Umfjöllun og viðtöl: Fram-FH 34-33 Elvar Geir Magnússon í Safamýri skrifar 17. nóvember 2011 15:54 mynd/anton Topplið Fram vann dramatískan sigur, 34-33, á FH í stórleik kvöldsins í N1-deild karla. Úrslitin réðust á lokamínútunni þar sem Róbert Aron Hostet skoraði sigurmarkið áður en skot Andra Bergs Haraldssonar sigldi framhjá rétt áður lokaflautið gall. Leikurinn var ótrúlega kaflaskiptur en þegar upp var staðið héldu taugar Fram betur. Framarar girtu sig í brók eftir óvænt tap gegn Aftureldingu, einu lélegasta liði deildarinnar, fyrir viku síðan. Þeir leiddu með tveggja marka mun í hálfleik. Ingimundur Ingimundarson var í hörkugír og skoraði alls átta mörk í leiknum, öll reyndar á fyrstu 35 mínútunum. Vörn og markvarsla beggja liða í fyrri hálfleik var ekki til útflutnings. Sérstaklega hjá gestunum þar sem aðeins eitt varið skot kom fyrir hlé. Í seinni hálfleik skánaði varnarþátturinn. Fram byrjaði af krafti og komst fimm mörkum yfir áður en FH-ingar náðu frábærum kafla. Gestirnir voru tveimur mörkum yfir þegar átta mínútur voru eftir og lokakaflinn æsispennandi. Á kafla féll dómgæslan engan veginn með Fram við litla hrifningu Einars Jónssonar þjálfara liðsins en hann fékk á sig tveggja mínútna brottvísun á lokasprettinum. Heimamenn sýndu þó karakter og kláruðu leikinn með sigri en sigurmark Róberts var sérlega glæsilegt þrumuskot. Þá verður að hrósa innkomu Arnars Birkis Hálfdánarsonar sem skoraði mikilvæg mörk í seinni hálfleiknum og var óragur að láta vaða. Ingimundur: Ég varð að taka af skarið.FH réð lítið við Ingimund í kvöld.mynd/anton„Við vorum þéttir og flottir sóknarlega í fyrri hálfleik," sagði Ingimundur Ingimundarson, markahæsti leikmaður Fram í kvöld. „Það vantaði hinsvegar vörn og markvörslu í dag og þar að auki var pressa á okkur að skora í hverri sókn. Það kom slæmur kafli sóknarlega í seinni hálfleik og þá komst FH á lagið en það komu ungir strákar inn og sýndu að það er hægt að treysta á þá. Arnar Birkir kom inn og skoraði góð mörk og kom okkur á lagið aftur." „Ég varð að taka á skarið, þeir voru ekkert að sækja í mig," sagði Ingimundur en hann skoraði átta mörk í leiknum. Hann vill ekki nota orðið slys um tapið gegn Aftureldingu í síðasta leik. „Við mætum á heimavöll til að vinna alla leiki en slys eða ekki slys... við vorum ekki nægilega góðir á meðan Afturelding átti góðan leik. En það þýðir ekki að dvelja við þann leik, við unnum í kvöld og horfum fram á veginn." Kristján: Vörnin hriplek og markvarslan eftir þvíSigfús Páll átti lipra spretti í kvöld.mynd/anton„Það er svekkjandi að fá ekki stig úr þessum leik fyrst við komumst inn í leikinn. Þetta voru alveg sanngjörn úrslit en svona er þetta," sagði Kristján Arason, þjálfari FH, eftir leikinn. „Þetta var nokkuð furðulegur leikur þar sem allt lak inn í fyrri hálfleik en svo komu meiri varnir og spenna í seinni hálfleik. Þetta var hörkuleikur toppliða. Við bjuggumst við hörkuleik og sú varð raunin. Framarar spila góða vörn en við náðum ágætlega að höndla hana." „Í fyrri hálfleik var vörnin alveg hriplek og markvarslan eftir því. Það kom óöryggi á markverðina því þeir fengu of frí skot. Svo fundu markverðirnir sig ekki og við það varð vörnin líka óörugg. Það var ekki fyrr en við breyttum í 5-1 vörn sem við náðum að loka aðeins