Sport

Vann sinn fyrsta bardaga eftir að hafa komið úr skápnum

Eiríkur Stefán Ásgeirsson skrifar
Cruz, til hægri, er einn fárra íþróttamanna sem hafa komið úr skápnum.
Cruz, til hægri, er einn fárra íþróttamanna sem hafa komið úr skápnum. Nordic Photos / Getty Images
Hnefaleikakappinn Orlando Cruz vakti á dögunum mikla athygli þegar hann opinberaði með formlegum hætti að hann væri samkynhneigður.

Hann barðist í fyrsta sinn á dögunum eftir að hafa komið úr skápnum og hafði þá betur gegn Jorge Pazos.

„Þetta var augnablikið mitt. Mitt tækifæri og minn viðburður," sagði hann eftir bardagann. „Og ég vann."

Hann fékk góða stuðning áhorfenda í Flórída-fylki þar sem bardaginn fór fram. „Ég er mjög ánægður með þá virðingu sem mér var sýnd. Ég vil að það sé litið á mig sem hnefaleikamann, íþróttamann og karlmann í öllum skilningi orðsins."

Þetta var nítjándi sigur Cruz á ferlinum í 22 bardögum.

Box

Tengdar fréttir

Fyrsti atvinnumaðurinn í hnefaleikum sem kemur út úr skápnum

Samkynhneigðir íþróttamenn í fremstu röð eru ekki á hverju strá og oftar en ekki koma íþróttamenn úr skápnum þegar þeir hætta að keppa. Það eru samt undantekningar og nú er búið að brjóta múrinn í hnefaleikaheiminum.

Mest lesið


Fleiri fréttir

Sjá meira


×

Mest lesið