Halldór vann í Sviss

Snjóbrettakeppnin Freestyle.ch fór fram í Zürich í Sviss um liðna helgi. Margir þekktir snjóbrettakappar léku þar listir sína og þeirra á meðal var Akureyringurinn knái Halldór Helgason.

Þrjátíu þúsund manns fylgdust með honum gera sér lítið fyrir og sigra í keppninni, sem gekk út á að stökkva af risavöxnum palli og gera brögð í lausu lofti sem eru aðeins á færi atvinnumanna. Halldór er einmitt löngu orðinn atvinnumaður í greininni og er meðal annars með samning við íþróttavörurisann Nike og fleiri.

Hægt er að sjá sigurstökk Halldórs þegar rúm mínúta er liðin af myndbandinu hér fyrir ofan.