Lét blása í barminn

Bandaríska slúðurblaðið Us Weekly greinir frá því að hönnuðurinn og raunveruleikaþáttastjarnan Nicole Richie hafi nýlega látið stækka á sér brjóstin.

Richie fagnaði þrítugsafmælinu sínu á dögunum. Hún er sögð hafa íhugað lengi að láta blása í barminn og ku hafa rætt það við vini undanfarin misseri. Þeir töldu þó að henni væri ekki alvara. En nýjar myndir, sem sýna Richie í fríi í Mexíkó, þykja gefa til kynna að brjóstin séu óeðlilega stór, miðað við fyrri stærð.