Justice skiptir um gír Trausti Júlíusson skrifar 10. nóvember 2011 16:00 Franska dúóið Justice sló í gegn með fyrstu plötunni sinni, Cross, árið 2007. Nú er plata númer tvö komin út, Audio Video Disco. Hvað gera hljómsveitir sem slá í gegn með fyrstu plötunni sinni næst? Oftast byggja þær á sama grunni, en reyna að þróa tónlistina áfram. Franska hljómsveitin Justice valdi aðra leið. Nýja platan þeirra er allt öðruvísi en frumburðurinn. Á fyrstu plötunni var danstónlist, á þeirri nýju er popp. Justice er skipuð þeim Gaspard Augé og Xavier de Rosnay. Þeir vöktu fyrst athygli árið 2003 þegar þeir sendu endurgerð af laginu Never Be Alone með ensku hljómsveitinni Simian í samkeppni á vegum franskrar háskólaútvarpsstöðvar. Í framhaldi af því gerði Ed Banger-útgáfan í París samning við þá og gaf út fyrstu smáskífuna þeirra, Waters of Nazareth, í september 2005. Fyrsta stóra platan, Cross, kom svo út í júní 2007 og var meðal annars tilnefnd til Grammy og Mercury-verðlaunanna. Eftir útkomu plötunnar bjuggu þeir Gaspard og Xavier til öflugt tónleikaprógramm sem þeir spiluðu víða á árunum 2007 og 2008. Þeir fóru til að mynda í vel heppnaða tónleikaferð um Bandaríkin og spiluðu á nokkrum af stærstu tónlistarhátíðum heims. Krossinn er tákn Justice á plötuumslögum, auglýsingaefni og tónleikum. Gaspard og Xavier vilja ekkert gefa upp um það hvort það sé einhver sérstök hugmynd eða boðskapur á bak við hann, vilja láta fólk brjóta heilann um það. Eins og áður segir var tónlistin á Cross danstónlist, með smá rokkáhrifum. Hljómurinn á henni var hrár og kraftmikill. Nýja platan er allt öðruvísi. Á henni er popprokk með mjög sterkum tilvísunum í gamlar spandex-klæddar gítarhetjusveitir, hvort sem við tölum um Van Halen, The Who, Toto eða Yes. Hljómurinn er mýkri heldur en á fyrri plötunni og tónlistin á betur við heima í stofu heldur en á dansgólfinu. Þó að áhrifin frá rokki áttunda og níunda áratugarins séu augljós á Audio Video Disco gera Frakkarnir þetta samt á nýjan hátt. Þeir bæta inn í blönduna smá ítaló diskó áhrifum og franskri fágun og útkoman verður algerlega ómótstæðileg. Að sumu leyti minnir nálgun Justice á Audio Video Disco á nálgun samlanda þeirra í Daft Punk þegar sú sveit gerði hina frábæru Discovery. Það endurspeglast í tónlistinni ósvikin aðdáun á gömlu hetjunum, en líka húmor fyrir þeim. Og svo matreiða þeir þetta á sinn hátt. Þeir Gaspard og Xavier segja í nýlegu viðtali í franska blaðinu Les Inrockuptibles að plötunni hafi verið misvel tekið af vinum þeirra: „Sumir þeirra þola hana ekki og skilja ekkert hvað við erum að fara." Þeir segja líka að það hafi aldrei verið aðalatriðið fyrir þá að búa til tónlist fyrir dansgólfið. Og þeir segjast ekki kunna það: „Það spilar enginn klúbbur lögin okkar, bara endurhljóðblandaðar dansútgáfur af þeim." Þeir dvelja núna í London þar sem þeir eru að undirbúa tónleikaferð sem hefst í janúar. Audio Video Disco hefur víðast fengið fína dóma. Flestir gagnrýnendur virðast vera með á nótunum. Pitchforkmedia er að vísu undantekning, en það er svo sem ekkert nýtt. Mér finnst platan ótrúlega skemmtileg, næ henni ekki úr