Hrunadansinn við Tchenguiz bræður kostaði 370 milljarða 15. febrúar 2011 10:00 Breska blaðið The Guardian fjallar ítarlega í dag um viðskipti þeirra Tchenguiz bræðra við Kaupþing undir fyrirsögninni „Hvernig skuldadans Kaupþings við Tchenguiz bræðurna endaði með 2 milljarða punda hruni." Upphæðin samsvarar ríflega 370 milljörðum kr. „Þótt það komi á óvart eru tveir af spjátrungslegustu og ágengustu fasteignamógúlum í Mayfair hverfisins, Robert og Vincent Tchenguiz enn standandi. Þrátt fyrir að hafa horft upp á 2 milljarða punda fjárfestingar sínar hrynja til grunna á undanförnum árum virðast bræðurnir enn efnaðir og njóta alls þess sem heimur hinna ofurríku hefur upp á að bjóða," segir í upphafi umfjöllunar Guardian. „Veni, Vidi, Vici hin 40 metra langa lúxussnekkja Vincents liggur enn við bryggju á Rívíerunni sem og hin 45 metra langa snekkja My Little Violet sem er í eigu bróður hans. Blaðið rifjar upp fréttir síðustu daga um að eignarhald á umfangsmiklu fasteignaveldi Vincent er nú komið í hendur skilanefndar Kaupþings en um tíma námu útlán þess banka við þá bræður um 55% af eiginfé bankans. Fyrir utan að hafa misst fasteignaveldi sitt hefur Kaupþing leyst til sín flestar eignir þeirra bræðra. Þar má meðal annars nefna 10% hlut í Sainsbury verslunarkeðjunni, 27% hlut í kráarkeðjunni Mitchells & Butlers, meirahlutann í Lara Croft tölvuleikjaveldinu og minni hluta í brugghúsinu Greene King and Marston´s. Þeir Tchenguiz bræður eiga nú í málaferlum við Kaupþing bæði í London og Reykjavík. Þeir halda því m.a. fram að bankinn hafi lánað of mikið til Roberts og þar með brotið íslensk lög um bankastarfsemi. Þar að auki hafi bankinn logið að Vincent um hve mikið af veðum þyrfti til að halda þessum lánum gangandi. Kaupþing hefði átt að skrá lánin til þeirra bræðra sem lán til tengdra aðila en samanlagt námu þau um 80% af eiginfé bankans. Þar að auki hafi Kaupþingi láðst að láta Vincent vita af því þegar bankinn jók við yfirdráttinn hjá Robert. Mest lesið Öllu starfsfólki kollagenvinnslu í Grindavík sagt upp Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Breska blaðið The Guardian fjallar ítarlega í dag um viðskipti þeirra Tchenguiz bræðra við Kaupþing undir fyrirsögninni „Hvernig skuldadans Kaupþings við Tchenguiz bræðurna endaði með 2 milljarða punda hruni." Upphæðin samsvarar ríflega 370 milljörðum kr. „Þótt það komi á óvart eru tveir af spjátrungslegustu og ágengustu fasteignamógúlum í Mayfair hverfisins, Robert og Vincent Tchenguiz enn standandi. Þrátt fyrir að hafa horft upp á 2 milljarða punda fjárfestingar sínar hrynja til grunna á undanförnum árum virðast bræðurnir enn efnaðir og njóta alls þess sem heimur hinna ofurríku hefur upp á að bjóða," segir í upphafi umfjöllunar Guardian. „Veni, Vidi, Vici hin 40 metra langa lúxussnekkja Vincents liggur enn við bryggju á Rívíerunni sem og hin 45 metra langa snekkja My Little Violet sem er í eigu bróður hans. Blaðið rifjar upp fréttir síðustu daga um að eignarhald á umfangsmiklu fasteignaveldi Vincent er nú komið í hendur skilanefndar Kaupþings en um tíma námu útlán þess banka við þá bræður um 55% af eiginfé bankans. Fyrir utan að hafa misst fasteignaveldi sitt hefur Kaupþing leyst til sín flestar eignir þeirra bræðra. Þar má meðal annars nefna 10% hlut í Sainsbury verslunarkeðjunni, 27% hlut í kráarkeðjunni Mitchells & Butlers, meirahlutann í Lara Croft tölvuleikjaveldinu og minni hluta í brugghúsinu Greene King and Marston´s. Þeir Tchenguiz bræður eiga nú í málaferlum við Kaupþing bæði í London og Reykjavík. Þeir halda því m.a. fram að bankinn hafi lánað of mikið til Roberts og þar með brotið íslensk lög um bankastarfsemi. Þar að auki hafi bankinn logið að Vincent um hve mikið af veðum þyrfti til að halda þessum lánum gangandi. Kaupþing hefði átt að skrá lánin til þeirra bræðra sem lán til tengdra aðila en samanlagt námu þau um 80% af eiginfé bankans. Þar að auki hafi Kaupþingi láðst að láta Vincent vita af því þegar bankinn jók við yfirdráttinn hjá Robert.
Mest lesið Öllu starfsfólki kollagenvinnslu í Grindavík sagt upp Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Sprenging í sölu á sérsmíðuðum saunaklefum Samstarf Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira