Opið bréf til borgarfulltrúa Sigrún Edda Lövdal skrifar 14. nóvember 2012 06:00 Stjórn Barnsins, félags dagforeldra í Reykjavík, lýsir furðu sinni á þeim vinnubrögðum sem hafa verið viðhöfð af hálfu meirihlutans í borgarstjórn Reykjavíkurborgar þegar kemur að dagforeldramálum. Það er ekki nema rétt rúmlega ár síðan að markvisst var unnið að því hjá borginni að fjölga dagforeldrum og var kappkostað að fá fólk til að koma til starfa sem dagforeldrar. Um 40 Reykvíkingar sinntu kalli borgarinnar með tilheyrandi kostnaði. Fyrir hverja þá sem hefja starf sem dagforeldrar má reikna með að stofnkostnaður sé ekki undir 300 þúsund krónum þegar allt er samantekið. Ekki kemur Reykjavíkurborg neitt til móts við þá sem eru að hefja starfsemi eins og langflest sveitarfélög gera með aðstöðustyrkjum o.fl. Nú koma borgarfulltrúar fram á völlinn enn á ný og nú rúmlega ári frá því að allt kapp var lagt í það að fjölga dagforeldrum. Er nú stefnan tekin á að fækka dagforeldrum um 80-100. Nú á sem sagt að stefna því góða starfi í hættu, sem dagforeldrar inna af hendi við mikla ánægju foreldra. Hvernig í veröldinni geta borgarfulltrúar leyft sér að koma með þessum hætti fram við fólk og sér í lagi þá sem sinntu kalli þeirra fyrir rúmlega ári síðan? Sóley Tómasdóttir borgarfulltrúi talar um í fréttum Ríkissjónvarpsins þann 5. nóvember sl. að brúa þurfi bilið á milli fæðingarorlofs foreldra og leikskóla. Um áratugaskeið hafa dagforeldrar fyllt það bil með fórnfúsu starfi sínu þar sem yngstu þegnar okkar hafa stigið sín fyrstu skref í lífinu og hafa búið að mikilli umhyggju og alúð dagforeldra sem hafa með sínu góða starfi uppskorið ánægju foreldra eins og allar skoðanakannanir sem gerðar hafa verið meðal foreldra bera gott vitni um. Þess vegna er ekki með nokkru móti hægt að skilja hvert Sóley borgarfulltrúi er að fara með þessum orðum sínum og þess þá heldur er hægt að skilja þann viðsnúning sem hún vill halda fram að verði í þjóðfélaginu við það eitt að brúa þetta bil. Við krefjumst þess að Sóley færi rök fyrir þessari orðræðu sinni opinberlega. Þá svari hún þeirri spurningu okkar, ef henni er svona umhugað um foreldra þessara ungu barna, af hverju hún hefur aldrei barist fyrir hækkunum á niðurgreiðslum á daggæslu barna þeirra hjá dagforeldrum? Af hverju hún hafi horft upp á það þegjandi og hljóðalaust að foreldrum í Reykjavík sé mismunað svo um munar þegar kemur að niðurgreiðslum á daggæslu barna þeirra í borginni miðað við niðurgreiðslur til ungbarnaleikskóla? Frá stofnun Barnsins í febrúar 2011 hafa fulltrúar úr stjórn Barnsins fundað með Oddnýju Sturludóttur og Óttari Proppé þar sem fulltrúar Barnsins hafa eytt miklum tíma í að fá meirihlutann í borgarstjórn Reykjavíkurborgar til að hækka niðurgreiðslur til foreldra yngstu barna Reykjavíkurborgar sem hafa nýtt sér þjónustu dagforeldra. Höfum við lagt mikla vinnu í að reyna að fá borgarfulltrúana til að láta af þeim mikla mismun sem foreldrar þessara barna búa við þegar kemur að niðurgreiðslum. Sá mismunur liggur í niðurgreiðslum til foreldra þeirra barna sem dvelja á borgarreknum leikskólum og eða einkareknum, sem eru töluvert hærri og getur þar munað yfir 100 þúsundum á barn. Við höfum lagt áherslu á að borgarfulltrúar komi til móts við foreldra þeirra 800 barna sem dvelja að meðaltali hjá dagforeldrum með verulegum hækkunum á niðurgreiðslum svo jafna mætti þennan mikla mun sem er á gjaldskrá dagforeldra og leikskóla. Skilnings- og aðgerðarleysi borgarfulltrúanna gagnvart þessum hóp foreldra hefur sýnt sig og sannað þar sem niðurgreiðslur til þeirra hafa verið nánast í frystingu í 5 ár. Það skýtur því skökku við þegar Oddný, sem fundað