Glitnir ábyrgðist sölu nýrra stofnfjárbréfa Helga Arnardóttir skrifar 23. janúar 2011 19:31 Glitnir samdi við BYR 2007 um að bankinn ábyrgðist sölu á nýjum stofnfjábréfum í sparisjóðnum fyrir allt að 30 milljarða króna. Ef Byr hefði ekki tekist að selja almenningi bréfin hefði Glitnir sjálfur þurft að greiða milljarðana þrjátíu, með tilheyrandi lækkun á eiginfjárhlutfalli sínu. Glitnir lánaði nokkur hundruð stofnfjáreigendum Byrs og Sparisjóðs Norðurlands í stofnfjárútboðum sjóðanna í lok árs 2007 fyrir rúmlega tíu milljarða króna. Þrír stofnfjáreigendur voru fyrir helgi sýknaðir af greiðslukröfum Íslandsbanka í Héraðsdómi og bera því ekki persónulega ábyrgð á þeim lánum sem þeir fengu. Í dómunum kemur fram að Glitnir virðist hafa lánað til fólks án nokkurrar skoðunar í þessum útboðum. Skipti þar engu hvort um var að ræða börn eða háaldraða, nýstofnuð eignalaus einkahlutafélög með takmarkaða ábyrgð, eða jafnvel fólk á vanskilaskrá. En af hverju var bankanum svona mikið í mun að veita lánin með þessum hætti? „Það kom í ljós að Glitnir var með sölutryggingu og hafði skuldbundið sig til að sölutryggja útboðið hjá Byr fyrir allt að 30 milljarða króna og það skipti auðvitað miklu máli hvort hann þyrfti að efna þá skyldu eða ekki. Ef hann hefði staðið frammi fyrir því að kaupa allt stofnféð þá hefði hann hugsanlega verið að fara gegn ákvæðum laga um fjármálafyrirtæki og hefði þurft að afla samþykkis Fjármálaeftirlitsins. Auk þess hefðu stórfelld kaup hans á stofnfé haft áhrif á eiginfjárhlutfall bankans. Við það hefði staða bankans breysta á almennum lánamarkaði," segir Hróbjartur Jónatansson lögmaður hóps stofnfjáreigenda í Byr. Áður en til málaferlanna kom hafði Íslandsbanki í tvígang neitað að gerður hafði verið sölutryggingarsamningur við Byr í bréfum til Hróbjarts. Fréttastofa hefur hins vegar samninginn undir höndum. Þar segir orðrétt: Sölutryggingin felur í sér sölurétt af hálfu Byrs og kaupskyldu af hálfu Glitnis verði ákveðið að nýta sölutrygginguna. Aldrei kom þó til hennar þar sem bankinn fékk stofnfjáreigendur til þátttöku í útboðinu og ákveðið var að hafa útboðið upp á 23 milljarða í stað 30. Sumir tóku lán hjá Glitni eða öðrum bönkum og aðrir staðgreiddu. Það skýrir þó hvers vegna Glitnir gekk á eftir stofnfjáreigendum með grasið í skónum og eyddi miklu púðri í að sannfæra þá um að taka lán fyrir útboðið með veði í stofnfjárbréfunum sjálfum. Bankinn hafði ríkra hagsmuna að gæta. „Með því að lána þá komst hann undan sölutryggingunni sinni og það var betra fyrir bankann að lána á þeim forsendum að áhætta hans væri bara bundin við stofnbréfin heldur en að þurfa að standa í því að kaupa stofnbréf í Byr fyrir hugsanlega 20 milljarða. Það liggur bara í augum upp, " segir Hróbjartur. Mest lesið „Allt að því galið“ að taka ekki þátt í séreignarsparnaði Viðskipti innlent Ætla að lækka verð með ungverskum tannlæknum Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Google leiðin: Fjögur atvinnuviðtöl yfirdrifið nóg Atvinnulíf Tryggja sér 650 milljóna króna fjármögnun Viðskipti innlent Ný tækifæri: Til dæmis skór úr endurunnu sjávarplasti Atvinnulíf Ummæli Trump vekja áhyggjur af sjálfstæði seðlabanka Viðskipti erlent Hefja sölu áfengis á næstu tveimur vikum Viðskipti innlent Sprenging í sölu á sérsmíðuðum saunaklefum Samstarf Fleiri fréttir Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Starbucks kemur til Íslands Starbucks opnar á Íslandi Á von á nokkrum tilboðum í næstu viku Ný þjónustumiðstöð opnuð við Landeyjahafnarafleggjarann Þóra frá VIRK til Visku Þórður Snær segir skilið við Heimildina Sjá meira
