Afhentu LSH hágæslubúnað

Taugalækningadeild Landspítala - háskólasjúkrahúss hefur fengið góða gjöf þar sem MND-félagið, Parkinsonsamtökin, MG-félagið og Heilaheill afhentu deildinni tækjabúnað. Um er að ræða hágæslubúnað sem eykur fagmennsku og öryggi á deildinni, eins og segir í fréttatilkynningu.

Félögin hafa marga góða bakhjarla, þar á meðal Svölurnar, félag flugfreyja, sem afhentu MND-félaginu styrk við sama tækifæri. Þá gáfu nemendur úr Kvennaskólanum einnig sjónvarp fyrir setustofu deildarinnar. - þj