hefur verið með og hefur ekkert viljað gera fyrir þennan hóp foreldra í tæp 2 ár, kemur nú fram í fjölmiðlum og stefnir nú á að setja 1.250 milljónir á ári í að koma eins árs börnum inn á leikskóla, þó svo það komi skýrt fram í skoðanakönnun að rúmlega 50% foreldra vilja ekki leikskóladvöl fyrir þetta ung börn. Stefna núverandi borgarfulltrúa virðist vera að gefa þeim foreldrum ekkert val þar sem niðurgreiðslum er, eins og fyrr sagði, haldið í frystingu á daggæslu barna hjá dagforeldrum. Foreldrar verða, fjárhagslega séð, að setja þetta ung börn á leikskóla hvort sem þeim líkar betur eða verr. Við gerum þá kröfu að Oddný Sturludóttir gefi stjórn Barnsins og foreldrum þessara ungu barna útskýringu opinberlega á því hvað veldur því að niðurgreiðslur til foreldra um 800 barna hafa ekki hækkað að neinu ráði síðan árið 2007, þegar hún kemur nú fram á sviðið með 1.250 milljónir upp á vasann til þess að setja þetta ung börn inn á leikskóla. Viltu birta grein á Vísi? Sendu okkur póst. Senda grein Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Skólarnir lokaðir - myglan vinnur Guðmundur Þórir Sigurðsson Skoðun Er útlegð á innleið? Reyn Alpha Magnúsdóttir Skoðun Lægjum öldurnar Halla Hrund Logadóttir Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun Skoðun Skoðun Er útlegð á innleið? Reyn Alpha Magnúsdóttir skrifar Skoðun Leiðsögundurinn Gaur gerir mig að betri manneskju Þorkell J. Steindal skrifar Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar Skoðun Skólarnir lokaðir - myglan vinnur Guðmundur Þórir Sigurðsson skrifar Skoðun Flokkur fólksins eða flokkun fólksins? Halldóra Lillý Jóhannsdóttir skrifar Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir skrifar Skoðun Hver ætlar að bera ábyrgð á mannslífi? Sævar Þór Jónsson skrifar Skoðun Horfumst í augu Kristín Thoroddsen skrifar Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar Skoðun Saga Israa á Gaza og hvernig hægt er að verða að liði Katrín Harðardóttir,Israa Saed skrifar Skoðun Fordómar frá sálfélagslegu sjónarhorni Sóley Dröfn Davíðsdóttir skrifar Skoðun Er aldur bara tala? Teitur Guðmundsson skrifar Skoðun Íslendingar flytja út fisk og líka ofbeldismenn Guðný S. Bjarnadóttir skrifar Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Sjá meira
Stjórn Barnsins, félags dagforeldra í Reykjavík, lýsir furðu sinni á þeim vinnubrögðum sem hafa verið viðhöfð af hálfu meirihlutans í borgarstjórn Reykjavíkurborgar þegar kemur að dagforeldramálum. Það er ekki nema rétt rúmlega ár síðan að markvisst var unnið að því hjá borginni að fjölga dagforeldrum og var kappkostað að fá fólk til að koma til starfa sem dagforeldrar. Um 40 Reykvíkingar sinntu kalli borgarinnar með tilheyrandi kostnaði. Fyrir hverja þá sem hefja starf sem dagforeldrar má reikna með að stofnkostnaður sé ekki undir 300 þúsund krónum þegar allt er samantekið. Ekki kemur Reykjavíkurborg neitt til móts við þá sem eru að hefja starfsemi eins og langflest sveitarfélög gera með aðstöðustyrkjum o.fl. Nú koma borgarfulltrúar fram á völlinn enn á ný og nú rúmlega ári frá því að allt kapp var lagt í það að fjölga dagforeldrum. Er nú stefnan tekin á að fækka dagforeldrum um 80-100. Nú á sem sagt að stefna því góða starfi í hættu, sem dagforeldrar inna af hendi við mikla ánægju foreldra. Hvernig í veröldinni geta borgarfulltrúar leyft sér að koma með þessum hætti fram við fólk og sér í lagi þá sem sinntu kalli þeirra fyrir rúmlega ári síðan? Sóley Tómasdóttir borgarfulltrúi talar um í fréttum Ríkissjónvarpsins þann 5. nóvember sl. að brúa þurfi bilið á milli fæðingarorlofs foreldra og leikskóla. Um áratugaskeið hafa dagforeldrar fyllt það bil með fórnfúsu