Röskun á morgunflugi

Flugi Icelandair til Lundúna og Manchester í fyrramálið hefur verið aflýst. Guðjón Arngrímsson, upplýsingafulltrúi Icelandair, segir að staðan á flugi sé að öðru leyti nokkuð góð. Nokkrum flugferðum seinkar vegna öskufallsins. Þar á meðal má nefna morgunflug frá Ameríku sem er um tveimur tímum seinna en vanalega.

Matthías Imsland, forstjóri Iceland Express, segir að allar vélar félagsins séu að týnast í loftið frá Keflavík. Staðan fyrir morgundaginn sé sú að verið sé að bíða eftir öskuspá sem kemur nú um miðnætti. Hann býst við einhverri seinkunn á morgun. Gert er ráð fyrir flugi til Kaupmannahafnar og Lundúna í fyrramálið. Þar megi gera ráð fyrir einhverri seinkunn.

Matthías segist gera ráð fyrir að ef allt haldist í lagi á morgun nái Iceland Express að vinna upp þá seinkunn sem hefur verið á fluginu.

Best er að fylgjast með fluginu á þessari síðu.