Nani á framtíð hjá Man. Utd

Sir Alex Ferguson, stjóri Man. Utd, hefur fullvissað vængmanninn Nani um að hann eigi framtíð hjá ensku meisturunum. Sumir réðu svo í kaupin á Ashley Young að Ferguson ætlaði að losa sig við Nani. Það er ekki rétt.

Þess utan lék Nani ekki gegn Barcelona í úrslitaleik Meistaradeildarinnar.

"Nani stóð sig mjög vel á síðustu leiktíð en Valencia kom svo sterkur til baka að það var ekki hægt að hafa hann á bekknum," sagði Ferguson.

"Nani er góður leikmaður og er einnig að vaxa sem karakter. Við ætlum að berjast á öllum vígstöðvum næsta vetur og það verður nóg af leikjum. Það var miður fyrir Nani að spila ekki úrslitaleik Meistaradeildarinnar en hann er enn ungur og alltaf að þroskast."