Myndi engan vanda leysa 16. september 2011 05:00 Philippe de Buck Framkvæmdastjóri samtaka evrópska iðnaðarins segir ákvörðunartökuferli evruríkjanna of hægfara.fréttablaðið/Pjetur „Grikklandi verður að bjarga. Annað kemur ekki til greina,“ segir Philippe de Buck, framkvæmdastjóri BUSINESSEUROPE, samtaka evrópska iðnaðarins. „Ástæðan er sú að við getum ekki látið Spán og Ítalíu falla. Það væri óhugsandi.“ Hann segir ekki mögulegt að yfirgefa evrusvæðið; hvorki geri sáttmálar ESB ráð fyrir því né heldur verði það fjárhagslega mögulegt fyrir Grikkland. „Það myndi ekki leysa vandamál Grikklands og það myndi ekki leysa vandamál Evrópu, því þetta væri þá orðinn hlutur og hvað myndi þá gerast þegar önnur lönd þyrftu að yfirgefa evrusvæðið? Það verður að gera allt sem í okkar valdi stendur til að bjarga evrunni.“ Hann segir ekkert vanta upp á að stofnanir Evrópusambandsins ráði við þetta verkefni. Staðfestingarferlið innan ríkjanna 27 sé hins vegar allt of hægfara. „Því miður eru ákvarðanirnar alltaf teknar of seint, en við verðum að hraða þessu,“ segir de Buck og minnir á að 21. júlí hafi ráðherraráð Evrópusambandsins ákveðið að grípa til aðgerða sem hafi átt að tryggja stöðu bæði evrunnar og Grikklands. Þær ákvarðanir þarf að bera undir þjóðþing 27 aðildarríkja Evrópusambandsins. „Nú stefnir í að við gætum þurft að bíða til áramóta eftir því að þessi ákvörðun komi til framkvæmda, sem er algjörlega óviðunandi. Aðildarríkin og þjóðþing þeirra eru vel fær um að taka ákvarðanir hratt og vel þegar brýn þörf er á því.“ De Buck er í nokkurra daga heimsókn á Íslandi til að kynna sér ástandið hér á Íslandi, efnahagslífið og afstöðu Íslendinga, meðal annars til Evrópusambandsins og hugsanlegrar aðildar Íslands að því. Hann segist reyndar koma hingað á hárréttum tíma, nú þegar íslenskt efnahagslíf sé að byrja að rétta úr kútnum eftir mikla erfiðleika. Þrátt fyrir vaxandi erfiðleika á evrusvæðinu þurfi Íslendingar ekki að hika við aðild að Evrópusambandinu og þar með evrunni. „Auðvitað er það ákvörðun Íslendinga sjálfra og íslenskra stofnana. En ég veit það, eftir að hafa starfað árum saman á vettvangi Evrópusambandsins, að þátttaka í sameiginlegum evrópskum markaði er hagkvæm bæði fyrir einstaklinga og fyrirtæki, að því skilyrði gefnu að allir fari að leikreglum.“ Bæði leiðtogar Evrópusambandsríkjanna og framkvæmdastjórn Evrópusambandsins þurfi hins vegar að einbeita sér að því að auka hagvöxt og skapa atvinnu. Það sé brýnasta verkefnið nú, ásamt því að bjarga evrunni. BUSINESSEUROPE eru heildarsamtök sem bæði Samtök iðnaðarins og Samtök atvinnulífsins hér á landi eiga aðild að, rétt eins og sambærileg samtök í 34 Evrópulöndum. Philippe de Buck verður aðalræðumaður á ráðstefnu Samtaka iðnaðarins sem haldin verður í dag undir yfirskriftinni Hvert stefnir Evrópa? gudsteinn@frettabladid.is Fréttir Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Óljóst hvort breytingarnar bjargi rekstri Play Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Play í frjálsu falli Viðskipti innlent Hagkaup hættir sölu á Sodastream í kjölfar mótmæla Viðskipti innlent Sölunni slegið á frest Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
„Grikklandi verður að bjarga. Annað kemur ekki til greina,“ segir Philippe de Buck, framkvæmdastjóri BUSINESSEUROPE, samtaka evrópska iðnaðarins. „Ástæðan er sú að við getum ekki látið Spán og Ítalíu falla. Það væri óhugsandi.“ Hann segir ekki mögulegt að yfirgefa evrusvæðið; hvorki geri sáttmálar ESB ráð fyrir því né heldur verði það fjárhagslega mögulegt fyrir Grikkland. „Það myndi ekki leysa vandamál Grikklands og það myndi ekki leysa vandamál Evrópu, því þetta væri þá orðinn hlutur og hvað myndi þá gerast þegar önnur lönd þyrftu að yfirgefa evrusvæðið? Það verður að gera allt sem í okkar valdi stendur til að bjarga evrunni.“ Hann segir ekkert vanta upp á að stofnanir Evrópusambandsins ráði við þetta verkefni. Staðfestingarferlið innan ríkjanna 27 sé hins vegar allt of hægfara. „Því miður eru ákvarðanirnar alltaf teknar of seint, en við verðum að hraða þessu,“ segir de Buck og minnir á að 21. júlí hafi ráðherraráð Evrópusambandsins ákveðið að grípa til aðgerða sem hafi átt að tryggja stöðu bæði evrunnar og Grikklands. Þær ákvarðanir þarf að bera undir þjóðþing 27 aðildarríkja Evrópusambandsins. „Nú stefnir í að við gætum þurft að bíða til áramóta eftir því að þessi ákvörðun komi til framkvæmda, sem er algjörlega óviðunandi. Aðildarríkin og þjóðþing þeirra eru vel fær um að taka ákvarðanir hratt og vel þegar brýn þörf er á því.“ De Buck er í nokkurra daga heimsókn á Íslandi til að kynna sér ástandið hér á Íslandi, efnahagslífið og afstöðu Íslendinga, meðal annars til Evrópusambandsins og hugsanlegrar aðildar Íslands að því. Hann segist reyndar koma hingað á hárréttum tíma, nú þegar íslenskt efnahagslíf sé að byrja að rétta úr kútnum eftir mikla erfiðleika. Þrátt fyrir vaxandi erfiðleika á evrusvæðinu þurfi Íslendingar ekki að hika við aðild að Evrópusambandinu og þar með evrunni. „Auðvitað er það ákvörðun Íslendinga sjálfra og íslenskra stofnana. En ég veit það, eftir að hafa starfað árum saman á vettvangi Evrópusambandsins, að þátttaka í sameiginlegum evrópskum markaði er hagkvæm bæði fyrir einstaklinga og fyrirtæki, að því skilyrði gefnu að allir fari að leikreglum.“ Bæði leiðtogar Evrópusambandsríkjanna og framkvæmdastjórn Evrópusambandsins þurfi hins vegar að einbeita sér að því að auka hagvöxt og skapa atvinnu. Það sé brýnasta verkefnið nú, ásamt því að bjarga evrunni. BUSINESSEUROPE eru heildarsamtök sem bæði Samtök iðnaðarins og Samtök atvinnulífsins hér á landi eiga aðild að, rétt eins og sambærileg samtök í 34 Evrópulöndum. Philippe de Buck verður aðalræðumaður á ráðstefnu Samtaka iðnaðarins sem haldin verður í dag undir yfirskriftinni Hvert stefnir Evrópa? gudsteinn@frettabladid.is
Fréttir Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Óljóst hvort breytingarnar bjargi rekstri Play Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Play í frjálsu falli Viðskipti innlent Hagkaup hættir sölu á Sodastream í kjölfar mótmæla Viðskipti innlent Sölunni slegið á frest Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira