Verða Keflavíkurkonur deildarmeistarar í kvöld?

Keflavíkurkonur geta orðið deildarmeistarar í Iceland Express deild kvenna í körfubolta í kvöld vinni þær Snæfell í Toyota-höllinni í Keflavík en leikurinn hefst klukkan 19.15.

Keflavík hefur unnið alla þrettán heimaleiki sína í deildinni í vetur og vantar aðeins einn sigur til viðbótar til þess að gulltryggja sigur í deildinni og heimavallarrétt út úrslitakeppnina.

Snæfell er aftur á móti í mikilli baráttu við Hauka og KR um að komast inn í úrslitakeppnina.