Forseti Íslands Ólafur Ragnar Grímsson og Dorrit Moussaieff forsetafrú verða viðstödd brúðkaup Alberts II og Charlène Wittstock sem fram fer í Mónakó í dag.
Í tilkynningu frá forsetaembættinu segir að af lokinni vígsluathöfn í dómkirkjunni verði boðið til hátíðarkvöldverðar í höllinni.
Albert prins hafi verið virkur þátttakandi í málefnum Norðurslóða sem og í alþjóðlegri umræðu um loftslagsbreytingar. Stofnun hans hefur styrkt fjölmörg verkefni á þeim sviðum, m.a. alþjóðleg málþing um heimskautarétt sem haldin hafi verið á vegum Háskólans á Akureyri.
Þá hafi prinsinn einnig verið mikill stuðningsmaður Smáþjóðaleikanna, íþróttahátíðar smæstu ríkja í Evrópu, og heimsótt Ísland þegar þeir voru haldnir hér.
![](https://www.visir.is/vaktin/content/flags/2017-09-07T144452.760Z-haukar.png)
![](https://www.visir.is/vaktin/content/flags/2025-02-14T125946.545Z-2021-10-15T150140.503Z-Jeruzalem_Ormoz.png)