Glitnir samdi við BYR 2007 um að bankinn ábyrgðist sölu á nýjum stofnfjábréfum í sparisjóðnum fyrir allt að 30 milljarða króna. Ef Byr hefði ekki tekist að selja almenningi bréfin hefði Glitnir sjálfur þurft að greiða milljarðana þrjátíu, með tilheyrandi lækkun á eiginfjárhlutfalli sínu. Glitnir lánaði nokkur hundruð stofnfjáreigendum Byrs og Sparisjóðs Norðurlands í stofnfjárútboðum sjóðanna í lok árs 2007 fyrir rúmlega tíu milljarða króna. Þrír stofnfjáreigendur voru fyrir helgi sýknaðir af greiðslukröfum Íslandsbanka í Héraðsdómi og bera því ekki persónulega ábyrgð á þeim lánum sem þeir fengu. Í dómunum kemur fram að Glitnir virðist hafa lánað til fólks án nokkurrar skoðunar í þessum útboðum. Skipti þar engu hvort um var að ræða börn eða háaldraða, nýstofnuð eignalaus einkahlutafélög með takmarkaða ábyrgð, eða jafnvel fólk á vanskilaskrá. En af hverju var bankanum svona mikið í mun að veita lánin með þessum hætti? „Það kom í ljós að Glitnir var með sölutryggingu og hafði skuldbundið sig til að sölutryggja útboðið hjá Byr fyrir allt að 30 milljarða króna og það skipti auðvitað miklu máli hvort hann þyrfti að efna þá skyldu eða ekki. Ef hann hefði staðið frammi fyrir því að kaupa allt stofnféð þá hefði hann hugsanlega verið að fara gegn ákvæðum laga um fjármálafyrirtæki og hefði þurft að afla samþykkis Fjármálaeftirlitsins. Auk þess hefðu stórfelld kaup hans á stofnfé haft áhrif á eiginfjárhlutfall bankans. Við það hefði staða bankans breysta á almennum lánamarkaði," segir Hróbjartur Jónatansson lögmaður hóps stofnfjáreigenda í Byr. Áður en til málaferlanna kom hafði Íslandsbanki í tvígang neitað að gerður hafði verið sölutryggingarsamningur við Byr í bréfum til Hróbjarts. Fréttastofa hefur hins vegar samninginn undir höndum. Þar segir orðrétt: Sölutryggingin felur í sér sölurétt af hálfu Byrs og kaupskyldu af hálfu Glitnis verði ákveðið að nýta sölutrygginguna. Aldrei kom þó til hennar þar sem bankinn fékk stofnfjáreigendur til þátttöku í útboðinu og ákveðið var að hafa útboðið upp á 23 milljarða í stað 30. Sumir tóku lán hjá Glitni eða öðrum bönkum og aðrir staðgreiddu. Það skýrir þó hvers vegna Glitnir gekk á eftir stofnfjáreigendum með grasið í skónum og eyddi miklu púðri í að sannfæra þá um að taka lán fyrir útboðið með veði í stofnfjárbréfunum sjálfum. Bankinn hafði ríkra hagsmuna að gæta. „Með því að lána þá komst hann undan sölutryggingunni sinni og það var betra fyrir bankann að lána á þeim forsendum að áhætta hans væri bara bundin við stofnbréfin heldur en að þurfa að standa í því að kaupa stofnbréf í Byr fyrir hugsanlega 20 milljarða. Það liggur bara í augum upp, " segir Hróbjartur.
Mest lesið „Allt að því galið“ að taka ekki þátt í séreignarsparnaði Viðskipti innlent Ætla að lækka verð með ungverskum tannlæknum Viðskipti innlent Verðstríð að hefjast á matvörumarkaði Neytendur Susan Wojcicki er látin Viðskipti erlent Google leiðin: Fjögur atvinnuviðtöl yfirdrifið nóg Atvinnulíf Tryggja sér 650 milljóna króna fjármögnun Viðskipti innlent Ný tækifæri: Til dæmis skór úr endurunnu sjávarplasti Atvinnulíf Ummæli Trump vekja áhyggjur af sjálfstæði seðlabanka Viðskipti erlent Hefja sölu áfengis á næstu tveimur vikum Viðskipti innlent Sprenging í sölu á sérsmíðuðum saunaklefum Samstarf Fleiri fréttir Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Starbucks kemur til Íslands Starbucks opnar á Íslandi Á von á nokkrum tilboðum í næstu viku Ný þjónustumiðstöð opnuð við Landeyjahafnarafleggjarann Þóra frá VIRK til Visku Þórður Snær segir skilið við Heimildina Sjá meira