starfi sínu þar sem yngstu þegnar okkar hafa stigið sín fyrstu skref í lífinu og hafa búið að mikilli umhyggju og alúð dagforeldra sem hafa með sínu góða starfi uppskorið ánægju foreldra eins og allar skoðanakannanir sem gerðar hafa verið meðal foreldra bera gott vitni um. Þess vegna er ekki með nokkru móti hægt að skilja hvert Sóley borgarfulltrúi er að fara með þessum orðum sínum og þess þá heldur er hægt að skilja þann viðsnúning sem hún vill halda fram að verði í þjóðfélaginu við það eitt að brúa þetta bil. Við krefjumst þess að Sóley færi rök fyrir þessari orðræðu sinni opinberlega. Þá svari hún þeirri spurningu okkar, ef henni er svona umhugað um foreldra þessara ungu barna, af hverju hún hefur aldrei barist fyrir hækkunum á niðurgreiðslum á daggæslu barna þeirra hjá dagforeldrum? Af hverju hún hafi horft upp á það þegjandi og hljóðalaust að foreldrum í Reykjavík sé mismunað svo um munar þegar kemur að niðurgreiðslum á daggæslu barna þeirra í borginni miðað við niðurgreiðslur til ungbarnaleikskóla? Frá stofnun Barnsins í febrúar 2011 hafa fulltrúar úr stjórn Barnsins fundað með Oddnýju Sturludóttur og Óttari Proppé þar sem fulltrúar Barnsins hafa eytt miklum tíma í að fá meirihlutann í borgarstjórn Reykjavíkurborgar til að hækka niðurgreiðslur til foreldra yngstu barna Reykjavíkurborgar sem hafa nýtt sér þjónustu dagforeldra. Höfum við lagt mikla vinnu í að reyna að fá borgarfulltrúana til að láta af þeim mikla mismun sem foreldrar þessara barna búa við þegar kemur að niðurgreiðslum. Sá mismunur liggur í niðurgreiðslum til foreldra þeirra barna sem dvelja á borgarreknum leikskólum og eða einkareknum, sem eru töluvert hærri og getur þar munað yfir 100 þúsundum á barn. Við höfum lagt áherslu á að borgarfulltrúar komi til móts við foreldra þeirra 800 barna sem dvelja að meðaltali hjá dagforeldrum með verulegum hækkunum á niðurgreiðslum svo jafna mætti þennan mikla mun sem er á gjaldskrá dagforeldra og leikskóla. Skilnings- og aðgerðarleysi borgarfulltrúanna gagnvart þessum hóp foreldra hefur sýnt sig og sannað þar sem niðurgreiðslur til þeirra hafa verið nánast í frystingu í 5 ár. Það skýtur því skökku við þegar Oddný, sem fundað hefur verið með og hefur ekkert viljað gera fyrir þennan hóp foreldra í tæp 2 ár, kemur nú fram í fjölmiðlum og stefnir nú á að setja 1.250 milljónir á ári í að koma eins árs börnum inn á leikskóla, þó svo það komi skýrt fram í skoðanakönnun að rúmlega 50% foreldra vilja ekki leikskóladvöl fyrir þetta ung börn. Stefna núverandi borgarfulltrúa virðist vera að gefa þeim foreldrum ekkert val þar sem niðurgreiðslum er, eins og fyrr sagði, haldið í frystingu á daggæslu barna hjá dagforeldrum. Foreldrar verða, fjárhagslega séð, að setja þetta ung börn á leikskóla hvort sem þeim líkar betur eða verr. Við gerum þá kröfu að Oddný Sturludóttir gefi stjórn Barnsins og foreldrum þessara ungu barna útskýringu opinberlega á því hvað veldur því að niðurgreiðslur til foreldra um 800 barna hafa ekki hækkað að neinu ráði síðan árið 2007, þegar hún kemur nú fram á sviðið með 1.250 milljónir upp á vasann til þess að setja þetta ung börn inn á leikskóla.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun
Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson skrifar
Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt skrifar
Skoðun Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir skrifar
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Opið bréf til heilbrigðisráðherra: Iðjuþjálfar – mikilvægur mannauður í geðheilbrigðisþjónustu framtíðarinnar Erna Rut Elvarsdóttir,Lilja Logadóttir, Rebekka Lind Hjaltadóttir,Sandra Dís Sigurðardóttir Skoðun