Bubbi í toppformi Trausti Júlíusson skrifar 3. maí 2012 11:00 Þorpið með Bubba. Tónlist. Þorpið. Bubbi. Þorpið er önnur platan sem Bubbi gerir með hljómsveitinni Sólskuggunum, en sú sveit var stofnuð til þess að taka upp og kynna sálartónlistarplötuna Ég trúi á þig sem kom út í fyrra. Í þetta skipti varð sálartónlistin samt ekki fyrir valinu, heldur hefur Þorpið að geyma fjórtán tilbrigði við sígilt þjóðlagapopp. Það eru Benzín-bræðurnir Börkur og Daði Birgissynir sem stjórna upptökum og sjá um útsetningar ásamt Bubba. Það verður að segjast eins og er að það hefur tekist mjög vel til. Þetta er frábær plata. Í fyrsta lagi er Bubbi greinilega í miklu formi í laga- og textasmíðunum, í öðru lagi eru útsetningarnar bæði fjölbreyttar og flottar og svo eru hljómurinn og öll umgjörð plötunnar fyrsta flokks. Þorpið er ekki algerlega niðurnegld þemaplata, en hún fjallar samt að mestu leyti um íslenska þorpið. Þetta er nostalgísk mynd af heimi sem er að hverfa, en inn í hana blandar Bubbi ýmsum öðrum umfjöllunarefnum, til dæmis ástinni og fjármálakreppunni. Eins og alþjóð veit fór Bubbi illa út úr hruninu, en hann virðist vera búinn að ná sér eftir það áfall og getur núna horft með húmor á þá sögu, eins og heyrist best í laginu Bankagæla. Útsetningarnar á Þorpinu eru frábærar. Þó að það megi segja að þetta sé allt saman þjóðlagapopp þá er breiddin mikil og hvert lag fær sína meðferð. Í upphafslaginu, Óttanum er t.d. falleg lítil útsetning með píanói og kassagítar, en í lagi númer tvö eru komnar trommur, bassi og hammondorgelhljómur. Í sumum laganna setja harmonikka eða fiðla líka sterkan svip. Mér finnst Þorpið betri plata en Ég trúi á þig, kannski af því að Bubbi er algerlega á heimavelli í þessari tegund tónlistar. Það eru mörg frábær lög á plötunni: Titillagið sem hann syngur með Mugison er sannkölluð perla, en Vonir og þrár, Óskin, Þerraðu tárin, Sjoppan, Skipstjóravalsinn og 16. ágúst eru líka í uppáhaldi. Flest lögin eru góð, þó að mér finnist lokalögin tvö síst. Í heildina er þetta mjög sterk plata. Flutningurinn er líka fyrsta flokks. Sólskuggarnir er framúrskarandi hljómsveit og þess værr óskandi að samstarf hennar og Bubba héldi áfram. Það má segja að Bubbi sé búinn að finna sína Senuþjófa og það er ekki lítils virði. Þorpið er, ef mér skjátlast ekki, 26. plata Bubba með nýju efni. Það eru ótrúleg afköst. Og enn er karlinn að koma frá sér eðalefni. Geri aðrir betur! Niðurstaða: Bubbi og Sólskuggarnir með enn þá betri plötu en síðast Mest lesið Þetta er ástæðan afhverju þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið Fullkomið tan og tryllt partý Lífið samstarf Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Krílaeggið er nýjasta páskaeggið frá Freyju Lífið samstarf Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Vel yfir milljón á fermetrann og baðkar í eldhúsinu Lífið Horfði aftur á keppnina þegar hún kom heim Lífið Bað strax um verkjalyf eftir nefaðgerðina Lífið Fleiri fréttir Þetta er ástæðan afhverju þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Tónlist. Þorpið. Bubbi. Þorpið er önnur platan