Fjólubláar kýr í Háskólabíói í næstu viku magnusl@frettabladid.is skrifar 21. nóvember 2012 09:00 Seth Godin Bandaríski markaðsgúrúinn Seth Godin hefur gefið út fimmtán metsölubækur um markaðsmál en meðal þeirra þekktari eru Purple Cow, Unleashing the Ideavirus og The Dip. Þá er von á fjórum nýjum bókum frá honum. Einn frægasti markaðsmaður heims, Bandaríkjamaðurinn Seth Godin, er væntanlegur til landsins. Godin mun halda fyrirlestur í Háskólabíói eftir átta daga á vegum Ímarks, félags íslensks markaðsfólks. Markaðurinn ræddi við Godin vegna komu hans til Íslands. „Fyrirlesturinn ber yfirskriftina „Invisible or Remarkable?". Í honum ætla ég að tala um margar þeirra hugmynda sem hafa verið mér hugleiknar. Mér hefur til dæmis sýnst að ýmsir haldi að fátt hafi breyst í heiminum á síðustu árum annað en að heimurinn hafi orðið örlítið hraðari," segir Godin og heldur áfram: „Í raun og veru er að eiga sér stað bylting sem er að ganga af hinni iðnvæddu veröld 20. aldar dauðri. En í hverju felst byltingin? Við þurfum að svara því áður en við getum áttað okkur á því hvernig ber að fóta sig í breyttum heimi." Godin segir að í hinni iðnvæddu veröld 20. aldar hafi bæði menn og fyrirtæki notið góðs af fylgispekt og undanlátssemi. Menn hafi reist verksmiðjur og búið til kerfi sem voru áreiðanleg en á sama tíma leiðinleg. Niðurstaðan hafi verið meðalgóðar vörur framleiddar fyrir venjulegt fólk. „Skyndilega virkar þessi nálgun ekki lengur. Nú keppast menn við að búa til sem ódýrastar vörur sem verða fyrir vikið oft óspennandi. Því verður erfitt að kynna vörurnar einfaldlega vegna þess að fólk er hætt að nenna að hlusta á hjal um óspennandi vörur. Nú til dags er því að eiga sér stað bylting þar sem frumlegar og framúrskarandi vörur og þjónusta, hlutir sem eru raunverulega verðmætir, skilja sig frá öðrum vörum. Þannig vörur er auðvelt að kynna og þær skapa umtal sem hefðbundnari vörur gera ekki. Þessi einfalda innsýn getur verið leiðarljós inn í það sem ég hef kallað tengslahagkerfið („The Connection Economy") sem tekur við af gamla hagkerfinu og hvar verðmæti eru sköpuð á aðra vegu." Varan sem markaðsherferðGodin hefur skrifað um hvernig hugmyndir berast manna á milli í nútímasamfélagi. Í því samhengi hefur hann lagt áherslu á að framúrskarandi vörur njóti þess að vera spennandi með því að skapa umtal. Þess vegna sé mikilvægara en nokkru sinni að skapa raunverulega verðmætar vörur. En hvert er þá hlutverk markaðsfólks? „Ég held að markaðsstarf sem byggir á því að ónáða fólk sé einfaldlega ekki hagkvæmt lengur. Það borgar sig ekki að velja bara einhvern hóp, senda honum alls konar markaðsefni og vonast eftir tekjum," segir Godin og bætir við: „Framtíðin tilheyrir markaðsfólki sem getur í fyrsta lagi greint hvar spurn eftir markaðsefni er og er jafnframt meðvitað um hvað þarf til að svala þeirri eftirspurn. Til þess þarf markaðsfólk að átta sig á hvernig það getur ræktað tengsl við neytendur, það er sáð fræjum, vökvað og hlúð að neytendum. Þá þarf það að skilja að hlutverk markaðsmannsins er að eiga samstarf við markaðinn en ekki að sigra hann. Þetta snýst um að virkja hópinn sem þú vilt ná til en besta leiðin til þess getur jafnvel verið að halda sig til hlés og leyfa hópnum einfaldlega að spjalla." Godin segir vandann þann að markaðsfólk hefji sína vinnu yfirleitt þegar varan sem á að markaðssetja er fullkláruð. Hann telur hins vegar að markaðsfólk geti skapað verðmæti með því að koma fyrr að málum. „Þetta er í raun hin einfalda hugmynd sem ég hef kallað fjólubláu kúna. Varan sjálf er markaðsherferðin. Með öðrum orðum er mikilvægt að vera með vöru sem er verð athygli, ástríðu og tengsla við fólk. Of oft er markaðsfólk einfaldlega að spinna í kringum meðalgóðar vörur sem eru markaðssettar fyrir venjulegt fólk. Ég held að við getum gert betur og skapað verðmæti fyrr í ferlinu," segir Godin. Fréttir Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Barátta Seðlabankans löngu töpuð Viðskipti innlent Stærstu fyrirtækin orðið af 747 milljörðum Viðskipti erlent Í áfalli yfir dýrari dekkjum og Hlöllabát Neytendur Dýr smjörvi á Egilsstöðum vekur mikla athygli Neytendur Formaðurinn neiti að horfast í augu við einkunnaverðbólgu Viðskipti innlent „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Tæpar 2500 krónur fyrir litla samloku á Geysi Neytendur Hugmyndir fyrir tómlega vinnustaði og leiðinlega vinnudaga Atvinnulíf Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira
