Húsið úr Home Alone til sölu

Húsið úr kvikmyndinni Home Alone er til sölu fyrir litlar 280 milljónir króna. Í myndinni fór barnastjarnan Macauley Culkin illa með tvo óheppna innbrotsþjófa sem ætluðu að láta greipar sópa. Stráksi, sem var einn heima því foreldrarnir gleymdu honum þegar þau fóru í frí, tók hinsvegar til sinna ráða og tókst með ýmsum brögðum að yfirbuga þrjótana.

Nú hafa eigendur hússins, sem er í úthverfi Chicago, ákveðið að selja kofann en þau bjuggu í húsinu þegar myndin var gerð.