sem Bubbi gerir með hljómsveitinni Sólskuggunum, en sú sveit var stofnuð til þess að taka upp og kynna sálartónlistarplötuna Ég trúi á þig sem kom út í fyrra. Í þetta skipti varð sálartónlistin samt ekki fyrir valinu, heldur hefur Þorpið að geyma fjórtán tilbrigði við sígilt þjóðlagapopp. Það eru Benzín-bræðurnir Börkur og Daði Birgissynir sem stjórna upptökum og sjá um útsetningar ásamt Bubba. Það verður að segjast eins og er að það hefur tekist mjög vel til. Þetta er frábær plata. Í fyrsta lagi er Bubbi greinilega í miklu formi í laga- og textasmíðunum, í öðru lagi eru útsetningarnar bæði fjölbreyttar og flottar og svo eru hljómurinn og öll umgjörð plötunnar fyrsta flokks. Þorpið er ekki algerlega niðurnegld þemaplata, en hún fjallar samt að mestu leyti um íslenska þorpið. Þetta er nostalgísk mynd af heimi sem er að hverfa, en inn í hana blandar Bubbi ýmsum öðrum umfjöllunarefnum, til dæmis ástinni og fjármálakreppunni. Eins og alþjóð veit fór Bubbi illa út úr hruninu, en hann virðist vera búinn að ná sér eftir það áfall og getur núna horft með húmor á þá sögu, eins og heyrist best í laginu Bankagæla. Útsetningarnar á Þorpinu eru frábærar. Þó að það megi segja að þetta sé allt saman þjóðlagapopp þá er breiddin mikil og hvert lag fær sína meðferð. Í upphafslaginu, Óttanum er t.d. falleg lítil útsetning með píanói og kassagítar, en í lagi númer tvö eru komnar trommur, bassi og hammondorgelhljómur. Í sumum laganna setja harmonikka eða fiðla líka sterkan svip. Mér finnst Þorpið betri plata en Ég trúi á þig, kannski af því að Bubbi er algerlega á heimavelli í þessari tegund tónlistar. Það eru mörg frábær lög á plötunni: Titillagið sem hann syngur með Mugison er sannkölluð perla, en Vonir og þrár, Óskin, Þerraðu tárin, Sjoppan, Skipstjóravalsinn og 16. ágúst eru líka í uppáhaldi. Flest lögin eru góð, þó að mér finnist lokalögin tvö síst. Í heildina er þetta mjög sterk plata. Flutningurinn er líka fyrsta flokks. Sólskuggarnir er framúrskarandi hljómsveit og þess værr óskandi að samstarf hennar og Bubba héldi áfram. Það má segja að Bubbi sé búinn að finna sína Senuþjófa og það er ekki lítils virði. Þorpið er, ef mér skjátlast ekki, 26. plata Bubba með nýju efni. Það eru ótrúleg afköst. Og enn er karlinn að koma frá sér eðalefni. Geri aðrir betur! Niðurstaða: Bubbi og Sólskuggarnir með enn þá betri plötu en síðast
Mest lesið Þetta er ástæðan afhverju þú átt aldrei að bjóða óperusöngvara í matarboð Gagnrýni Fréttatía vikunnar: Ungfrú Ísland, eldgos og Þjóðhátíðarlagið Lífið Fullkomið tan og tryllt partý Lífið samstarf Hanna Katrín heiðraði Eyjólf í Epal Lífið Spegill, spegill, herm þú mér, hve léleg endurgerðin er Gagnrýni Krílaeggið er nýjasta páskaeggið frá Freyju Lífið samstarf Stuðlabandið höfundar og flytjendur Þjóðhátíðarlagsins: „Við megum ekki fokka þessu upp“ Lífið Vel yfir milljón á fermetrann og baðkar í eldhúsinu Lífið Horfði aftur á keppnina þegar hún kom heim Lífið Bað strax um verkjalyf eftir nefaðgerðina Lífið Fleiri fréttir Þetta er ástæðan afhverju þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira