Ugly Betty-stjarna gift

Leikkonan America Ferrera gekk í það heilaga á dögunum en hinn heppni er æskuástin og leikstjórinn Ryan Piers Williams. Parið hefur verið saman lengi en trúlofaði sig fyrir ári.

Ferrera, sem er best þekkt fyrir leik sinn í sjónvarpsþáttunum Ugly Betty, bauð einungis nánustu vinum og fjölskyldu í brúðkaupið. Meðal gesta voru leikkonurnar Vanessa Williams og Rebecca Romjin, sem leika einnig í Ugly Betty, og Blake Lively úr Gossip Girl en hún er mjög góð vinkona Ferrera.