spilaranum… Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Franska dúóið Justice sló í gegn með fyrstu plötunni sinni, Cross, árið 2007. Nú er plata númer tvö komin út, Audio Video Disco. Hvað gera hljómsveitir sem slá í gegn með fyrstu plötunni sinni næst? Oftast byggja þær á sama grunni, en reyna að þróa tónlistina áfram. Franska hljómsveitin Justice valdi aðra leið. Nýja platan þeirra er allt öðruvísi en frumburðurinn. Á fyrstu plötunni var danstónlist, á þeirri nýju er popp. Justice er skipuð þeim Gaspard Augé og Xavier de Rosnay. Þeir vöktu fyrst athygli árið 2003 þegar þeir sendu endurgerð af laginu Never Be Alone með ensku hljómsveitinni Simian í samkeppni á vegum franskrar háskólaútvarpsstöðvar. Í framhaldi af því gerði Ed Banger-útgáfan í París samning við þá og gaf út fyrstu smáskífuna þeirra, Waters of Nazareth, í september 2005. Fyrsta stóra platan, Cross, kom svo út í júní 2007 og var meðal annars tilnefnd til Grammy og Mercury-verðlaunanna. Eftir útkomu plötunnar bjuggu þeir Gaspard og Xavier til öflugt tónleikaprógramm sem þeir spiluðu víða á árunum 2007 og 2008. Þeir fóru til að mynda í vel heppnaða tónleikaferð um Bandaríkin og spiluðu á nokkrum af stærstu tónlistarhátíðum heims. Krossinn er tákn Justice á plötuumslögum, auglýsingaefni og tónleikum. Gaspard og Xavier vilja ekkert gefa upp um það hvort það sé einhver sérstök hugmynd eða boðskapur á bak við hann, vilja láta fólk brjóta heilann um það. Eins og áður segir var tónlistin á Cross danstónlist, með smá rokkáhrifum. Hljómurinn á henni var hrár og kraftmikill. Nýja platan er allt öðruvísi. Á henni er popprokk með mjög sterkum tilvísunum í gamlar spandex-klæddar gítarhetjusveitir, hvort sem við tölum um Van Halen, The Who, Toto eða Yes. Hljómurinn er mýkri heldur en á fyrri plötunni og tónlistin á betur við heima í stofu heldur en á dansgólfinu. Þó að áhrifin frá rokki áttunda og níunda áratugarins séu augljós á Audio Video Disco gera Frakkarnir þetta samt á nýjan hátt. Þeir bæta inn í blönduna smá ítaló diskó áhrifum og franskri fágun og útkoman verður algerlega ómótstæðileg. Að sumu leyti minnir nálgun Justice á Audio Video Disco á nálgun samlanda þeirra í Daft Punk þegar sú sveit gerði hina frábæru Discovery. Það endurspeglast í tónlistinni ósvikin aðdáun á gömlu hetjunum, en líka húmor fyrir þeim. Og svo matreiða þeir þetta á sinn hátt. Þeir Gaspard og Xavier segja í nýlegu viðtali í franska blaðinu Les Inrockuptibles að plötunni hafi verið misvel tekið af vinum þeirra: „Sumir þeirra þola hana ekki og skilja ekkert hvað við erum að fara." Þeir segja líka að það hafi aldrei verið aðalatriðið fyrir þá að búa til tónlist fyrir dansgólfið. Og þeir segjast ekki kunna það: „Það spilar enginn klúbbur lögin okkar, bara endurhljóðblandaðar dansútgáfur af þeim." Þeir dvelja núna í London þar sem þeir eru að undirbúa tónleikaferð sem hefst í janúar. Audio Video Disco hefur víðast fengið fína dóma. Flestir gagnrýnendur virðast vera með á nótunum. Pitchforkmedia er að vísu undantekning, en það er svo sem ekkert nýtt. Mér finnst platan ótrúlega skemmtileg, næ henni ekki úr spilaranum…
Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira