Valur Reykjavíkurmeistari eftir stórsigur á Þrótti | Sjáið mörkin

Valur varð í gærkvöld Reykjavíkurmeistari í knattspyrnu kvenna eftir 5-0 sigur á Þrótti í lokaleik sínum í riðlinum. Liðið vann alla fjóra leiki sína á mótinu.

Laufey Björnsdóttir, sem gekk til liðs við Val frá Fylki síðastliðið haust, skoraði tvö mörk Valsmanna í leiknum. Kristín Ýr Bjarnadóttir, Rakel Logadótir og Svava Rós Guðmundsdóttir skoruðu sitt markið hver.

Valur hafði töluverða yfirburði í mótinu og lauk keppni með fullt hús stiga og markatöluna 19-2.

Mörkin úr leiknum má sjá á vef Sport TV með því að smella hér.