Einn frægasti markaðsmaður heims, Bandaríkjamaðurinn Seth Godin, er væntanlegur til landsins. Godin mun halda fyrirlestur í Háskólabíói eftir átta daga á vegum Ímarks, félags íslensks markaðsfólks. Markaðurinn ræddi við Godin vegna komu hans til Íslands. „Fyrirlesturinn ber yfirskriftina „Invisible or Remarkable?". Í honum ætla ég að tala um margar þeirra hugmynda sem hafa verið mér hugleiknar. Mér hefur til dæmis sýnst að ýmsir haldi að fátt hafi breyst í heiminum á síðustu árum annað en að heimurinn hafi orðið örlítið hraðari," segir Godin og heldur áfram: „Í raun og veru er að eiga sér stað bylting sem er að ganga af hinni iðnvæddu veröld 20. aldar dauðri. En í hverju felst byltingin? Við þurfum að svara því áður en við getum áttað okkur á því hvernig ber að fóta sig í breyttum heimi." Godin segir að í hinni iðnvæddu veröld 20. aldar hafi bæði menn og fyrirtæki notið góðs af fylgispekt og undanlátssemi. Menn hafi reist verksmiðjur og búið til kerfi sem voru áreiðanleg en á sama tíma leiðinleg. Niðurstaðan hafi verið meðalgóðar vörur framleiddar fyrir venjulegt fólk. „Skyndilega virkar þessi nálgun ekki lengur. Nú keppast menn við að búa til sem ódýrastar vörur sem verða fyrir vikið oft óspennandi. Því verður erfitt að kynna vörurnar einfaldlega vegna þess að fólk er hætt að nenna að hlusta á hjal um óspennandi vörur. Nú til dags er því að eiga sér stað bylting þar sem frumlegar og framúrskarandi vörur og þjónusta, hlutir sem eru raunverulega verðmætir, skilja sig frá öðrum vörum. Þannig vörur er auðvelt að kynna og þær skapa umtal sem hefðbundnari vörur gera ekki. Þessi einfalda innsýn getur verið leiðarljós inn í það sem ég hef kallað tengslahagkerfið („The Connection Economy") sem tekur við af gamla hagkerfinu og hvar verðmæti eru sköpuð á aðra vegu." Varan sem markaðsherferðGodin hefur skrifað um hvernig hugmyndir berast manna á milli í nútímasamfélagi. Í því samhengi hefur hann lagt áherslu á að framúrskarandi vörur njóti þess að vera spennandi með því að skapa umtal. Þess vegna sé mikilvægara en nokkru sinni að skapa raunverulega verðmætar vörur. En hvert er þá hlutverk markaðsfólks? „Ég held að markaðsstarf sem byggir á því að ónáða fólk sé einfaldlega ekki hagkvæmt lengur. Það borgar sig ekki að velja bara einhvern hóp, senda honum alls konar markaðsefni og vonast eftir tekjum," segir Godin og bætir við: „Framtíðin tilheyrir markaðsfólki sem getur í fyrsta lagi greint hvar spurn eftir markaðsefni er og er jafnframt meðvitað um hvað þarf til að svala þeirri eftirspurn. Til þess þarf markaðsfólk að átta sig á hvernig það getur ræktað tengsl við neytendur, það er sáð fræjum, vökvað og hlúð að neytendum. Þá þarf það að skilja að hlutverk markaðsmannsins er að eiga samstarf við markaðinn en ekki að sigra hann. Þetta snýst um að virkja hópinn sem þú vilt ná til en besta leiðin til þess getur jafnvel verið að halda sig til hlés og leyfa hópnum einfaldlega að spjalla." Godin segir vandann þann að markaðsfólk hefji sína vinnu yfirleitt þegar varan sem á að markaðssetja er fullkláruð. Hann telur hins vegar að markaðsfólk geti skapað verðmæti með því að koma fyrr að málum. „Þetta er í raun hin einfalda hugmynd sem ég hef kallað fjólubláu kúna. Varan sjálf er markaðsherferðin. Með öðrum orðum er mikilvægt að vera með vöru sem er verð athygli, ástríðu og tengsla við fólk. Of oft er markaðsfólk einfaldlega að spinna í kringum meðalgóðar vörur sem eru markaðssettar fyrir venjulegt fólk. Ég held að við getum gert betur og skapað verðmæti fyrr í ferlinu," segir Godin.
Fréttir Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Barátta Seðlabankans löngu töpuð Viðskipti innlent Stærstu fyrirtækin orðið af 747 milljörðum Viðskipti erlent Í áfalli yfir dýrari dekkjum og Hlöllabát Neytendur Dýr smjörvi á Egilsstöðum vekur mikla athygli Neytendur Formaðurinn neiti að horfast í augu við einkunnaverðbólgu Viðskipti innlent „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Tæpar 2500 krónur fyrir litla samloku á Geysi Neytendur Hugmyndir fyrir tómlega vinnustaði og leiðinlega vinnudaga Atvinnulíf Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira