Völd og fórnarkostnaður Haukur Viðar Alfreðsson skrifar 18. nóvember 2011 20:00 Hæfileikamaður Ryan Gosling er góður í hlutverki Stephens Meyers í The Ides of March. Bíó. The Ides of March. Leikstjórn: George Clooney. Leikarar: Ryan Gosling, George Clooney, Philip Seymour Hoffman, Paul Giamatti, Evan Rachel Wood, Marisa Tomei, Jeffrey Wright. Frjálslyndi demókratinn Mike Morris (George Clooney) berst fyrir tilnefningu flokksins til forsetaframboðs og er kominn langt á leið í baráttunni. Í myndinni The Ides of March fylgjumst við hins vegar aðallega með fólkinu á bak við frambjóðandann. Fólkinu sem verndar frambjóðandann fyrir umhverfinu og sjálfum sér. Pólitíkusar eru nefnilega stundum eins og ofvaxin börn í jakkafötum, þó að þessi tiltekni frambjóðandi virðist reyndar hafa heilmikið til brunns að bera. Persónurnar á bak við tjöldin hafa mismunandi ástæður fyrir veru sinni þar. Einn helsti hugsjónamaðurinn, hinn ungi Stephen Meyers (Ryan Gosling), er fórnfús vinnuþjarkur og drifinn áfram af trú á málstaðnum. Það byrjar þó að hrikta í stoðunum og þá stendur hann frammi fyrir erfiðum ákvörðunum. Gosling er fantagóður leikari og gerir persónu sinni góð skil. Hæfileika sína sannar hann með því að leika á móti fallbyssunum Philip SeymourHoffman og Paul Giamatti án þess að verða litlaus og óspennandi. Evan Rachel Wood er frábær í hlutverki Molly Stearns, ungrar konu sem framboðsvélin býður velkomna, tyggur vandlega og spýtir síðan út úr sér eins og hverju öðru rusli. Maður ímyndar sér að á bak við hvern einasta frambjóðanda sé handfylli af harmsögum sem almenningur fær aldrei að heyra, og saga Molly er ein slík. George Clooney verður sífellt betri leikstjóri. Myndir um masandi jakkalakka virðast henta honum einstaklega vel og það sem sumum kann að þykja óspennandi efniviður nær hann að matreiða á nokkuð ferskan og skemmtilegan máta. Þá fannst mér eftirtektarvert hversu glæsileg myndatakan er og einnig er tónlistin hressileg og furðulega fjölbreytt en á þó alltaf merkilega vel við. The Ides of March hefur verið spáð góðu gengi á verðlaunaafhendingum fram undan og ég get tekið undir þær spár. Georg gamli veit alveg hvað hann er að gera. Niðurstaða: Mögnuð og vel gerð mynd um harðsnúna valdabaráttu og fórnarkostnað hennar. Mest lesið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið „Ef þú ræðst svona aftur á mig þá stíg ég á fótinn þinn“ Lífið Fullkomið tan og tryllt partý Lífið samstarf Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Krílaeggið er nýjasta páskaeggið frá Freyju Lífið samstarf Horfði aftur á keppnina þegar hún kom heim Lífið Vel yfir milljón á fermetrann og baðkar í eldhúsinu Lífið Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Bíó. The Ides of March. Leikstjórn: George Clooney. Leikarar: Ryan Gosling, George Clooney, Philip Seymour Hoffman, Paul Giamatti, Evan Rachel Wood, Marisa Tomei, Jeffrey Wright. Frjálslyndi demókratinn Mike Morris (George Clooney) berst fyrir tilnefningu flokksins til forsetaframboðs og er kominn langt á leið í baráttunni. Í myndinni The Ides of March fylgjumst við hins vegar aðallega með fólkinu á bak við frambjóðandann. Fólkinu sem verndar frambjóðandann fyrir umhverfinu og sjálfum sér. Pólitíkusar eru nefnilega stundum eins og ofvaxin börn í jakkafötum, þó að þessi tiltekni frambjóðandi virðist reyndar hafa heilmikið til brunns að bera. Persónurnar á bak við tjöldin hafa mismunandi ástæður fyrir veru sinni þar. Einn helsti hugsjónamaðurinn, hinn ungi Stephen Meyers (Ryan Gosling), er fórnfús vinnuþjarkur og drifinn áfram af trú á málstaðnum. Það byrjar þó að hrikta í stoðunum og þá stendur hann frammi fyrir erfiðum ákvörðunum. Gosling er fantagóður leikari og gerir persónu sinni góð skil. Hæfileika sína sannar hann með því að leika á móti fallbyssunum Philip SeymourHoffman og Paul Giamatti án þess að verða litlaus og óspennandi. Evan Rachel Wood er frábær í hlutverki Molly Stearns, ungrar konu sem framboðsvélin býður velkomna, tyggur vandlega og spýtir síðan út úr sér eins og hverju öðru rusli. Maður ímyndar sér að á bak við hvern einasta frambjóðanda sé handfylli af harmsögum sem almenningur fær aldrei að heyra, og saga Molly er ein slík. George Clooney verður sífellt betri leikstjóri. Myndir um masandi jakkalakka virðast henta honum einstaklega vel og það sem sumum kann að þykja óspennandi efniviður nær hann að matreiða á nokkuð ferskan og skemmtilegan máta. Þá fannst mér eftirtektarvert hversu glæsileg myndatakan er og einnig er tónlistin hressileg og furðulega fjölbreytt en á þó alltaf merkilega vel við. The Ides of March hefur verið spáð góðu gengi á verðlaunaafhendingum fram undan og ég get tekið undir þær spár. Georg gamli veit alveg hvað hann er að gera. Niðurstaða: Mögnuð og vel gerð mynd um harðsnúna valdabaráttu og fórnarkostnað hennar.
Mest lesið Þetta er ástæðan fyrir því að þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið „Ef þú ræðst svona aftur á mig þá stíg ég á fótinn þinn“ Lífið Fullkomið tan og tryllt partý Lífið samstarf Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Krílaeggið er nýjasta páskaeggið frá Freyju Lífið samstarf Horfði aftur á keppnina þegar hún kom heim Lífið Vel yfir milljón á fermetrann og baðkar í eldhúsinu Lífið Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira