Landsliðskonan Fanndís Friðriksdóttir hefur ákveðið að taka tilboði norska félagsins Kolbotn og spila með þeim næsta árið.
Þetta staðfestir Fanndís í samtali við mbl.is nú undir kvöld.
Kolbotn hefur lengi verið eitt sterkasta lið Noregs og hafnaði í fimmta sæti norsku úrvalsdeildarinnar á síðustu leiktíð.
Landsliðskonurnar Katrín Jónsdóttir og Þóra B. Helgadóttir hafa báðar leikið með félaginu.
Fanndís búin að semja við Kolbotn
