Fótbolti

Emil og félagar áfram á sigurbraut

Óskar Ófeigur Jónsson skrifar
Emil Hallfreðsson.
Emil Hallfreðsson. Mynd/Nordic Photos/Getty
Emil Hallfreðsson og félagar í Hellas Verona unnu 2-0 sigur á Vicenza í ítölsku b-deildinni í fótbolta í dag en þetta var annar sigur liðsins í röð og sá fjórði í síðustu fimm leikjum. Hellas Verona er í 3. sæti deildarinnar og til alls líklegt á lokasprettinum.

Emil lék fyrstu 82 mínúturnar í leiknum en mörkin skoruðu þeir Juan Ignacio Gomez Taleb og Matteo Abbate en þau komu bæði í fyrri hálfleiknum.

Hellas Verona hefur nú 60 stig eða einu meira en Pescara sem í 2. sætinu en hefur leikið einum leik minna. Torino er á toppnum með 63 stig í jafnmörgum leikjum og Verona.








Fleiri fréttir

Sjá meira


×