á þá og komast aftur inn í leikinn en það dugði ekki." Markvörðurinn Pálmar Pétursson er kominn aftur í FH-búninginn og spilaði hluta leiksins en leikformið er ekki komið og hann fann sig ekki. Kristján segir að hann sé þó kominn til að vera. „Hann er búinn að vera með okkur. Hann var aðeins óöruggur í sínum fyrsta leik en það var gott að vera með hann. Þetta er langur vetur og fínt að hafa þrjá markverði," sagði Kristján. Olís-deild karla Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: ÍA - Víkingur | Víkingar ætla að halda toppsætinu Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: Man. Utd. - Brentford | Hitnar enn frekar undir Ten Hag? Enski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Fleiri fréttir Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Óskar Bjarni: Bara fúll að hafa ekki unnið Guðmundur Bragi og Stiven á sigurbraut Uppgjörið: FH - Gummersbach 21-40 | Lærisveinar Guðjóns Vals sýndu enga miskunn Elvar og Arnar í toppmálum í riðli Vals Uppgjörið: Valur - Porto 27-27 | Ótrúlegir Valsmenn náðu að landa stigi „Ég held að þetta sé það besta sem gat komið fyrir“ „Verið að selja Gummersbach-treyjur á svarta markaðnum í Eyjum“ Sjá meira
Topplið Fram vann dramatískan sigur, 34-33, á FH í stórleik kvöldsins í N1-deild karla. Úrslitin réðust á lokamínútunni þar sem Róbert Aron Hostet skoraði sigurmarkið áður en skot Andra Bergs Haraldssonar sigldi framhjá rétt áður lokaflautið gall. Leikurinn var ótrúlega kaflaskiptur en þegar upp var staðið héldu taugar Fram betur. Framarar girtu sig í brók eftir óvænt tap gegn Aftureldingu, einu lélegasta liði deildarinnar, fyrir viku síðan. Þeir leiddu með tveggja marka mun í hálfleik. Ingimundur Ingimundarson var í hörkugír og skoraði alls átta mörk í leiknum, öll reyndar á fyrstu 35 mínútunum. Vörn og markvarsla beggja liða í fyrri hálfleik var ekki til útflutnings. Sérstaklega hjá gestunum þar sem aðeins eitt varið skot kom fyrir hlé. Í seinni hálfleik skánaði varnarþátturinn. Fram byrjaði af krafti og komst fimm mörkum yfir áður en FH-ingar náðu frábærum kafla. Gestirnir voru tveimur mörkum yfir þegar átta mínútur voru eftir og lokakaflinn æsispennandi. Á kafla féll dómgæslan engan veginn með Fram við litla hrifningu Einars Jónssonar þjálfara liðsins en hann fékk á sig tveggja mínútna brottvísun á lokasprettinum. Heimamenn sýndu þó karakter og kláruðu leikinn með sigri en sigurmark Róberts var sérlega glæsilegt þrumuskot. Þá verður að hrósa innkomu Arnars Birkis Hálfdánarsonar sem skoraði mikilvæg mörk í seinni hálfleiknum og var óragur að láta vaða. Ingimundur: Ég varð að taka af skarið.FH réð lítið við Ingimund í kvöld.mynd/anton„Við vorum þéttir og flottir sóknarlega í fyrri hálfleik," sagði Ingimundur Ingimundarson, markahæsti leikmaður Fram í kvöld. „Það vantaði hinsvegar vörn og markvörslu í dag og þar að auki var pressa á okkur að skora í hverri sókn. Það kom slæmur kafli sóknarlega í seinni hálfleik og þá komst FH á lagið en það komu ungir strákar inn og sýndu að það er hægt að treysta á þá. Arnar Birkir kom inn og skoraði góð mörk og kom okkur á lagið aftur." „Ég varð að taka á skarið, þeir voru ekkert að sækja í mig," sagði Ingimundur en hann skoraði átta mörk í leiknum. Hann vill ekki nota orðið slys um tapið gegn Aftureldingu