Dad Rocks! á tónleikaferð

Dad Rocks! er á leiðinni í tónleikaferð um England og Skotland í október. Þar mun hann hita upp fyrir hina tilraunakenndu ensku hljómsveit Tall Ships.

Dad Rocks! er hugarfóstur Snævars Albertssonar, sem hefur búið í Danmörku frá unglingsaldri. Hann gaf á síðasta ári út sína fyrstu plötu, Mount Modern, sem fékk mjög góðar viðtökur bæði hér heima og erlendis. Mörg lögin fjölluðu um það að eignast krakka og að vera pabbi og þóttu textarnir sérlega hnyttnir.