Matvælaverð aldrei hærra 6. janúar 2011 06:00 Starfsmenn kaffiframleiðanda í Níkaragva flokka kaffibaunir til útflutnings. Verð á kaffi mun líklega hækka vegna ákvörðunar stjórnvalda í Brasilíu um að takmarka útflutning til að hækka verð fyrir afurðirnar. Nordicphotos/AFP Heimsmarkaðsverð á mat hefur aldrei mælst hærra en í desember síðastliðnum, samkvæmt mælingum Matvæla- og landbúnaðarstofnunar Sameinuðu þjóðanna. Verðið er nú hærra en það var árið 2008, þegar uppþot brutust út í nokkrum löndum vegna verðhækkana á mat. Vísitala sem notuð er til að mæla breytingar á mjólkurvörum, kjöti, sykri, kornvörum og öðrum matvælum stóð að meðaltali í 214,7 stigum í desember. Vísitalan hækkaði talsvert frá mánuðinum á undan, þegar hún var að meðaltali 206 stig, segir í frétt BBC. Í júní 2008 stóð vísitalan í 213,5 stigum. Þá brutust út fjölmenn mótmæli og uppþot í kjölfar þeirra í Egyptalandi, Haítí og Kamerún vegna hækkandi matarverðs. Mótmæli og óeirðir vegna matvælaverðs voru raunar algeng á árunum 2007 til 2008. Háu hveitiverði var mótmælt á Ítalíu og Marokkóbúar mótmæltu þegar verðið á brauði hækkaði. Óstöðugt veðurfar gæti haft slæm áhrif á kornverð, sem er áhyggjuefni, segir Abdolreza Abbassian, hagfræðingur hjá Matvæla- og landbúnaðarstofnun SÞ, í samtali við BBC. Hann telur þó aðstæður nú talsvert aðrar en árið 2008, til dæmis standi framleiðsla í fátækari ríkjum heims betur en þá, sem dragi úr líkum á að fólk láti óánægju sína í ljós með jafn áþreifanlegum hætti og þá. Abbassian varar við því að verð á matvælum gæti enn hækkað. Þar geti aðstæður í mikilvægum framleiðsluríkjum haft mikil áhrif. Til dæmis geti flóðin í Ástralíu, kuldarnir í Evrópu og þurrkar í Argentínu haft neikvæð áhrif á matvælaverð. „Það er vel mögulegt að verðið hækki mikið frá því sem nú er, til dæmis ef ekki fer að rigna í Argentínu og kuldinn í Evrópu fer að drepa plöntur," sagði Abbassian í viðtali við breska blaðið The Guardian. Búist hafði verið við lækkun á heimsmarkaðsverði vegna góðrar uppskeru í mörgum af fátækari ríkjum heims. Það hefur þó ekki ræst þar sem óútreiknanlegt veður fór illa með hveitiframleiðslu í Rússlandi. Heimsmarkaðsverð á sykri og kjöti hefur aldrei verið hærra, og verð á korni, þar á meðal hveiti, er svipuð og árið 2008. Flóðin í Ástralíu eru þegar farin að hafa áhrif á verð á helstu útflutningsvörum Queensland, þess héraðs sem flóðin hafa mest áhrif á. Útflutningur þaðan er mikilvægur fyrir markaði í Asíu, sér í lagi Indland, Bangladess og Japan. Spár um sykurútflutning frá Ástralíu gera nú ráð fyrir að hann verði 25 prósentum minni en búist var við. Einnig er talið að hveitiútflutningur verði umtalsvert minni. brjann@frettabladid.is Mest lesið Öllu starfsfólki kollagenvinnslu í Grindavík sagt upp Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Heimsmarkaðsverð á mat hefur aldrei mælst hærra en í desember síðastliðnum, samkvæmt mælingum Matvæla- og landbúnaðarstofnunar Sameinuðu þjóðanna. Verðið er nú hærra en það var árið 2008, þegar uppþot brutust út í nokkrum löndum vegna verðhækkana á mat. Vísitala sem notuð er til að mæla breytingar á mjólkurvörum, kjöti, sykri, kornvörum og öðrum matvælum stóð að meðaltali í 214,7 stigum í desember. Vísitalan hækkaði talsvert frá mánuðinum á undan, þegar hún var að meðaltali 206 stig, segir í frétt BBC. Í júní 2008 stóð vísitalan í 213,5 stigum. Þá brutust út fjölmenn mótmæli og uppþot í kjölfar þeirra í Egyptalandi, Haítí og Kamerún vegna hækkandi matarverðs. Mótmæli og óeirðir vegna matvælaverðs voru raunar algeng á árunum 2007 til 2008. Háu hveitiverði var mótmælt á Ítalíu og Marokkóbúar mótmæltu þegar verðið á brauði hækkaði. Óstöðugt veðurfar gæti haft slæm áhrif á kornverð, sem er áhyggjuefni, segir Abdolreza Abbassian, hagfræðingur hjá Matvæla- og landbúnaðarstofnun SÞ, í samtali við BBC. Hann telur þó aðstæður nú talsvert aðrar en árið 2008, til dæmis standi framleiðsla í fátækari ríkjum heims betur en þá, sem dragi úr líkum á að fólk láti óánægju sína í ljós með jafn áþreifanlegum hætti og þá. Abbassian varar við því að verð á matvælum gæti enn hækkað. Þar geti aðstæður í mikilvægum framleiðsluríkjum haft mikil áhrif. Til dæmis geti flóðin í Ástralíu, kuldarnir í Evrópu og þurrkar í Argentínu haft neikvæð áhrif á matvælaverð. „Það er vel mögulegt að verðið hækki mikið frá því sem nú er, til dæmis ef ekki fer að rigna í Argentínu og kuldinn í Evrópu fer að drepa plöntur," sagði Abbassian í viðtali við breska blaðið The Guardian. Búist hafði verið við lækkun á heimsmarkaðsverði vegna góðrar uppskeru í mörgum af fátækari ríkjum heims. Það hefur þó ekki ræst þar sem óútreiknanlegt veður fór illa með hveitiframleiðslu í Rússlandi. Heimsmarkaðsverð á sykri og kjöti hefur aldrei verið hærra, og verð á korni, þar á meðal hveiti, er svipuð og árið 2008. Flóðin í Ástralíu eru þegar farin að hafa áhrif á verð á helstu útflutningsvörum Queensland, þess héraðs sem flóðin hafa mest áhrif á. Útflutningur þaðan er mikilvægur fyrir markaði í Asíu, sér í lagi Indland, Bangladess og Japan. Spár um sykurútflutning frá Ástralíu gera nú ráð fyrir að hann verði 25 prósentum minni en búist var við. Einnig er talið að hveitiútflutningur verði umtalsvert minni. brjann@frettabladid.is
Mest lesið Öllu starfsfólki kollagenvinnslu í Grindavík sagt upp Viðskipti innlent Lágvöruverðsverslunin Prís opnar í dag Neytendur Reiknar með því að Bónus sjái Prís sem áskorun Neytendur Temu kaupin getu hæglega orðið að fíkn Neytendur Verðstríð að hefjast á matvörumarkaði Neytendur Google leiðin: Fjögur atvinnuviðtöl yfirdrifið nóg Atvinnulíf Susan Wojcicki er látin Viðskipti erlent Litlu fyrirtækin: Upplifa sjálfbærni sem aukavinnu og vesen Atvinnulíf Ósáttur við að fyrrum eigandi Skagans 3X standi í vegi endurreisnar Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira