bulgers, að reyna önnur og óhefðbundnari meðöl. Þeir voru þegar búnir að birta tölvugerðar myndir af honum eins og hann gæti litið út í dag, en allt án árangurs. Og líklega var meira álag á deildinni í ljósi þess að hryðjuverkaleiðtoginn Osama Bin Laden var myrtur í maí síðastliðnum, og það skaut Bulger upp í toppsætið á hinn alræmda lista yfir tíu mest eftirlýstustu menn Bandaríkjanna; sumir segja veraldarinnar. Lögreglan í Boston ákvað því að lýsa eftir kærustu Bulgers, Catherine Greig. Auglýsingar birtust á CNN og þar kom fram að hún væri með einstaklega hvítar tennur, þar sem hún hefði starfað sem klinka hjá tannlækni auk þess sem hún færi mikið á snyrtistofur og væri góð við dýr. Viðbrögðin létu ekki á sér standa, lögreglan fékk upplýsingar, sem sumir fjölmiðlar hafa greint frá að séu komnar frá íslenskri konu, um að Bulger væri staðsettur í Santa Monica, sem er skammt frá Los Angeles. Fjölmiðlum ber ekki saman hvernig konan tengdist Bulger. Í fjölmiðlum í Boston er greint sumstaðar frá því að hún hafi verið nágranni glæpakóngsins. Aðrir segja hana einfaldlega hafa tengingu við bæinn og hafa hitt kærustuparið, en búi á Íslandi. Aðrir greina ekki frá þjóðerni hennar þar sem lögreglan neitar að gefa upplýsingar um uppljóstrarann. Þrátt fyrir að Bulger hefði gætt að öllum smáatriðum flóttamannsins, þá var Greig ekki jafn varkár. Bærinn var í raun fullkomið yfirvarp að sögn lögreglumanna sem höfðu upp á honum. Þar bjuggu fjölmargir ellilífeyrisþegar sem vildu eyða ævikvöldinu í vinalegum bæ, og því var engin neitt sérstaklega að hnýsast um fortíð Bulgers, eins og gæti frekar gerst í rótgrónu hverfi. Þá virðist Bulger ekki hafa greitt fyrir neitt með greiðslukortum þrátt fyrir að hann átti nokkur fölsuð skírteini sem hefðu getað auðveldað honum aðgengi að slíkum kortum. Hann ók aldrei bíl af ótta við að vera stöðvaður af lögreglunni og hann spjallaði aldrei lengi við nokkurn mann. Honum var lýst sem hlýlegum eldri manni en var þó tiltölulega fjarlægur í öllum samskiptum. Og þó hann hefði gætt sín þá var ekki slíkt hið sama um kærustuna að segja. Einn nágranni parsins lýsti því þegar hann var að tala lengi og vel við Greig þegar Bulger skipar henni að hætta þessu masi og hunskast aftur inn í íbúðina. Það virðist í það minnsta hafa verið íslensk árvekni sem varð til þess að hættulegasti glæpamaður Bandaríkjanna var handtekinn að lokum. Verðlaunaféð eru tvær milljónir dollara, það gera um 200 milljónir króna. Því ætti sá sem sagði til hans ekki að þurfa að örvænta þó það sé eflaust óþægilegt að eiga slíka óvini. Bulger hefur verið kvikmyndaframleiðendum hugleikinn. Þannig er búið að greina frá því að hann var fyrirmynd glæpaforingjans í kvikmyndinni The Departed, en það var Jack Nicholson sem lék Bulger í þeirri mynd. Þá voru þættir sýndir hér á landi sem hétu Brotherhood en þeir fjölluðu um glæpaforingja og þingmann sem voru bræður og eru byggðir á persónum Bulgers og þingmannsins bróður hans.
Bandaríkin James Whitey Bulger Mest lesið Fékk besta nafnið frá frú Vigdísi Innlent „Ótrúlegt“ að Halla hafi ekki verið fyrsta frétt RÚV Innlent Sakborningur í pottamálinu grunaður um tilraun til manndráps Innlent Í eðli okkar að fylgjast með náunganum Innlent Sex sérsveitarmenn í Eyjum og lagt hald á tvo hnífa Innlent Handtekin nokkrum dögum eftir að hún sagði af sér Erlent Nauðgunarbrandari Patriks féll í grýttan jarðveg Innlent Grunuð um að flytja fíkniefni til landsins með tólf ára son í för Innlent „Það er í raun og veru allur bransinn sem er í hættu“ Innlent Vildu að Navalní yrði hluti af fangaskiptunum sögulegu Erlent Fleiri fréttir Handtekin nokkrum dögum eftir að hún sagði af sér Gangast loksins við leyniþjónustufólki eftir fangaskiptin Segir Kim telja að hægt sé að semja við Trump Vildu að Navalní yrði hluti af fangaskiptunum sögulegu 550 handteknir í tengslum við ólöglegan klámhring á Taívan Lést af völdum sprengju sem var falin fyrir tveimur mánuðum Leiðtogi Hezbollah boðar „nýjan fasa“ eftir að farið var yfir „rauðar línur“ Blinken segir González réttkjörinn forseta en Maduro situr sem fastast Umfangsmestu fangaskipti frá tímum kalda stríðsins Segir setningarathöfnina traðka á mannlegri reisn Keppendur Ísrael fengu hótanir um endurtekningu á 1972 Umfangsmikil fangaskipti gætu verið á næsta leiti Nafngreina árásarmanninn til að stemma stigu við upplýsingafalsi Kom að hylla forsetann en endaði í kistu við fætur hans Segja hægt að koma í veg fyrir eða seinka um helmingi Alzheimers tilvika Yfirmaður hernaðararms Hamas sagður hafa fallið í árás Ísraela Sautján ára ákærður fyrir morðið á stúlkunum í Southport Viðvörun gefin út vegna úlfs sem beit stúlku og drap púðluhund Samkomulag í höfn við höfuðpaura hryðjuverkaárásanna 11. september Sagði Harris nýlega „orðna svarta“ Yfir hundrað handteknir í óeirðum í Lundúnum Ekki miklar líkur á meiriháttar milliríkjaátökum „Glæsilegur forystumaður sem hreif fólk með sér“ Hvalavinurinn stendur frammi fyrir allt að fimmtán ára fangelsisvist Maðurinn sem greindi frá andláti Elísabetar II játar barnaníð Drápið á Heniyeh vekur hörð viðbrögð og ótta um stigmögnun Tugir lögregluþjóna slasaðir eftir óeirðir öfgamanna í Southport Að minnsta kosti 973 börn frumbyggja létust á heimavistarskólum Fyrsti kosningafundurinn með varaforsetaefninu á þriðjudag Pólitískur leiðtogi Hamas ráðinn af dögum í Íran Sjá meira