Satan beindi hljómsveitinni Ourlives á skrýtnar brautir 1. október 2011 14:00 Stefna út Ourlives hyggst fylgja plötunni eftir hér heima og stefnir svo með hana út fyrir landsteinana. Frá vinstri eru Hálfdán gítarleikari, Garðar trommari, Leifur söngvari og Jón Björn bassaleikari.fréttablaðið/anton Hljómsveitin Ourlives hefur sent frá sér drulluerfiða aðra plötu — plötu þar sem sjálfur Satan er á þakkarlistanum. „Við vorum að spá í að spá í að kalla hana tilraunaplötuna en hættum við,“ segir Jón Björn Árnason, bassaleikari hljómsveitarinnar Ourlives. Ourlives gaf á dögunum út aðra breiðskífu sína, Den of Lions. Hljómsveitin gaf út fyrstu plötuna sína fyrir tveimur árum, en hún tók fimm ár í vinnslu. Hljómsveitin virðist því vera búin að temja sér agaðri vinnubrögð, en er plata númer tvö jafn erfið og fólk talar um? „Nei, hún var auðveld fyrir okkur … Jú, víst. Þetta var drulluerfitt,“ segir Jón Björn glettinn. „Við ætluðum að gera framhald af fyrri plötunni. Svo fór hún í aðrar áttir. Hún er heilsteyptari en fyrri — meiri eining. Við sömdum líka miklu fleiri lög, alveg 32 eða 33 stykki. Fyrir síðustu plötu sömdum við tólf og tíu fóru á plötuna.“ Barði Jóhannsson, kenndur við Bang Gang, er mikill áhrifavaldur í lífi Ourlives. Kölski, útgáfa hans og Mána Péturssonar, útvarps- og umboðsmanns, gefur út plötur hljómsveitarinnar ásamt því að hann stýrði upptökum á fjórum lögum á Den of Lions. Þeirra á meðal er smáskífulagið Heart, en þar eru fingraför Barða augljós. Er Barði orðinn eins konar lærifaðir hljómsveitarinnar? „Já, vel orðað. Lærifaðir. Þegar maður vinnur með manni sem maður hefur hlustað á frá því að maður var lítill er erfitt að fara ekki eftir því sem hann segir. Hann kann allt, þú kemur aldrei að tómum kofanum hjá honum.“ Tónlist Ourlives er ljúfsár blanda af poppi og rokki, en hljómsveitin var ekki alltaf svona róleg. Er aldurinn að færast yfir meðlimi hljómsveitarinnar? „Þetta er bara lélegt. Eitthvað að róast,“ segir Jón Björn léttur. „En ég held að platan sé ekki eins róleg og fyrri platan. Það er aðeins meira tekið á því.“ En hvað svo? Hvað tekur við nú þegar platan er komin út? „Nú ætlum við að fylgja henni eftir út árið og fara svo með hana út. Ef maður ætlar að gera feril úr þessu, þá verður maður að kunna að búa til lög. Við fórum djúpt í það ferli á nýju plötunni. Við teljum okkur nú vera með nógu mikla reynslu og erum aftur hungraðir í að gera þetta.“ Satan er á þakkarlista plötunnar, hvernig kom hann að vinnslu plötunnar? „Hann kom með hið illa í hausinn á okkur. Beindi okkur á skrítnar brautir — við vorum náttúrulega í ljónagryfju, einhver henti okkur þangað. Kölski gefur okkur út, í ljónagryfju. Það er eitthvað mjög satanískt við þetta.“ atlifannar@frettabladid.is Lífið Tónlist Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Frestar tónleikaferðalagi vegna andláts Payne Lífið Birta Líf og Gunnar eiga von á dóttur Lífið Krakkatían: Flugfélög, landafræði og krakkalög Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið „Hugleikið hver fær að stunda kynlíf og hver ekki“ Tónlist Er alltaf hrædd Lífið Faðir Payne las minningarorð og þakkaði aðdáendum Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Hljómsveitin Ourlives hefur sent frá sér drulluerfiða aðra plötu — plötu þar sem sjálfur Satan er á þakkarlistanum. „Við vorum að spá í að spá í að kalla hana tilraunaplötuna en hættum við,“ segir Jón Björn Árnason, bassaleikari hljómsveitarinnar Ourlives. Ourlives gaf á dögunum út aðra breiðskífu sína, Den of Lions. Hljómsveitin gaf út fyrstu plötuna sína fyrir tveimur árum, en hún tók fimm ár í vinnslu. Hljómsveitin virðist því vera búin að temja sér agaðri vinnubrögð, en er plata númer tvö jafn erfið og fólk talar um? „Nei, hún var auðveld fyrir okkur … Jú, víst. Þetta var drulluerfitt,“ segir Jón Björn glettinn. „Við ætluðum að gera framhald af fyrri plötunni. Svo fór hún í aðrar áttir. Hún er heilsteyptari en fyrri — meiri eining. Við sömdum líka miklu fleiri lög, alveg 32 eða 33 stykki. Fyrir síðustu plötu sömdum við tólf og tíu fóru á plötuna.“ Barði Jóhannsson, kenndur við Bang Gang, er mikill áhrifavaldur í lífi Ourlives. Kölski, útgáfa hans og Mána Péturssonar, útvarps- og umboðsmanns, gefur út plötur hljómsveitarinnar ásamt því að hann stýrði upptökum á fjórum lögum á Den of Lions. Þeirra á meðal er smáskífulagið Heart, en þar eru fingraför Barða augljós. Er Barði orðinn eins konar lærifaðir hljómsveitarinnar? „Já, vel orðað. Lærifaðir. Þegar maður vinnur með manni sem maður hefur hlustað á frá því að maður var lítill er erfitt að fara ekki eftir því sem hann segir. Hann kann allt, þú kemur aldrei að tómum kofanum hjá honum.“ Tónlist Ourlives er ljúfsár blanda af poppi og rokki, en hljómsveitin var ekki alltaf svona róleg. Er aldurinn að færast yfir meðlimi hljómsveitarinnar? „Þetta er bara lélegt. Eitthvað að róast,“ segir Jón Björn léttur. „En ég held að platan sé ekki eins róleg og fyrri platan. Það er aðeins meira tekið á því.“ En hvað svo? Hvað tekur við nú þegar platan er komin út? „Nú ætlum við að fylgja henni eftir út árið og fara svo með hana út. Ef maður ætlar að gera feril úr þessu, þá verður maður að kunna að búa til lög. Við fórum djúpt í það ferli á nýju plötunni. Við teljum okkur nú vera með nógu mikla reynslu og erum aftur hungraðir í að gera þetta.“ Satan er á þakkarlista plötunnar, hvernig kom hann að vinnslu plötunnar? „Hann kom með hið illa í hausinn á okkur. Beindi okkur á skrítnar brautir — við vorum náttúrulega í ljónagryfju, einhver henti okkur þangað. Kölski gefur okkur út, í ljónagryfju. Það er eitthvað mjög satanískt við þetta.“ atlifannar@frettabladid.is
Lífið Tónlist Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Frestar tónleikaferðalagi vegna andláts Payne Lífið Birta Líf og Gunnar eiga von á dóttur Lífið Krakkatían: Flugfélög, landafræði og krakkalög Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið „Hugleikið hver fær að stunda kynlíf og hver ekki“ Tónlist Er alltaf hrædd Lífið Faðir Payne las minningarorð og þakkaði aðdáendum Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira