Silkimjúkt og sefandi Trausti Júlíusson skrifar 31. maí 2012 09:00 Asonat er samstarfsverkefni tveggja vel þekktra íslenskra raftónlistarmanna, Jónasar Þórs Guðmundssonar og Fannars Ásgrímssonar. Jónas hefur mest notast við aukasjálfið Ruxpin, en Fannar er annar helmingur dúósins Plastic Joy. Ruxpin hefur gefið út nokkrar fínar plötur bæði hjá hérlendum og erlendum plötufyrirtækjum, síðast kom Where Do We Float From Here? sem bandaríska útgáfan n5MD gaf út árið 2009. n5MD gefur líka út tónlist Asonat. Tónlistin á Love in Times of Repetition er að stærstum hluta hæggeng, mjúk og seiðandi raftónlist, þó að hún herðist aðeins í nokkrum lögum, t.d. We Have Come So Far Again, Dandelions For You og Last Song (Almost). Þeir félagar syngja báðir á plötunni, en auk þeirra syngja franska söngkonan Oléna Simon, japanska söngkonan Chihiro Dunn og Kjartan Ólafsson úr Ampop. Yfirbragð plötunnar minnir svolítið á listamenn í mjúku deildinni, eins og Thievery Corporation eða Kruder & Dorfmeister, en hljómur Asonat er samt kaldari, meira teknó. Love in Times of Repetition er ágætis plata. Lögin eru misgóð og hún nær aldrei að koma manni verulega á óvart, en hún stendur samt vel fyrir sínu. Bestu lögin eru mjög vel samin og oft ná Asonat-menn að skapa flotta stemningu með vönduðum hljóðheiminum. Niðurstaða: Ágætis plata frá nýrri rafpoppsveit Jónasar Ruxpin og Fannars úr Plastic Joy. Lífið Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Asonat er samstarfsverkefni tveggja vel þekktra íslenskra raftónlistarmanna, Jónasar Þórs Guðmundssonar og Fannars Ásgrímssonar. Jónas hefur mest notast við aukasjálfið Ruxpin, en Fannar er annar helmingur dúósins Plastic Joy. Ruxpin hefur gefið út nokkrar fínar plötur bæði hjá hérlendum og erlendum plötufyrirtækjum, síðast kom Where Do We Float From Here? sem bandaríska útgáfan n5MD gaf út árið 2009. n5MD gefur líka út tónlist Asonat. Tónlistin á Love in Times of Repetition er að stærstum hluta hæggeng, mjúk og seiðandi raftónlist, þó að hún herðist aðeins í nokkrum lögum, t.d. We Have Come So Far Again, Dandelions For You og Last Song (Almost). Þeir félagar syngja báðir á plötunni, en auk þeirra syngja franska söngkonan Oléna Simon, japanska söngkonan Chihiro Dunn og Kjartan Ólafsson úr Ampop. Yfirbragð plötunnar minnir svolítið á listamenn í mjúku deildinni, eins og Thievery Corporation eða Kruder & Dorfmeister, en hljómur Asonat er samt kaldari, meira teknó. Love in Times of Repetition er ágætis plata. Lögin eru misgóð og hún nær aldrei að koma manni verulega á óvart, en hún stendur samt vel fyrir sínu. Bestu lögin eru mjög vel samin og oft ná Asonat-menn að skapa flotta stemningu með vönduðum hljóðheiminum. Niðurstaða: Ágætis plata frá nýrri rafpoppsveit Jónasar Ruxpin og Fannars úr Plastic Joy.
Lífið Mest lesið „Siðlausi siðfræðingurinn“ hreyfir ekki við Stefáni Einari Lífið Úr Idolinu yfir í útvarpið Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Lakkrískóngurinn Bülow selur sveitasetrið Lífið Umdeilt uppáhald arkitekts við Austurvöll Lífið Hvað gerði Diddy? Mansal, ofbeldi og samsæriskenningar um Justin Bieber Lífið Skilnaður Step Up hjóna genginn í gegn Lífið Frumsýning á Vísi: Rokkað á miðju gólfi komin sjö mánuði á leið Tónlist Hjem til jul aftur á skjáinn Bíó og sjónvarp Fleiri fréttir Speak No Evil: Pabbi er ekki með fulle fem Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira