Leysa þarf vanda evruríkja án tafar 25. september 2011 12:00 Christine Lagarde, framkvæmdastjóri AGS. Verði skuldavandi evruríkjanna ekki leystur án tafar gæti það leitt til þess að Alþjóðagjaldeyrissjóðurinn ráði ekki yfir nægum fjármunum til að aðstoða önnur ríki í vanda. Þetta er mat seðlabankastjóra Kína og framkvæmdastjóra Alþjóðagjaldeyrissjóðsins. Í yfirlýsingu sem samþykkt var á ársfundi Alþjóðagjaldeyrissjóðsins í Washington í gær kemur fram að ríkin á evrusvæðinu muni gera allt sem í þeirr valdi stendur til að leysa skuldakreppuna sem ógni efnahagslífi alls heimsins. Í yfirlýsingunni segir að aðildarríki Alþjóðagjaldeyrissjóðsins muni starfa saman til að koma á stöðugleika á mörkuðum og efla traust. Þótt aðstæður aðildarríkja sjóðsins séu mismunandi séu hagkerfi þeirra samtvinnuð og því muni ríkin starfa saman að því að auka traust og stöðugleika á og glæða havöxt á heimsvísu. Fjölmenn sendinefnd frá Íslandi var á fundinum í Washington, en bæði Steingrímur J. Sigfússon, fjármálaráðherra og Árni Páll Árnason, efnahags- og viðskiptaráðherra, sóttu fundinn ásamt embættismönnum úr báðum ráðuneytum. Þá voru þar helstu framkvæmdastjórar Seðlabankans og Már Guðmundsson, seðlabankastjóri. Nýverið lauk formlega samstarfsáætlun AGS og Íslands, sem hófst í lok árs 2008, með sjöttu endurskoðun sjóðsins. En fram kemur í lokaskýrslu sjóðsins að öll meginmarkmið áætlunar íslenskra stjórnvalda og AGS hafi náð fram að ganga. Zhou Xiaochuan, seðlabankastjóri Kína, sagði á ársfundi sjóðsins í gær, að verði skuldakreppan á evrusvæðinu ekki leyst tafarlaust gæti það leitt til þess að AGS hafi ekki næga fjármuni til að bjarga öðrum ríkjum í fjárhagsvandræðum en mikil eftirspurn er nú eftir aðstoð frá sjóðnum. Christine Lagarde, framkvæmdastjóri AGS, tók undir þetta og sagði að þótt útlánageta sjóðsins væri sterk, eða um 400 milljarðar dollara, þá fölnaði hún í samanburði við áætlaða fjármögnunarþörf margra ríkja sem væru greiðsluvandræðum. Timothy Geithner, fjármálaráðherra Bandaríkjanna, ávarpaði fund stýrinefndar AGS í gær og sagði að evruríkin yrðu að leysa skuldavandann því að öðrum kosti myndi það draga úr þrótti allra annarra björgunaraðgerða, bæði í Evrópu og á heimsvísu, að því er fram kemur í Washington Post. Geithner hefur lagt á það ríka áherslu að ríki Evrópu taki nauðsynleg skref til að sanna að þau standi á bak við veikari ríki eins og Grikkland, en Evrópusambandið og AGS hafa þegar skuldbundið sig til að veita mörg þúsund milljarða króna í fjárhagsaðstoð til handa Grikkjum. Mest lesið Sér ekki vaxtalækkun í kortunum fyrr en í nóvember Viðskipti innlent Kaupum meira og meira þrátt fyrir mikla verðbólgu Neytendur Temu kaupin getu hæglega orðið að fíkn Neytendur Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Ritúalið verður að Skjóli Viðskipti innlent Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Engin hópuppsögn í júlí Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Verði skuldavandi evruríkjanna ekki leystur án tafar gæti það leitt til þess að Alþjóðagjaldeyrissjóðurinn ráði ekki yfir nægum fjármunum til að aðstoða önnur ríki í vanda. Þetta er mat seðlabankastjóra Kína og framkvæmdastjóra Alþjóðagjaldeyrissjóðsins. Í yfirlýsingu sem samþykkt var á ársfundi Alþjóðagjaldeyrissjóðsins í Washington í gær kemur fram að ríkin á evrusvæðinu muni gera allt sem í þeirr valdi stendur til að leysa skuldakreppuna sem ógni efnahagslífi alls heimsins. Í yfirlýsingunni segir að aðildarríki Alþjóðagjaldeyrissjóðsins muni starfa saman til að koma á stöðugleika á mörkuðum og efla traust. Þótt aðstæður aðildarríkja sjóðsins séu mismunandi séu hagkerfi þeirra samtvinnuð og því muni ríkin starfa saman að því að auka traust og stöðugleika á og glæða havöxt á heimsvísu. Fjölmenn sendinefnd frá Íslandi var á fundinum í Washington, en bæði Steingrímur J. Sigfússon, fjármálaráðherra og Árni Páll Árnason, efnahags- og viðskiptaráðherra, sóttu fundinn ásamt embættismönnum úr báðum ráðuneytum. Þá voru þar helstu framkvæmdastjórar Seðlabankans og Már Guðmundsson, seðlabankastjóri. Nýverið lauk formlega samstarfsáætlun AGS og Íslands, sem hófst í lok árs 2008, með sjöttu endurskoðun sjóðsins. En fram kemur í lokaskýrslu sjóðsins að öll meginmarkmið áætlunar íslenskra stjórnvalda og AGS hafi náð fram að ganga. Zhou Xiaochuan, seðlabankastjóri Kína, sagði á ársfundi sjóðsins í gær, að verði skuldakreppan á evrusvæðinu ekki leyst tafarlaust gæti það leitt til þess að AGS hafi ekki næga fjármuni til að bjarga öðrum ríkjum í fjárhagsvandræðum en mikil eftirspurn er nú eftir aðstoð frá sjóðnum. Christine Lagarde, framkvæmdastjóri AGS, tók undir þetta og sagði að þótt útlánageta sjóðsins væri sterk, eða um 400 milljarðar dollara, þá fölnaði hún í samanburði við áætlaða fjármögnunarþörf margra ríkja sem væru greiðsluvandræðum. Timothy Geithner, fjármálaráðherra Bandaríkjanna, ávarpaði fund stýrinefndar AGS í gær og sagði að evruríkin yrðu að leysa skuldavandann því að öðrum kosti myndi það draga úr þrótti allra annarra björgunaraðgerða, bæði í Evrópu og á heimsvísu, að því er fram kemur í Washington Post. Geithner hefur lagt á það ríka áherslu að ríki Evrópu taki nauðsynleg skref til að sanna að þau standi á bak við veikari ríki eins og Grikkland, en Evrópusambandið og AGS hafa þegar skuldbundið sig til að veita mörg þúsund milljarða króna í fjárhagsaðstoð til handa Grikkjum.
Mest lesið Sér ekki vaxtalækkun í kortunum fyrr en í nóvember Viðskipti innlent Kaupum meira og meira þrátt fyrir mikla verðbólgu Neytendur Temu kaupin getu hæglega orðið að fíkn Neytendur Reiknar með því að Bónus sjái Prís sem áskorun Neytendur Lágvöruverðsverslunin Prís opnar í dag Neytendur Ritúalið verður að Skjóli Viðskipti innlent Verðstríð að hefjast á matvörumarkaði Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Engin hópuppsögn í júlí Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira