Spennusaga úr norðlenskum veruleika Kolbeinn Óttarsson Proppé skrifar 13. desember 2011 06:00 Myrknætti - Ragnar Jónasson Bækur. Myrknætti eftir Ragnar Jónsson. Veröld gefur út. Myrknætti er þriðja spennusaga Ragnars Jónssonar um lögreglumanninn Ara. Sá starfar á Siglufirði og stígur þar fyrstu skrefin í nýju lífi og nýju starfi. Ragnari hefur farið fram með hverri bókinni og hefur náð ágætis tökum á spennusagnaforminu. Myrknætti er hans besta bók, en áður hafa komið út Fölsk nóta og Snjóblinda. Ragnar leikur sér mikið með umhverfið og Siglufjörður er áberandi í sögum hans; nánast eins og ein persónan. Það tekst honum vel. Óþarflega mikið gerir hann þó stundum úr áhrifum umhverfisins, sem virðist á stundum svo þrúgandi að Ari geti um fátt annað hugsað. Helsti gallinn á sögum Ragnars er söguhetjan. Ari er uppburðarlítill og virðist mikla fyrir sér hinar hversdagslegustu aðstæður. Því er vel að Ari fær minni sess í þessari bók en þeim fyrri og jafnvel hillir í að önnur sögupersóna, fréttakonan Ísrún, skipi stærri sess í næstu bókum. Það hljómar vel, í það minnsta þarf Ari að fara að taka sér tak og sýna smá manndóm eigi maður að nenna að fylgjast áfram með rannsóknum hans. Stíll Ragnars er ágætur og textinn flæðir vel áfram. Fléttan er fín, Ragnari tekst að búa til sannferðuga sögu úr íslenskum veruleika. Það er helst að lýsingar hans á starfi fréttamannsins einkennist af vel þekktum mýtum um það starf. Það er hins vegar smáatriði þegar kemur að heildarmynd sögunnar. Ragnari tekst vel að flétta mörgum sögum saman í Myrknætti og ljóst er að hann nær æ betri tökum á því formi sem hann hefur valið sér. Það verður því spennandi að fylgjast með honum í framtíðinni, hvort sem verður í sögum af Ísrúnu eða Ara, sem vonandi verður þá uppburðarmeiri. Niðurstaða: Sannferðug saga úr samtímanum. Ragnar hefur náð góðum tökum á spennusögunni. Lífið Mest lesið Lifir eins og kóngur á 150-200 þúsund krónum á mánuði Lífið Guðni Th. orðinn afi Lífið Svona var fjögurra rétta matseðillinn Lífið Húsfyllir þegar tískusýning tók yfir Ásmundarsal Tíska og hönnun Þakkar aðal sykurpabbanum fyrir allt Lífið Líkaminn þarf ekki að vera fullfrískur til að upplifa unað Lífið Gellurnar fjölmenntu á gugguvaktina Lífið Greindist með skyrbjúg eftir notkun megrunarlyfs Lífið Fólk geti gengið frá kaupsamningum sjálft Lífið Herra Hnetusmjör og Sara selja lúxusíbúð innan við ári eftir kaupin Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Bækur. Myrknætti eftir Ragnar Jónsson. Veröld gefur út. Myrknætti er þriðja spennusaga Ragnars Jónssonar um lögreglumanninn Ara. Sá starfar á Siglufirði og stígur þar fyrstu skrefin í nýju lífi og nýju starfi. Ragnari hefur farið fram með hverri bókinni og hefur náð ágætis tökum á spennusagnaforminu. Myrknætti er hans besta bók, en áður hafa komið út Fölsk nóta og Snjóblinda. Ragnar leikur sér mikið með umhverfið og Siglufjörður er áberandi í sögum hans; nánast eins og ein persónan. Það tekst honum vel. Óþarflega mikið gerir hann þó stundum úr áhrifum umhverfisins, sem virðist á stundum svo þrúgandi að Ari geti um fátt annað hugsað. Helsti gallinn á sögum Ragnars er söguhetjan. Ari er uppburðarlítill og virðist mikla fyrir sér hinar hversdagslegustu aðstæður. Því er vel að Ari fær minni sess í þessari bók en þeim fyrri og jafnvel hillir í að önnur sögupersóna, fréttakonan Ísrún, skipi stærri sess í næstu bókum. Það hljómar vel, í það minnsta þarf Ari að fara að taka sér tak og sýna smá manndóm eigi maður að nenna að fylgjast áfram með rannsóknum hans. Stíll Ragnars er ágætur og textinn flæðir vel áfram. Fléttan er fín, Ragnari tekst að búa til sannferðuga sögu úr íslenskum veruleika. Það er helst að lýsingar hans á starfi fréttamannsins einkennist af vel þekktum mýtum um það starf. Það er hins vegar smáatriði þegar kemur að heildarmynd sögunnar. Ragnari tekst vel að flétta mörgum sögum saman í Myrknætti og ljóst er að hann nær æ betri tökum á því formi sem hann hefur valið sér. Það verður því spennandi að fylgjast með honum í framtíðinni, hvort sem verður í sögum af Ísrúnu eða Ara, sem vonandi verður þá uppburðarmeiri. Niðurstaða: Sannferðug saga úr samtímanum. Ragnar hefur náð góðum tökum á spennusögunni.
Lífið Mest lesið Lifir eins og kóngur á 150-200 þúsund krónum á mánuði Lífið Guðni Th. orðinn afi Lífið Svona var fjögurra rétta matseðillinn Lífið Húsfyllir þegar tískusýning tók yfir Ásmundarsal Tíska og hönnun Þakkar aðal sykurpabbanum fyrir allt Lífið Líkaminn þarf ekki að vera fullfrískur til að upplifa unað Lífið Gellurnar fjölmenntu á gugguvaktina Lífið Greindist með skyrbjúg eftir notkun megrunarlyfs Lífið Fólk geti gengið frá kaupsamningum sjálft Lífið Herra Hnetusmjör og Sara selja lúxusíbúð innan við ári eftir kaupin Lífið Fleiri fréttir Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira