Juventus vann stórleikinn gegn AC Milan

Juventus vann frábæran sigur ,2-0, gegn AC Milan í stórleik helgarinnar í ítalska boltanum, en bæði mörk Juve komu á lokamínútum leiksins.

Claudio Marchisio skoraði fyrra mark heimamanna þrem mínútum fyrir leikslok og hann var aftur á ferðinni á 90. mínútu leiksins þegar hann gulltryggði sigurinn fyrir Juventus.

Þetta var heldur betur mikilvægur sigur hjá Juventus en þeir eru enn á toppi deilarinnar með 11 stig, en AC Milan er í 15. sæti með fimm stig.