Gjöfult samband 30. ágúst 2012 00:01 Eivör Pálsdóttir Strax og ég sá Eivøru Pálsdóttur syngja á tónleikum í fyrsta sinn varð mér ljóst að þarna væri engin meðalmanneskja á ferð. Eivør er mögnuð söngkona og býr yfir náttúrulegum tónlistarhæfileikum sem aðeins þeim bestu eru gefnir. Hún hefur fengist við alls konar tónlist: Hún rokkaði með Clickhaze, söng sveitatónlist með Kanadamanninum Bill Bourne, bauð upp á fagmannlega unnið þjóðlagapopp með Íranum Dónal Lunny og gerði eina plötu með Stórsveit danska ríkisútvarpsins, svo við nefnum nokkur dæmi. Sönghæfileikar Eivarar koma alltaf í gegn, en tónlistin sem hún hefur gefið út með öllum þessum ólíku samstarfsmönnum er mjög misáhugaverð. Manni hefur stundum fundist að hæfileikar hennar fengju ekki alveg að njóta sín. Eivør vann nýju plötuna, Room, með eiginmanni sínum Tróndi Bogasyni. Þau semja flest lögin og textana, saman eða hvort í sínu lagi. Tróndur sá um útsetningar og saman stjórnuðu þau upptökunum. Og það er mikið gleðiefni að samstarf þeirra hjóna skuli virka svona vel. Room er mjög vel gerð og sannfærandi plata og á meðal þess allra besta sem Eivør hefur gert. Það eru mörg umfjöllunarefni á Room. Fyrirferðarmest er ástin, æskuárin og fráfall ástvinar (faðir Eivarar féll skyndilega frá á síðasta ári). Textarnir eru allir á ensku, en það kemur ekki að sök. Tónlistin á Room er góð blanda af fáguðu poppi og þjóðlagatónlist. Hún minnir af og til á Björk eða Kate Bush, en samt er tónlistin mjög persónuleg og fyrst og fremst Eivarar. Útsetningarnar eru fagmannlegar og flottar. Píanóið er stundum áberandi og rödd Eivarar fær alltaf að njóta sín. Á heildina litið er Room frábær plata. Ein af bestu plötum Eivarar Pálsdóttur. Trausti Júlíusson Mest lesið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Nýtur lífsins í viktorísku koti í London Lífið Jón Gnarr birtir sönnunargagn A um ADHD Lífið Getum verið gröð án þess að blotna eða fá ris Lífið Tilbúnir réttir úr smiðju verðlauna kokks Lífið samstarf Íslendingar vekja athygli í menningarlífi Kaupmannahafnar Menning Fékk hjartaáfall og missti 50 kíló Lífið Snorri og Nadine eignuðust son Lífið Hélt lítill kall í stjörnustríði væri Obi-Wan Kenobi Lífið Giftu sig við persónulega athöfn í sólinni Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira
Strax og ég sá Eivøru Pálsdóttur syngja á tónleikum í fyrsta sinn varð mér ljóst að þarna væri engin meðalmanneskja á ferð. Eivør er mögnuð söngkona og býr yfir náttúrulegum tónlistarhæfileikum sem aðeins þeim bestu eru gefnir. Hún hefur fengist við alls konar tónlist: Hún rokkaði með Clickhaze, söng sveitatónlist með Kanadamanninum Bill Bourne, bauð upp á fagmannlega unnið þjóðlagapopp með Íranum Dónal Lunny og gerði eina plötu með Stórsveit danska ríkisútvarpsins, svo við nefnum nokkur dæmi. Sönghæfileikar Eivarar koma alltaf í gegn, en tónlistin sem hún hefur gefið út með öllum þessum ólíku samstarfsmönnum er mjög misáhugaverð. Manni hefur stundum fundist að hæfileikar hennar fengju ekki alveg að njóta sín. Eivør vann nýju plötuna, Room, með eiginmanni sínum Tróndi Bogasyni. Þau semja flest lögin og textana, saman eða hvort í sínu lagi. Tróndur sá um útsetningar og saman stjórnuðu þau upptökunum. Og það er mikið gleðiefni að samstarf þeirra hjóna skuli virka svona vel. Room er mjög vel gerð og sannfærandi plata og á meðal þess allra besta sem Eivør hefur gert. Það eru mörg umfjöllunarefni á Room. Fyrirferðarmest er ástin, æskuárin og fráfall ástvinar (faðir Eivarar féll skyndilega frá á síðasta ári). Textarnir eru allir á ensku, en það kemur ekki að sök. Tónlistin á Room er góð blanda af fáguðu poppi og þjóðlagatónlist. Hún minnir af og til á Björk eða Kate Bush, en samt er tónlistin mjög persónuleg og fyrst og fremst Eivarar. Útsetningarnar eru fagmannlegar og flottar. Píanóið er stundum áberandi og rödd Eivarar fær alltaf að njóta sín. Á heildina litið er Room frábær plata. Ein af bestu plötum Eivarar Pálsdóttur. Trausti Júlíusson
Mest lesið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Nýtur lífsins í viktorísku koti í London Lífið Jón Gnarr birtir sönnunargagn A um ADHD Lífið Getum verið gröð án þess að blotna eða fá ris Lífið Tilbúnir réttir úr smiðju verðlauna kokks Lífið samstarf Íslendingar vekja athygli í menningarlífi Kaupmannahafnar Menning Fékk hjartaáfall og missti 50 kíló Lífið Snorri og Nadine eignuðust son Lífið Hélt lítill kall í stjörnustríði væri Obi-Wan Kenobi Lífið Giftu sig við persónulega athöfn í sólinni Lífið Fleiri fréttir Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Eldborg breyttist í vélrænt helvíti Kaldrifjað morð, ungar karlrembur og kæfandi andrúmsloft Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Sjá meira