Hvetja til mótmæla náist samningar ekki um helgina

Stéttarfélagið Framsýn á Húsavík  hvetur til skipulagðra mótmæla og allsherjarverkfalla um land allt, ef ekki nást samningar við Samtök atvinnulífsins nú um helgina. Í ályktun aðalfundar félagsins í gærkvöldi segir að þolinmæði verkafólks sé löngu þrotin.

Alþýðusambandi Íslands, sem er í forsvari aðildarfélaga sambandsins í viðræðum við Samtök atvinnulífisins og stjórnvöld, beri að halda á lofti kröfunni um að lægstu laun taki mið af neysluviðmiði velferðarráðherra.