Bandaríkjamenn segjast fara að lögum

Bandarísk stjórnvöld segjast fullvissa íslensk yfirvöld um að rannsókn dómsmálaráðuneytis Bandaríkjanna fari fram í samræmi við bandarísk lög og lúti öllum viðmiðunum um réttarreglur og sanngjarna málsmeðferð sem bundnar eru í stjórnarskrá Bandaríkjanna og viðeigandi alríkislögum.

Þetta segja bandarísk stjórnvöld í yfirlýsingu sem þau hafa sent frá sér vegna frétta um að dómsmálaráðuneyti Bandaríkjanna hafi farið fram á að samskiptasíðan Twitter afhendi ráðuneytinu allar færslur Birgittu Jónsdóttur þingmanns Hreyfingarinnar og aðrar persónuupplýsingar hennar.