í síðasta leik. „Við mætum á heimavöll til að vinna alla leiki en slys eða ekki slys... við vorum ekki nægilega góðir á meðan Afturelding átti góðan leik. En það þýðir ekki að dvelja við þann leik, við unnum í kvöld og horfum fram á veginn." Kristján: Vörnin hriplek og markvarslan eftir þvíSigfús Páll átti lipra spretti í kvöld.mynd/anton„Það er svekkjandi að fá ekki stig úr þessum leik fyrst við komumst inn í leikinn. Þetta voru alveg sanngjörn úrslit en svona er þetta," sagði Kristján Arason, þjálfari FH, eftir leikinn. „Þetta var nokkuð furðulegur leikur þar sem allt lak inn í fyrri hálfleik en svo komu meiri varnir og spenna í seinni hálfleik. Þetta var hörkuleikur toppliða. Við bjuggumst við hörkuleik og sú varð raunin. Framarar spila góða vörn en við náðum ágætlega að höndla hana." „Í fyrri hálfleik var vörnin alveg hriplek og markvarslan eftir því. Það kom óöryggi á markverðina því þeir fengu of frí skot. Svo fundu markverðirnir sig ekki og við það varð vörnin líka óörugg. Það var ekki fyrr en við breyttum í 5-1 vörn sem við náðum að loka aðeins á þá og komast aftur inn í leikinn en það dugði ekki." Markvörðurinn Pálmar Pétursson er kominn aftur í FH-búninginn og spilaði hluta leiksins en leikformið er ekki komið og hann fann sig ekki. Kristján segir að hann sé þó kominn til að vera. „Hann er búinn að vera með okkur. Hann var aðeins óöruggur í sínum fyrsta leik en það var gott að vera með hann. Þetta er langur vetur og fínt að hafa þrjá markverði," sagði Kristján.
Olís-deild karla Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Í beinni: ÍA - Víkingur | Víkingar ætla að halda toppsætinu Íslenski boltinn Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: Man. Utd. - Brentford | Hitnar enn frekar undir Ten Hag? Enski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Fleiri fréttir Grótta náði í stig gegn meisturum FH Ýmir dýrmætur í fyrsta sigrinum Fjölnir nálægt því sem Porto tókst ekki en Valskonur á siglingu Guðjón og Elliði fögnuðu áfram eftir Íslandsför Sjáðu ótrúlegt mark Sigvalda í Meistaradeildinni KA og ÍR fögnuðu eftir spennu Orri magnaður í frábærum sigri Kristján rifbeinsbrotnaði: „Fannst þetta klárt rautt spjald“ Aron aftur til Veszprém eftir stormasaman viðskilnað Íslensk upprisa dugði ekki til og Bjarki fagnaði gegn löndum sínum Uppgjörið: Afturelding - ÍBV 38-27 | Mosfellingar á toppinn með stórsigri Sandra í landsliðinu þremur mánuðum eftir barnsburð Aron Dagur í Kópavoginn Allt jafnt á Ásvöllum Selfoss upp fyrir Stjörnuna Slæmt gengi Magdeburg í Evrópu heldur áfram Óaðfinnanleg Elín Klara skaut Haukum upp í þriðja sætið Uppgjörið: Fram - ÍBV 29-20 | Öruggur heimasigur Landsliðshetjan í áfalli: Ég skelf öll „Stór partur af mér sem persónu“ „Við vorum bara niðurlægðir“ „Æðislegt að sjá svona marga Íslendinga sem halda með okkur“ Þorsteinn Leó: Ég sá að stúkan var hálf blá Óskar Bjarni: Bara fúll að hafa ekki unnið Guðmundur Bragi og Stiven á sigurbraut Uppgjörið: FH - Gummersbach 21-40 | Lærisveinar Guðjóns Vals sýndu enga miskunn Elvar og Arnar í toppmálum í riðli Vals Uppgjörið: Valur - Porto 27-27 | Ótrúlegir Valsmenn náðu að landa stigi „Ég held að þetta sé það besta sem gat komið fyrir“ „Verið að selja Gummersbach-treyjur á svarta markaðnum í Eyjum“ Sjá meira